عرض مشاركة واحدة
 
قديم 31-12-2007, 01:00 PM   #1
افتراضي

هذه بعض من قصائد الشاعرالراحل / عبدالله بن عبدالعزيز العليوي - رحمه الله -




ماجيت دربك راضـي باختيـاري *** لك خطوتي تنقاد لا عنـي ابطيـت

ابعد عن الي لك يجيبـون طـاري *** وان زارني طيفك لزولـك تمنيـت

لانت بعيد ولا طفت منـك نـاري *** فيك الامل لاهوب حـي ولا ميـت

تخطي واقدم عن خطاك اعتـذاري *** حتى خطاك انساه ما كنك اخطيـت

بين الرجا والياس طـال انتظـاري *** والياس رحمه ياشقى مـن توليـت

اعلنت بالفرقى عليـك انتصـاري *** بالقلب اشوفك مثل غيرك تساويـت


.................................................. ........


تذكرتــك وقلبي مسرف الخطوة يبــي فرقاك *** وفي نــــفسي بقايا من جروح العام مدفونه

تذكرتــك وفي عيني مواري حزن من ذكراك *** تـــلفت الخافق يمك و جاك خطاه مجنونـــه

وجيتــــك ثاير العبره أحبك من يقول أنساك *** غيابك نار من يقوى يشيــــــل النار بعيونه

هلا بأيامك السوداء هلا بالحزن في دنيـــاك *** رضى قلبـــــي بتعذيبك أبد مايطلب العونه

متى تفرح بك أيــامي متى وشلون كيف القاك *** متى هالليــل في شمسك يذوب ويختلف لونه

تعبت من التعب وينك تعال ومد لي يـــمناك *** حياتي لاخلت من شوفتك ماهيــب مضمونه


.................................................. ........


خـلاص لاترجـع ترانـا سلينـا *** ما كنت اصدق يوم انـي ابنسـاك

فـي بعدكـم يامـا عليكـم بكينـا *** واليوم ما تطري على البال طرياك

وانا ادري انك رغم صـدك تبينـا *** لاشك ناس ضدنا تقصـر اخطـاك

خـل الـذي غيـر حنانـك علينـا *** يعطيك من قلبه ربع مـا عطينـاك

وشعـاد لا صـار السـلام بيدينـا *** قلبي وقلبـك بينهـا درات افـلاك

ودعت مـا ضـي حبنـا وانتهينـا *** وقلب نسيتـه يـوم لابـد ينسـاك

من سكرة الحب الصناعي صحينـا *** حتى المجالس عفتها خوف ذكـراك

حـب جديـد غيـر حبـك لقينـا *** حديتنـي جعـل الليالـي تـحـداك




ولنا عودة ان شاء الله مع البقيه من قصائده رحمه الله

تحياتي
جريح المودة













توقيع - جريح المودة


فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن من يواسيها
حرام أشوف افراحي بأقدام الألم تنداس
أداري دمعه هلت ومالي غير أداريها
  رد مع اقتباس