دكات عنيزة

دكات عنيزة (http://www.unaizah.net/index.php)
-   دكة صفحات شاعر (http://www.unaizah.net/forumdisplay.php?f=179)
-   -   سلسله قصائد الشاعر احمد عبدالرحمن الخراز (http://www.unaizah.net/showthread.php?t=22489)

الوسمي 11-07-2004 01:06 AM

السلام عليكم .

اخصص هذا الموضوع لشاعراحمد الخراز ينطوي خلف الظلام تاركاً امامه كلمات تبوح بالمشاعر الفياضيه والتي تخرج من قلب ينزف جريح كلها معاناة ونبض من الأحساس يتناثر في صفحات الزمن .

الشاعر هو ( احمد عبدالرحمن الخراز ) ونلتقي مع كلماته في اول قصيده له من بوح المشاعر ..


لا ردك الله

قالت وهي تكذب لـك الله ماخـون = وأنت الوحيد اللي هويـت بحياتـي
وصدقتها ماخالطن شـك وضنـون = وأثري سعيت بطيب قلـب لوفاتـي
القلب الأبله حطها في سمـا الكـون = وهـي مكانـه ماتعـدى الفـلاتـي
ضلع عوج واللـي يعدلـك مجنـون = إلا بكسـرك مـع جميـع الجهاتـي
دامك غرقت وقلت ماقـال فرعـون = أمنت باعلى صوت فـات الفواتـي
يوم إن قلبي في هواك أنت مفتـون = يـوم إن عينـي ماتـذوق المباتـي
وأنت بصدود وودك أقبلك وشلـون؟ = لا ردك الله وإحــرق بذكريـاتـي
وروحي مراح اللي مع الناس يطرون = إمقيط وإيدي تنتصف فـي عصاتـي


احـــمـــد الـــخـــراز

ماجد المغيولي 11-07-2004 01:33 AM

السلام عليكم ...

الوسمي ...

هلا بك .. وتسلم يمينك والله .. وصح لسان الشاعر أحمد الخراز .



وروحي مراح اللي مع الناس يطرون 000 إمقيط وإيدي تنتصف فـي عصاتـي


عدل هالبيت !!

شكرا الوسمي .. (( ورى الخط كبير !! . تعبنا نلاحق البيوت )) .

تحياتي للجميع ...

غيووم 11-07-2004 01:48 AM

يوم إن قلبي في هواك أنت مفتـون يـوم إن عينـي ماتـذوق المباتـي

يسلمو اخوي الوسمي اختيار يفوق الذوق وش بقي بعد هذا البيت من الروعة نقلت الابداع فاحسنت الاختيار
كل الشكر لك اخوي الوسمي
والف تحية للاخ الشاعر احمد الخراز


مني الشكر


غيووم

القلم الصريح 11-07-2004 02:16 AM

<span style='color:red'><div align="center">مشكور أخوي الوسمي ..

:( </div></span>

الوسمي 11-07-2004 08:18 AM

أخواني الغالين ..

ماجد المغيولي .. تسلم يابعدي على تشريفك ورأيك يهمن وأبشر نصغر الخط في القصيدة الجايه ولا يهمك طال عمرك .

أختي غيووم ..

أشكرك من صميم قلبي على كلامك الطيب والجميل والله يحفظك على تشريفك الغالي علي .

أخي القلم الصريح .

ياحبيلك ونت سالم يابعدي والله يخليك على تشريفك الغالي

ماجد الشمري 11-07-2004 11:43 AM

رائعه


الله يعطيك العافيه يالوسمي

ضلع عوج واللـي يعدلـك مجنـون إلا بكسـرك مـع جميـع الجهاتـي


بيت جميل بس شكله ما اعجب ابو حمد ( ماجد )

مشكور مره ثانيه يالوسمي وكثر لنا من قصايد ابو عبدالرحمن

الوسمي 11-07-2004 12:03 PM

تسلم والله اخوي الغالي ماجد على تشريفك .. وأبشر بسعدك يالغالي .

ولك مني خالص الشكر والتقدير

حمودي 11-07-2004 02:09 PM

ابيات جميلة صح لسان ابو عبدالرحمن وهو شاعر مرهف الحس كبير المعاني ويسلم ذوقك أخوي الوسمي وتخصيص موضوع لقصائده عمل رائع ولكن ليت نشوف جديد ابو عبدالرحمن وابياته اللي لم تنشر :D


الساعة الآن 09:46 PM


Powered by vBulletin®
استضافة Copyright ©2000 - 2017, vBulletin Solutions, Inc.

Security team