دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر > دكة صفحات شاعر

دكة صفحات شاعر دكة خاصة لرصد قصائد الشعراء البارزين

إضافة رد
 
أدوات الموضوع انواع عرض الموضوع
 
قديم 25-01-2006, 12:40 AM   #49
افتراضي

بيض الله وجهك يابو حمد على هالجهود الكبيره منك . كلمة شكر لا توفيق حقك والله

تقبل خالص تحياتي













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 27-01-2006, 03:04 AM   #50
افتراضي

<div align="center">شكرا ابو يزيـــد ,,

نواصـــل ,,

قصيده يسندها الى الشاعر / عبدالعزيز الفايز ( رضـا )
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا راكبين اكوار خضع المقاديم = خلوا مطاليع الزواهر مقاديم
لعيون من همّه يعمل المقاديم = غرو ملك دولاب قلبي وفرّه
المترف اللي بعّد الرمس عني = والى حضرت او غبت ما سأل عني
والى نطحني مره صد عني = كنه مع المرّه وقلبي مقرّه
مستانس مبسوط ماله مراويح = سقوا سقا داره بوبل المراويح
وانا له اتعب بالسرا والمراويح = واصبحت له بين الوراد ومجرّه
يحمد مصابيح السرا كل سراي = والله عليم في علاني وسراي
وانته تعرف العلم يا دايس الراي = وقت مضى يا زين عذبه ومره
الجادل اللي بين اشافيه ما ورد = القى الى جيته شمطري وماء ورد
والى وردت العد والاه ما ورد = قفر خلا مابه من الرود جرّه
الجادل اللي بين اشافيه ماعود = جيته كما اني قبل ..قبل امس ماعود
القى الى جيته زباد وماعود = الا ان تهيا مثلها في مبره
لو ييتفي لي منه ذوق بنواشي = من ذبّل يشدن ضيق النواشي
كان ارخص البصره وسوق النواشي = ومن القطيف الى حدود المجرّه
الى حصل لي عقب الايّاس قرطوع = طاب المنام وخذت لي منه قرطوع
والصبح اباخذ لي على الرجم قرطوع = راع الهوى ملزوم رجمه يمرّه
افرح الى تمثنيت سوقه = ساقي يسير وشفّ بالي يسوقه
لو ان من صوّب صويب يسوقه = قلت اوصلون ايّاه مابه مغرّه
متبّجح بمشودخات المشاريف = وانا عليه العي بروس المشاريف
وهو على خيله بركب المشاريف = باليوم عشر امرار..ماهيب مره
مانيب اثمّن هون دربه وكوده = الموجب ان مواجهي ما يكوده
والى سفهني مرة قلت كوده = يرجع وما حرّق ضميري يحره
حسبي على من كدره عقب ما كان = لو هامني بذوابة الحرب ما كان
علاّمه اللي عالم كل ما كان = واليوم صدّ وكفّ خيره وشره
حلفت انا لو جار بي فيه ماجور= واصبر وراع الصبر بالذكر ماجور
ويجيره الله يا رضا وانت ماجور = واحفظ كلامي في ضميرك وسره
وصلوا على المختار سيد البريات = عد النفوس المجرمه والبريات
والآل والاصحاب ما قلت من جور = غرو ملك دولاب قلبي وفرّه
</div><script>doPoetry()</script>

