دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر > دكة صفحات شاعر

دكة صفحات شاعر دكة خاصة لرصد قصائد الشعراء البارزين

إضافة رد
 
أدوات الموضوع انواع عرض الموضوع
 
قديم 06-01-2007, 12:23 AM   #1
افتراضي

عبدالله ابن لويحان شاعر كبير واسمه الحقيقي عبد الله بن عبد الرحمن العنقري التميمي وأهله أصلا من بلدة ثرمدا وخواله السبيل من نفي من عائلة الشاعر الكبير بن سبيل وعديله هو الشاعر الكبير سليمان بن شريم يرحمهم الله سبب تسميته ببن لويحان نسبه لأحد أجداده في بلدة ثرمدا حيث كان يلوح بكم ثوبه المرودن لعابرين السبيل لكرمه وجوده فأخذ عبدالله لقب بن لويحان من جده وعبدالله بن لويحان شاعر نظم وشاعر رد وله عدد من القصايد الجميله
في مره راح للبحرين وماجازت القعده وحامت تسبده من شي شافه;sea: فقال
<div tag='font="Simplified Arabic,4,seagreen,bold,normal" bkcolor="transparent" bkimage="1" border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
هاضني وابدا كنيني يوم طبيت المنامه=ديـرة ما طبهـا جدي ولا ابوى القريبي
يا ولي العرش منها كف رجلي بالسلامه=قبل ما يلحق جديد العمرفلاَّج الطليبي
اتنحر نجد حيث ان نجد مضبوط كمامه=ضابطه مقدم هل العوجا منزحة الحريبي
والله ان ركبي على هرش ومن فوقه مسامه=اشهب ذيله مشلوط كن جلده جلد ذيبي
في هبايب نجد وارقى من عدامه في عدامه=شربي الما الهمج بأوطاني كما شرب الحليبي
انه اشوى من ركوب الغوص مع خطو الفدامه=ما يحوش الليل معهم غير مقـرود النصيبي

</div><script>doPoetry()</script>

نكته عن عبدالله بن لويحان
كان ابن لويحان بمصر مع واحد من الربع الكبار وسيرت عليهم الفنانه أم كلثوم تسلم فقال الرجال الكبير لبن لويحان سمع كوكب الشرق أم كلثوم بعض القصايد ومن ضمن القصايد قصيدة يا نجد ثم قصيدة شارع فؤاد (شارع فؤااااد شارعي ;sea: ) ويوم سمعت أم كلثوم القصايد جاز له القصيد وقالت: من هذا الشاعر؟
فجاوب وقال هذي قصايد شاعر اسمه اللوح يقصد لويحان ;sea:
فقالتأم كلثوم : هذا لوح من ذهب ;sea:











  رد مع اقتباس
 
 
قديم 06-01-2007, 02:48 AM   #2
افتراضي

<div align="center">فؤااااد

ما شاء الله عليك ,, والله يا أنت غادي كلك ملح وقبله ;sea:

سلمت يا بعدي على هالمقدمه والتعريف بشاعر علم / عبدالله بن لويحان ( رحمه الله ) .

يا ولي العرش منها كف رجلـي بالسلامـه
.............. قبل ما يلحـق جديـد العمرفـلاَّج الطليبـي


فلاّج الطليبي ! .. وينكم يا اهل القصيد ؟ وش يقصد هنا

اجل الرجل الكبير يقول .. اللوح !! ;sea: ما علينا

وإن مت في شارع فؤاد ادفنوني 000 ياطا على قبري بنات مزايين

هذا بيت من حقات مصر يا فؤااد باشا ,, عطنا الباقي ! .. والا بيع علي هالـ CD اللي عندك

شكرا لك ,,</div>











  رد مع اقتباس
 
 
قديم 06-01-2007, 08:26 AM   #3
افتراضي

في هبايب نجد وارقى من عدامه في عدامـه
شربي الما الهمج بأوطاني كما شرب الحليبي
الله الله
صح لسانه والله انه صادق :i18: ...

