دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 30-01-2011, 02:27 PM   #1
افتراضي مدونــــــــــــتـــــــــــــــــــــي

مسيكم بالخير أبد والله ماهنا إلا العافيه مدونه لمجموعة قصايد
نبي نستانس وننبسط مادام الدعوى وناسه ونبدأ :



ياقلب عمّار وأنـتي له بعد روحه=ماهمني غيرك إن جاء أوبعد راحي
يكفيني إنك معي للقلب عن نوحه=أرتاح في بسمتك لاشفتها أرتاحي
ويكفيني إنك تداوي نفس مجروحه=عن الشقاء مانبي غير أنت جرّ احي
ويكفيني إنك حنون بصالي الفوحه=ياثومة القلب في وقتي إذا فاحي
وشوله أرمز على التذكير بوضوحه=أحيبها فيك مثل الشمس لأصباحي
أنـتي على الكل سيطرتي ومسموحه=غلاك غازي فؤاد الكل وإجتاحي
أرخصت فيها الكويت وساكن الدوحه=لعيونك أنـتي أصير مجنونها الصاحي
كملتها بالصراحه فيك يابوحه=ومن جاء خله يجي وبكيفه إن راحي



وه بس











اوسمتي

  رد مع اقتباس
 
 
قديم 30-01-2011, 03:16 PM   #2
افتراضي رد: مدونــــــــــــتـــــــــــــــــــــي

مشكور يامشرفنا ومراقبنا العزيز مشتاق
على التثبيت طال عمرك



ونقول :





لك الغلا ياللي على البال لو غبت=تبقى على طول الزمن وأنت غالي
منهو يقول إني عن الود أنا تبت=معك لحالك بس والغير زالي
ياقرة عيوني أنا جيت لك جبت=قلبي هديه عن صدوف الليالي
يقول ضني فيك والبوح ماخبت=وأقول كل الوقت وأنتم بـبـالي
بس بغرامك ياغلا الروح بك ذبت=تفداك نفسي والجوارح وحالي
دامي عن جروح الليالي معك طبت=أسكن معك في ديرتك راس عالي
مامرة (ن) كدرت بالي ولا عبت=لبى البكيريه وأنا أقصد مقالي





وه بس << يازين ورد منتداكم ياخوي











اوسمتي

  رد مع اقتباس
 
 
قديم 30-01-2011, 04:00 PM   #3
افتراضي رد: مدونــــــــــــتـــــــــــــــــــــي




البارحه رحت للغالي وقابلته=وعيونه بليلنا كله على عيوني
يقول قلبي مع الغيبات هبلته=ياكل دنياي وكل الناس في كوني
عجزت أقاوم وقمت بساع قبلته=لاصار يرتاح مع عمّار ويموني


::::::::::::::::::::::::::::::::::::::::::::


يازين تعصيبها من قلب به طيبه=ماقد لمحته بيوم (ن) فيه زعلانه
ياملحها بالظروف وملح تأديبه=اللي تركنا جميع الناس من شانه
فديتها تزعل إن طوّلت بالغيبه=ماخانتن لحظة (ن) والقلب ماخانه



وه بس











اوسمتي

  رد مع اقتباس
 
 
قديم 30-01-2011, 04:32 PM   #4
افتراضي رد: مدونــــــــــــتـــــــــــــــــــــي




بعض الرخيصين لاجاء جاك متـخـفــّــي=وأنا تركته مع اللي هو مختاره
ماهوب غايه لقلبي أو بعد شفي=وحلفت ما أدخل ولا زاير على داره
تركت صفه وجيت لعزي بصفي=وأبعدت مدري وش اللي صار وأخباره
كرامتي عندي أغلى من عطا كفي=والقلب به ناس مايفشون لأسراره
ماهوب مثلك مع العشاق يالطفي=مايتبعون العجاج إن شافو غباره
خمـّـا م في مهنـتك وتشيل وتضفي=ماجاك مكسب مع العطار عطاره
في هفة مقيط عيـّـدنا إلى هفي=دام السماء فوق بنجومه وبأقماره
من فضل ربي شبعت وصرت مدفي=تركت دارك لغيري يسكن بغاره
ولا تحاول تدور براي وتلفي=مرتاح من دون صاروخ (ن) وطياره
خيانتك مع رداك بحالك يكفــّــي=صدقني إني نسيت الحب وأضراره