<div align="center">= تمت =

وله ايضـا :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يالله يا مجري القمر من مغيبه = يا مرجعه للشرق من عقب تغريب
تفرج لعين من وجعها مريبه = عيّا يفيد بها الدوا والتطابيب
هذا لها خامس شهر مستصيبه = بين الرجا والياس والخبث والطيب
على الذي من دونه ارض تعيبه = ما ياصلنّه متعبات المناجيب
ليت الهبوب اللي تجيني تجيبه = لاشرّقت من نجد من غير تجنيب
لين اني اقضب مقدمه والتوي به = عقب التفرق والبطا والتغاريب
يقرا لمضموني وانا اقرا لغيبه = سراير تكشف بليّا مكاتيب
اللي علي فراق شوفه غصيبه = نهار قفينا على الفطّر الشيب
ادعج غنج كنه عيون الربيبه = شيهانة تفرس بكل المخاليب
المترف اللي ما يمانع صويبه = جربّت منه وكل شي بتجريب
العين خرسا من طربها غضيبه = فيها لطرّاد الموده مغاليب
والراس ذيل اشقر يشعشع سبيبه = يسبق اذا جنّ السبايا جناديب
والخد قنديل الدجا ينسري به = عليه من شغل النصارى كواليب
وعوده كما البردي ليان رطيبه = يومي به النسناس بين النبانيب
وملامس مانشت منها لبيبه = الين من الديباج دمث المقاضيب
وريحه كما ريح الزهر في شعيبه = في مربع علّه من الوبل تشعيب
ممطور امس ومدرس ما وطي به = واليوم شمس وفاح طيب على طيب
لا واهني الذيب يرفع قنيبه = وانا قنيبي بالخفا شقّت الجيب
ما والله اصخي به وانا خاطري به = لو غتّرت سود العوارض من الشيب
يا اهل الهوى سود الليالي صعيبه = ياما سعن بفراقهم عقب تقريب
خطّ بسجلي ما لغيري قريبه = عطف بلطف واجتماع وترحيب
وصلوا على سيد البرايا طبيبه = ما افتّر دولاب الهوى للطوالليب
</div><script>doPoetry()</script>

<div align="center">= تمت =

وله ايضــا :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
سلام ياللي ودّ رجلي تزوره = والى بغيت انصاه دونه نواطير
ولا زلّ يوم ما تجيني سبوره = وياخذ علي مع المتاقي مغاوير
ازرت نشوري لا توافق نشوره = كني ورا البصره وهو من ورا النير
ادعج غنج ماه مع البيض صوره = ترف الشباب اللي نهوده مزابير
ارج البراد وزاد حرّى حروره = وقمت اجتلد كني خلوج على ظير
ليته يعلمني برايه وشوره = قبل الشديد وقبل فرقا المظاهير
ما تنشكي شكواه من كبر جوره = يكذب ويعطيني حلوف ومعاذير
</div><script>doPoetry()</script>

<div align="center">أنتظرونا بالمزيـــد ,, ;wrd: </div>











  رد مع اقتباس
 
 
قديم 27-01-2006, 11:59 PM   #51
افتراضي

;wrd: ;wrd: ;wrd: ;wrd: ;wrd: ;wrd: ;wrd: ;wrd:

تستاهل والله يابو حمد والف شكر يالغالي













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 28-01-2006, 11:45 PM   #52
افتراضي