يامال العافيه يافؤاد على هالنقل الثري
عبدالله ابن لويحان ... شاعر لا يحتاج تعريف ... لطالما سمعت قصائده تردد على مسامعي

وبما انك عطيتنا هالنكته ووسعت صدورنا اجل خذ هذي :i02:
يقولك كان بينه وبين ابن حصيص(محمد بن فهاد القحطاني) مداعبه
يوم يقوله ابن حصيص :
الا يالوح منتب لوح كتب ٍ في يد القاري ... أظنك لوح عظم ٍ يوم يرمى فالمعاطيني
فرد عليه ابن لويحان وقاله:
انا لوح ٍ الى مني ضربتك عسر مااداري ... تدزذف ماكليت من أمس يارخو الجناحيني
المعاطيني قصده الزبايل الله يعزكم
ويوم يقوله يارخو الجناحيني قصده ( الجعل ) أجلكم الله
( مزح ثقيل ) ;dgh:
اما قولتك يا ماجد وش يقصد بفلاّج الطليبي
أظنه الموت :i12: ... هذا مجرد اجتهاد وانت راع القصيد وعطنا العلم











  رد مع اقتباس
 
 
قديم 07-01-2007, 12:26 AM   #4
افتراضي

ماجد المغيولي عز الله إنك مثل الكحل بالعين تزين الموضوع بردك ;sea: ولامهونة بشبراق التركي مثل المايونيز مع الشورما ;sea:

فلاّج الطليبي وش تقول برمعة البنت :i12:

اضافة
ابن لويحان في فتره من حياته كان داج هاج جرب حضه بالزراعه وقضب له مزرعه بعين ابن فهيد يبي اغدي تزين أموره ويتجر مير مثل مايقولون المقرود تلاحقه القراده وبسبب المزرعه ركبه الدين وزاد فقره فقر فقال القصيدة :

<div tag='font="Simplified Arabic,4,seagreen,bold,normal" bkcolor="transparent" bkimage="1" border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
حداني على قطع الخبط غزّة الناعور=وأنا قبل غزه سالم الدين واشوالي
أصافح بعمري والشقا واشغل المقدور=ولا لي بكتب الدين والزرع مدخالي
ولاعرف جلوى والمخانيق وام القور=كليف تعبها والله اعلم بالاحوالي
كليف تعبهــا كن شغّالها مصخور=ولو نام طول الليل ما منش مقيالي
تمنيت لوإني على اللي تكب الكور=طليق الأيادي تقطع الفنتق الخالي
أبا انحر ديارً تسمع الريل والبابور= ديار الرخا ما قالوا الصاع بريالي
أبا هدي عليكم يا فلاليح مني شور=إلى صار كلّش دين من راعي المالي
ترى تركته في مطلب العز والمذخور=أقوله وأنا ما نذرت حالي عن أفعالي
</div><script>doPoetry()</script>











  رد مع اقتباس
 
 
قديم 08-01-2007, 10:37 PM   #5
افتراضي

الله يرحم عبدالله بن لويحان ويازين ماخترت أخوي فؤااااد قصيدة وشاعر
من الطراز النادر
سلمت لنقلك وذوقك













توقيع - &lt;&lt;سهم&lt;&lt;

  رد مع اقتباس
 
 
قديم 14-01-2007, 02:32 AM   #6
افتراضي

الغالي فؤاد انت متذوق خطير
آمل الاتحرمنا من مشاركاتك لان لها قيمة شعرية كبيرة
رحم الله بن لويحان
دمت بخير











  رد مع اقتباس
 
 
قديم 15-01-2007, 12:36 AM   #7
افتراضي

<<سهم<< ماعليك زود وتراك احرجتن بالمدح حتى صارن خدودي ;jhsg:

مخاوي سهاد الذوق ذوقك وردك وأكيد أحد قايلن لك إني أحب المدح وخذ من المواضيع اللي تنومس أهل الهواء والذوق

وهذي كم بيت لإبن لويحان شعر الرجال الأولين اللي فيه الحكمة ماهو مثل شعربعض التالين اللي يجيب الحموضه والديزنطاريا :i14:

<div tag='font="Simplified Arabic,4,black,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
الطيب يخلق مع قلوب الرجــاجيل= ما هوب في بنك التجاره تجــاره
والرزق من عند الولي بالتســاهيل=ماهوب بالقوّة ولا بالشطـــــــاره
من عاش في حيله وكذب وتهاويل=ياسرع من عقب الطلوع انحداره
والشور ما ينفع قلوب المهــــــابيل=كالزند وان حرّك تطاير شــراره
لو تامره بالعدل يعرض عن الميل=بستل على رايه بربح وخســــارة
والطبع مـــــــا ينزال غيره بتبديل=مثل الجدي مرساه ليله نهــــــاره
والحنظلة لـوهي على شاطي النيل= زادت مرارتها القديمة مـــــراره
</div><script>doPoetry()</script>











  رد مع اقتباس
 
 
قديم 15-01-2007, 12:37 PM   #8
افتراضي

والرزق من عند الولي بالتساهيل :i18: ماهـوب بالقـوّة ولا بالشطـاره


فؤاد شكلك راعي طويله

والله فكره حلوه لو نخلي الصفحه شامله لبعض قصائد وتصير كمرجع :i02:

وخذ هذي من قصائده اللي تعجبني :

البارحة ما هملج الطرف بنعـــاس

ما فاض من نجم عيوني تخيلـــه

لا باس يا عيني على السهرلا باس

على وليف ٍ فات ما القى مثيلـــه

عنا قطع شوف المواصل له ارماس

ولا في يدي من ناب الارداف حيلـــه

فيما مضى ياخذ جوابي من الراس

واليوم لا عاني وأنا ما اعني لـــــه

العشرة اللي ما توثق على ساس

تطيح لو صارت حصون ٍ طويلـــــــة

يا ونتي منها المعاليق يبــــــاس

صبري قضى ما باقي الا قليلـــــه

صبرت صبر ٍ صابني منه وسواس

صبر له النفس العزيزة ذليلــــــــة

على وليف ٍ حال من دونه الياس

والياس طب ٍ للقلوب العليلـــــــة

من يتبع المقفي مرده للافلاس

مثل الذي بالقيظ يدفق صميلـــــــه

هذي دروب الحب جِدَّد ودراّس

الله يمضيها بستر وجميلـــــــه

موفق ٍ للخير ياظبي الأطعاس

لا تحسب الدنيا بأهلها طويلــــــه

و صلاة ربي عد ما هب نسنــــاس

على نبي ٍ وضح الله دليلـــــــــه

....
أجل مايو نيز هاه ؟ :i12:
ماعليك زود ومشكور ;dgh:











  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حفل تكريم لأبناء الشيخ علي بن عبدالله التميمي بدون عنوان دكة عنيزة الخاصة 1 22-03-2008 04:05 PM
الشاعر الكبير (محمد الضيف التميمي) يرد على ط!!!!!ش قلعة أجياد دكة الأدب والشعر 2 18-10-2006 05:19 PM
اول ابيات قالها الشاعر عبدالله الخويطر ابو بدر&#33;&#33; دكة الأدب والشعر 5 19-11-2005 01:05 PM
شاعر عنيزة عبدالله بن حمد السناني أحمد بن عبدالله دكة الموضوعات العامة 3 17-04-2004 01:59 PM
افتتاح مركز علي بن عبدالله التميمي للتربية الخاصة الغريب دكة عنيزة الخاصة 3 27-03-2003 01:16 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 01:57 AM



Powered by vBulletin®
استضافة Copyright ©2000 - 2017, vBulletin Solutions, Inc.