اوسمتي

  رد مع اقتباس
 
 
قديم 30-01-2011, 10:05 PM   #5
افتراضي رد: مدونــــــــــــتـــــــــــــــــــــي


طرى على بالي أقول أربع أبـيات=هن بإختصار القول زبدة كلامي

مادامني موجود مابين دكات=لاميّـت (ن) جوع (ن) ولا نيب ضامي

أكره خيانات الأوادم على الشات=وإلا المسن مع السحا بالظلامي

وأحب أصحاب النفوس العزيزات=على الشرف وأبصم لهم بالبهامي











اوسمتي

  رد مع اقتباس
 
 
قديم 30-01-2011, 10:24 PM   #6
افتراضي رد: مدونــــــــــــتـــــــــــــــــــــي


ياكثرهم ربعي على غير منفوع=ماهمهم غير المصالح وراحو
ماتاخذ العشره مع الواحد أسبوع=إلا تـبـيـن المصلحه وإستراحو
أنا أشهد إن الخلق معطى ومـمنوع=وإلا بعضهم خيرة (ن) يوم طاحو
ماهوب مسنون (ن) ولا هوب مشروع=في عرفنا إلى إبتعدنا وصاحو
ماهوب مغنينن عن الهم والجوع=شر(ن) على نفسي لهو وإستباحو
الحمد لله كنهم صيد جربوع=والحمد لله عن طريقي وزاحو
ذولا مثال لنوع ما أقبحه من نوع=كل (ن) عرفهم بالندم يوم ناحو











اوسمتي

  رد مع اقتباس
 
 
قديم 30-01-2011, 11:05 PM   #7
افتراضي رد: مدونــــــــــــتـــــــــــــــــــــي




ألا ياشين قلب (ن) به خيانه=يمثل طيـبته خبث ولعانه
يحاول بي لما غرن بلعبه=وصدقته وأخذ مني حصانه
شكا لي من معاناته وهمه=عطيته غايته هي والأمانه
طلع غدار نذل (ن) ماعشقـني=يبيها تسليه فاقد حنانه
وأنا دامه بحبه لي تردى=جزيته مثل إهاناته بإهانه
ولا يعني لي من عقبه طردته=بشاني رحت وخليته بشانه
وشفت الخير وقلوب (ن) تبـيني=على وضح النقاء يالدردغانه
من اللي غرب عنا أوبعدهم=لما تاصل ليا برج الشنانه
عن أمثالك قـفـلت الباب كله=ودوّر لك على حاضن حضانه
وغسـّـلـنا من الراس الكبيره=إلى أصغر راس فيكم يالبطانه
مريض النفس في حب التملك=نعافه دوم في حق (ن) وإدانه
لسانه لو تكلم قال مخطي =وهو كاذب وصادق في لسانه











اوسمتي

  رد مع اقتباس
 
 
قديم 31-01-2011, 12:50 AM   #8
افتراضي رد: مدونــــــــــــتـــــــــــــــــــــي




قررت أسعدها مثل ما أسعدتـني=ونســّـــتـــنـي هموم الزمان وبلاويه
بنـت الوفاء هي مخلصه مانستـني=فيها الوفاء والطيب ماهي تشابـيه
ماصادف بيوم (ن) لها كدرتـني=وشعري يزوم براسها في قوافيه
أحبها دام إنها إحتوتـني=بغيت أفارقها على لا أو إيه
غلطة حياتي مع حياتي كوتـني=وأدركت معنى الحب وأسمى معانيه
بنـت الكرم والجود يدها عطـتـني=يوم إن ولد اللا ش يمسك مخابيه
قدّرتها وهي بعد قدّرتـني=في وقت ياخذ من غلاها وتعطيه
حتى بدوامي ياملا حبـبتـني=من قربها له صرت بالليل أنا أجيه
فديت قلبه بالمساء كلمتـني=تقول ياعمّار وأقول لبـيه
قالت تراها من غلاك ذبحتـني=مشتاقة (ن) عيني لزولك تباريه
قلت أبشري باكر وهي ولعتـني=ودعتها تضحك وهذا اللذي فيه











اوسمتي

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 03:54 PM



Powered by vBulletin®
استضافة Copyright ©2000 - 2017, vBulletin Solutions, Inc.