<div align="center">هلا ابو يزيد ,, تهدي البــّل يا بعدي

نواصــل ,,
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يالله ياللي عندك الرزق مكتوب = ياللي جعلت الرزق ما صكّ بابه
يا عالم النيات يا قاضي النوب = كل عطيته باب رزق شقى به
يا رازق جندٍ ضعيفٍ بلاهوب = وجندٍ عظيمٍ مشبعه قدّ نابه
ومن الغنم شي له اذناب وعصوب = واحرّ ما بالجوع جوع الذيابه
ومن الرجال اضعوف همات واسلوب = وكل على مسعاه رزقه هبابه
واحد مريح وفوقه الرزق مصبوب = واحد مشيح وكل رزقه نهابه
حزبك هو الغالب ولا هوب مغلوب = وانت الذي زبن الضعيف ان لجابه
يا مخرج من كربة الحزن يعقوب = وايوب عافيته على شدّ مابه
واللي ورا الصخره بهم ضنك وكروب = كل سمعت إلدعوته والطلابه
واعطيت نوح من احسن الفلك مركوب = وابنه تبرا منه والما غدابه
يا مجري الما من تراب بنبنوب = وكل من الدنيا عطيته حسابه
تفرج لقلب من هوى الزين متعوب = شعب العقيد اللي تواجف اركابه
قلبه رعاه الدوب والجسم مشعوب = جرح مخاون به من اول شبابه
ومن الولع يكفخ كما الطير مقضوب = والى طرى له طاري ما حكى به
بسباب طفل طحت انا منه مصيوب = ومزرّف بالقلب ما احد درى به
ترف القدم ملهوف والعنق مسلوب = تحفيه من تلّ الردايف ثيابه
والعين خرسا كنها عين يشبوب = سود هدبها ما عليها ضبابه
والخد برق بين ضبضاب ونصوب = ملابس ماه وطهاه وربابه
ومبيسم كن العسل فيه مذيوب = لولاني اخشى قلت يلقى الدوا به
ونهد كما الفنجال بالتبس مقلوب = ما فرّصه راع الهوى والتوى به
الا ولا بع غير ما قلت عذروب = الا اشقر كنّه ثعول السحابه
عسر مقامه ماه ماهوب مشروب = قلتة غدير ما تغيّر شرابه
جدّد بسيراته مواعيد عرقوب = وغديت له من عضّ غلث بنابه
والله لولا سالفة كل زاروب = اللي جزاهم للرفيق السبابه
اني لاطق الطار للناس مقلوب = واقول درب الود كل مشى به
راع الهوى قلبه عن العذل محجوب = والى نهيته عن طريق عدى به
مع ذا صبرت وراعي الصبر مثيوب = بالمتب راع الصبر يرجي ثوابه
وخلاف ذا يا راكب فوق مرعوب = حر الى انخاط الدجا ما يهابه
اسبق من اللي طالع النسر مجذوب = ما فوقه الا قربته مع زهابه
فوقه صبي يقطع الدو مندوب = قرم الى اوصل حامض العلم جابه
ملفاك من يبهش الى جاه ماجوب = عزّ الرفيق وحضرته بالطلابه
من روس قوم جاذبه كل مجذوب = ومهذب يفرز على ما تشابه
ماهوب خمع ولا بخيل ولاهوب = همّاز لمّاز ولا به طنابه
عبدالله بن اللي الى صرت مطلوب = حطّه على يمناك وامسك قضابه
قل له يابو تسعين حاسب ومحسوب = الحق عليه اثنين يكمل حسابه
سلّم عليه وقل نبي منك منجوب = وارفض الين انه يكمّل كتابه
ترا سراجه يصبح الصبح مشبوب = وسوالف تروى وفيها عجابه
وان سأل عني قل ترا العقل مسلوب = بان انسلابه يوم شيبه بدا به
كني على ما قيل ذيب بضاروب = شاف الطمع بالطعم والله رمى به
على الذي دونه نواطير وقضوب = كل يزهّب بندقه للحرابه
اول معرفتنا طرابات وعجوب = واتلاه جرح ما يداوى صوابه
غديت من فقده غدير ودغلوب = نشّ الغدير ولا بقى الا ترابه
ماهوب جافيني وانا منه منكوب = واحب ما حبّه محل وطا به
وافرح بشوفه فرحة الورع بالثوب = وهو يوريني سرور وطرابه
كنه سهيل الى ادبح النسر لغيوب = في ليلة ظلماه ما ينسرى به
ومنزّه ما به عذاريب وعيوب = ولا به من المنقود ما ينحكى به
هاذي تواصيفه وانا تقل منهوب = واسمه تعرفونه من اسم الربابه
ويش انت شايف يا ذرى كل مكروب = اللي الى ذّل الذليل ارتكا له
دوّر ترا للناس حاجات وذهوب = لا تذخر الجهده على كل جابه
تراه سنّد والخبر ليس مكذوب = عني وغيري غافل ما درا به
من فوق لا داج بالسوق مجلوب = حمرا قضبها بالصريمه قضابه
قلت الموادع قال منتب لنا صوب = وحنا لنا في كل دار قرابه
من كلمته كني على الخشم مضروب = ايّست من قربه وهذا جوابه
كني على ما قيل ما يسمع الطوب = والى انتبه ما جابت الورق جابه
واكمالته جرّة حليب الروب = اسمح ومثلك فاهم بالحرابه
صلاة ربي عد ما طار عيسوب = على الذي بلّغ عن الله كتابه
</div><script>doPoetry()</script>

