عرض مشاركة واحدة
 
قديم 31-12-2007, 10:21 PM   #4
افتراضي

هذه مجوعة اخرى من قصائد الشاعر الراحل: عبدالله بن عبدالعزيز العليوي

-4-

ابكي هوانـا كلمـا نـاح قمـري *** واذكرك لا ضاقت على نفسي الدار
وأنت بجروحي يا هوى البال تدري *** ياشايلٍ قلبي علـى كـف الأقـدار
حفرت في ذكـراك هـمٍ بصـدري *** لولا الأمل والخوف بيحت الأسرار
سفينتي في بحر الأحزان تجـري *** يا زين في عهدٍ مضى صرت غدار
مهما يطول الليـل بتـلاه فجـري *** لا بد من صبحٍ عقب ليل الأكـدار
حبك طوى ياغاية النفس عمـري *** متى بشمسك ينجلي ليـل الأكـدار

-5-

أشوفك ما سئلـت وقلـت طـول *** عسى ماشر وزولك مـا نشوفـه
عسى قلبك لغيـري مـا تحـول *** مـا دام إنـك بقلبـي لا تلوفـه
عـذولٍ بيننـا قــال وتـقـول *** تجي وتروح والعيـن مخطوفـه
تذكـر فـي ربيـع العـام الأول *** تذكر قبـل تجرحـك الحسوفـه
لجا في خاطـري هـم وتجـول *** وأنا أرجي من وراء الظالم مروفه
بقلبي حـب لـو صابـك تهـول *** تعرف الحب يمكن مـن حروفـه

-6-

الصيف قرب وا عذابي من الصيف *** يبي يروح الزين ماعـاد ينشـاف
لا غاب عن عيني حسين التواصيف *** عز الله إني للشقاء صرت ميـلاف
العام جرحي داخل القلـب ماشيـف *** واليوم أخاف جروح فرقاه تنشـاف
قلبي معه والدرب يمـه صواديـف *** ليته بجنبي كان ما عنـدي خـلاف
ياصيف ... لا تبعد قلوبٍ مواليـف *** ارفق ترى قلبي على جال ميهـاف
في بحر حبه مـا تفيـد المجاديـف *** انشهد ان الـدار لا غـاب تنعـاف

-7-

اللي حصل وقفة خواطر وطالت *** بيني وبينك وأنت زودتها زود
سحابة مرت سمانا وزالت *** هذا اعتقادي كنت لرضاك مشدود
وأشوف زولاتك علينا توالت *** تخطي وأسامح بس ماشفت مردود
ياما عليك النفس يازين شالت *** هم لجا في خاطري ما له حدود
معك الليالي يوم صديت مالت *** صارت عقب فرقاك أيامنا سود
رغم الظروف اللي عن القرب حالت *** يازين أحبك والأمل فيك مفقود




ولنا عودة ان شاء الله مع مجموعة جديدة من قصائدة رحمه الله













توقيع - جريح المودة


فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن من يواسيها
حرام أشوف افراحي بأقدام الألم تنداس
أداري دمعه هلت ومالي غير أداريها
  رد مع اقتباس