<div align="center">= تمت =

وله ايضــــا :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
لا واهنيك يا مبارك هنياه = ما ولعك بالحب غض الشبابي
شيبت يا خالك وقلبي بعمياه = ومطاوع قلبي وهو من عذابي
على الذي بيني وبينه مداراه = وهو غشيم ولا يعرف المحابي
ترف القدم كن الغزّيل حلاياه = ومن الحمامه وصفها والخضابي
عندي قريب وناحي البعد ينحاه = عين الوحش بمشمرخات الهضابي
لو من بغى جرحه تطبب وداواه = ما عشت بالدنيا غميق صوابي
من علّة في ثومة القلب ترعاه = خطر علي الموت ماحدٍ درا بي
مسكين ياللي خابر داه ودواه = ومغلّق دونه ثمانين بابي
يا من يوصّل حامض العلم واجزاه = غض الشباب اللي صوابه سطا بي
</div><script>doPoetry()</script>

<div align="center">أنتظرونــا بالمزيــد ,, ;wrd: </div>











  رد مع اقتباس
 
 
قديم 28-01-2006, 11:53 PM   #53
افتراضي

<div align="center">نواصــــل ,,</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا ثمر قلبي وريفي = هالسنه منتب عريفي
قبل انا ويّاك دايم = ما جرا منا لوايم
مبعدين من التهايم = واخلفك برق الخريفي
انت عقبي وش جرا لك = جعل فال الرشد فالك
لو تعلمني بحالك = كان طبت وطاب كيفي
يا حلي من الجوازي = ما رعت عشب النوازي
لا يهاز ولا يرازي = كامل الزين المطيفي
يا قمر شقر الذوايب = جعل تفداك الزلايب
من بعيد ومن قرايب = من حماه الى القطيفي
لو كلامي في محله = ما سهرت الليل كله
صابر صبر المذله = وانت مبسوط مريفي
انت الاول وانت الاخر = وانت ورّاد المباخر
جاير بالطيب فاخر = ما على زينك وصيفي
كل ما انّي ذكرتك = عقب شكر الله شكرتك
مير يوم انّي نكرتك = صار ميزانك خفيفي
السبب وقتي تغير = والمها عقبي تذيّر
والحمام الورق طيّر = واختلف حكم الشريفي
والله اني يوم اقوله = ما طرجته لمحصوله
مير تعجبني دلوله = والغلا ضدّه يخيفي
ذا وصلى الله وبارك = ما حوت سورة تبارك
القليل اللي تبارك = سدّ عنّي شن كليفي
</div><script>doPoetry()</script>

<div align="center">= تمت =

وله ايضـــا :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا قلبي اللي معي فيما مضى واليوم مسروق = باسباب غروٍ تعرّض لي واخذ قلبي هميّه
مانيب اعرفه ولكن عاشقه والزين معشوق = الله يعنّيك يا قلبٍ تولع بأجنبيه
قلت اسقني علّه عقب النهل والطاق مطبوق = ترا السلف عند راع المعرفه مثل العطيّه
واثره بصير على حقّه وحقي منه مفهوق = لي حال يدّيه والا ياكله غصب عليّه
جاني بدرب النقا لين انه ادركني على البوق = وانا قليل الفزع والناس ما فيهم حميّه
انا مرابي باطراف الغضا وحبيّبي فوق = يم الشفا والحجاز ولا بقلبه مرحميّه
لو اني ادري بيوم الرشد ما ظليت ما سوق = مير القدر ما معه برهان والخيره خفيّه
الله على الصاحب اللي صحبته بالليل زاروق = والصبح من حسبة الاسلام صحبه ظاهريه
ودّعته السد احسب انه على الغرات ماثوق = واصبح عدوي بخير وفيّ علّه باطنيه
تكفون يا اهل الهوى لا يامن الخفرات مخلوق = ترا الليالي مناجيب الفنا صوب المنيّه
</div><script>doPoetry()</script>

<div align="center">أنتظرونــا بالمزيـــد ,, ;wrd: </div>











  رد مع اقتباس
 
 
قديم 29-01-2006, 11:52 PM   #54
افتراضي

يا قلبي اللي معي فيما مضى واليوم مسروق باسباب غروٍ تعرّض لي واخذ قلبـي هميّـه
مانيب اعرفه ولكن عاشقه والزين معشـوق الله يعنّيـك يـا قـلـبٍ تـولـع بأجنبـيـه


ابو حمد ترفق علينا يابعدي معك علم الحال .. هذا الشغل العدل والله .. الله يرحمه ويغفرله













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 29-01-2006, 11:54 PM   #55
افتراضي

<div align="center">نواصــــل ,, ;sea:

من روائعه ( رحمه الله ) :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
ياهل الفاطر اللي فوقها من كل دشن جديد غالي = سلموا لي عليه الى لفيتوا صاحبي ياهل المامونه
عاش من ناشني من عشرته هملول صيف حقوق يالي = ربعّت منه وديان الضماير واستتمّت وهي مصيونه
عين شيهانة تطلب علفها وكرها في رفيع الجالي = ما بذرت الجميل الا وانا يوم بذره عارف ماعونه
يا وجودي على ما فات لي هيهات يوم ان الشراب ازلالي = يوم عيني على طرد المها وملاقفه بالهوى مفتونه
وانشدوا نور عيني عن حواله واشرحوا له سراير حالي = هو منون عليّ بحاجتي والى هرج فاكتبوا مضمونه
كان هو مقبل لي لو نحيت بعيد مانيب دوه سالي = وان نساني وصد وسجّ مع غيري قويت العزا من دونه
خاين كدّر ما صفا فيما مضى جمّل الله حالي = صابر صبر ملهود الجمل والنفس في وليته مرهونه
كل من لا يصانع بالجميل حمار لو كان اصيل عالي = مثل من لا يبرّ بوالديه ويقطع السنّه المسنونه
هبّ يا حظّي اللي بعّد الغالي وحطّ البغيض قبالي = والنصيب الردي ما يدرك الدانه الغلطانه المصيونه
كل ما جيت ابنها القلب عمّا فات عيني قليلة والي = تعترضها صواديف الزمان وتبتليها وهي مجنونه
والله اللي نعبده خالقي ما شفت انا ما يجرح الرجّالي = غير حسّة صديق داخليه والمخاليق ما يوحونه
عدل والله يحب العدل واللي ما يحبه ضميره خالي = مثل من لا يعرف البا من التا والعرب خطّهم يقرونه
</div><script>doPoetry()</script>

<div align="center">= تمت =

وهذا رد ابن دويرج ( رحمه الله ) معارضا لـ سليمان .. ولا يقلّ روعه عنه :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا سلامي على اللي غايته ومناه ينقض على الفتّالي = عد ماهب نسناس النسيم وطوّح الراعبي بلحونه
يا سليمان نقّضت الجروح الخافيه منك واعزالي = صرت مثل الحيا للقلب علّيته الى ما استقن غصونه
تذكر اللي كما عنق الفريد الى تذّير من الختّالي = فيه من مبسم الادمي وسلبت عاتقه والعيون عيونه
ما قويت العزا والصبر يوم انك عرضت الغزال قبالي = ويش عذري من الله يوم اخلّيها وانا بندقي مشحونه
درت مسلوبة من فوق متني كنّها شوكة السيّالي = ملحها قاحل نقريز ما تخطي الضريبه وهي مامونه
مع تكميل ندبها شوف عيني يوم ثار الدخن وانجالي = لا اشقر الدم يوم انه كثح من منشب الغاتره بمتونه
هجّ صيد الخلا مقفي والاول ما يلد النظر للتالي = يوم عرجد فتيخ واسبقه مثل المغاليب روس قرونه
آه يامن سبى عقلي بمزموم كما صنعة الفنجالي = بالنهد والنحر والمفرع اللي منه سحر الهوى يجنونه
صاحبي غاضني والغيض ما يصبر على ضيمه الرجالي = اشهد انه كليف بحال والا حال ضيم الهوى ياهونه
منوتي دانة غلطانة ما وقّفت في يد الدّلالي = بنت خمسة عشر واللي شراها ما تحسّف على مليونه
خابر في زمان فات لي مقرٍ مصدٍ عذي ازلالي = خذت لي مقدار خمس الحجج وانا آرده والدعابيل ما يردونه
</div><script>doPoetry()</script>

<div align="center">أنتظرونــــا بالمزيد ,,, ;wrd: </div>











  رد مع اقتباس
 
 
قديم 30-01-2006, 12:06 AM   #56
افتراضي

<div align="center">هلا ابو يزيد ,, بسم الله على قلبك ! .. توك صغير سن على الحب وغرابيله ;snon:

نواصــــل ,,,

ارسل الشاعر/ درعان بن فارس قصيده الى سليمان يقول مطلعها :-

يالله يا مرجع على كل ديره = يا غافـــر الزلات يا واســــع الجود
يا عالـــــم بالبينه والسريره = سامع دبيب النمل فوق الصفا السود

الى أخر القصيده ....


فأجابه سليمان قائلا :-
</div>


<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
حي الجواب اللي لفاني بشيره = فرحت به فرحت خلوج بمفرود
او فرحة الغالي بشوفة عشيره = يوم اوهفت له عقب غيضات وصدود
حيّه عدد ماهل وبل المطيره = او بالحفيظه يوم شاهد ومشهود
جاني وانا قلبي مشيح لغيره = ريّع ورايع له وهو قبل ملهود
من واحد كنّه بحام الكسيره = يقول جالدني من البين جالود
قلت الخبر قال المصيبه كبيره = ضاعت ذلولي بين جاحد ومجحود
وانا وجيع القلب حالي ضريره = تنقص وجرحي كل يوم به الزود
قمت بلزومه حق رفقه وجيره = والا فلا في خاطري حظو مقصود
وش خانة اللي ما يساعد قصيره = ما تحوج القصره مواثيق وعهود
والطيب له جملة دروب كثيره = ونفس تحب الهون ما تدرك الجود
والمرجله بنت هنوف ستيره = كلٍ يبيها مير من دونها كود
لا هامها خمع بتوعه قصيره = يحسب مراقيها سميحات وركود
عوّد على ما فات يلعن مشيره = يموت لا فاقد ولاهوب مفقود
والناس كل له جواد وعشيره = وكل معه طبع من الجد ماجود
وكل عليه من الليالي مغيره = شيب المحاقب بيض ونحوورها سود
ولا كل من تهوى تحطّه ذخيره = ولا كل يوم به طرابات وسعود
والطير شبكه بالسبب والمريره = والذيب لابده عن الصيد مصيود
والرزق للمخلوق في كل ديره = يمشي البحر بالفلك والبر ممدود
ترا ردى الخال ماله بهيره = يهوى وعما تشتهي النفس مردود
مثل الذي ضاعت عليه البصيره = يحسب غصون العوشزه ورد وعقود
والمجحره نومٍ عليها خطيره = اخاف يظهر لك من الجحر راصود
وصلوا على سيد البرايا نصيره = ما ثار بارود وما سلّ مغمود
</div><script>doPoetry()</script>

<div align="center">أنتظرونـــا بالمزيــد ,, ;wrd: </div>











  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يستحق منا المشاهدة ... عنيزاااااوي دكة لقطات الفيديو والبلوتوث 6 01-10-2008 06:15 AM
دراسة مفصلة في الشعر النبطي رسن دكة الأدب والشعر 4 13-04-2008 02:42 PM
قالو لي الشعر قلت الشعر بعنيزة منقاش دكة الأدب والشعر 4 18-02-2006 12:15 AM
يقول الشاعر بن شريم مخاوي+++الليل دكة الأدب والشعر 6 09-05-2005 05:05 PM
يأمل عين في محاجيرها شوك ( ابن شريم ) الخياط دكة الأدب والشعر 4 06-04-2004 09:03 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 03:51 PM



Powered by vBulletin®
استضافة Copyright ©2000 - 2018, vBulletin Solutions, Inc.