دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر > دكة صفحات شاعر

دكة صفحات شاعر دكة خاصة لرصد قصائد الشعراء البارزين

إضافة رد
 
أدوات الموضوع انواع عرض الموضوع
 
قديم 30-01-2006, 08:30 AM   #57
افتراضي

صدز صغير بس عاد القلب خضر .

ياحبيلك ابو حمد منين تطلع هالقصائد صدز انك جفره قصيد ههههههههههههه

تسلم والله وبيض الله وجهك ورحم الله والديك على هالمجهود













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 01-02-2006, 01:47 PM   #58
افتراضي

<div align="center">هلا ابو يزيد ,, تعيش والله ويسلم راسك !! << طايحن بالهرج الزين هاليومين ;sea:
أهااا بس ,, وخرّ خل اشوف شغلي ,

نواصــــل
</div>

<div align="center">هذي قصيده يسندها سليمان على الشاعر / عبدالعزيز الفايز ( رضـا ) :-</div>


<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
ارى جرح الهوى ماهوب ياوي = ولا يبريه بالطب المداوي
يكفيك الخبر مجنون ليلى = على ما جاه من كبر البلاوي
جريح الود ما يبرى صوابه = طبيبه داه من ياسه رجاوي
ولا له حاجة تلهيه دونه = يهيم مع العرب كنه فداوي
عليل القلب والظاهر صحيح = ولكنه نشاش العود ذاوي
ومن فكره وما ورّاه عقله = يخيّل له ولو انه جلاوي
تبكّيه المضره والصدود = ويفرحه التحري والمناوي
ومن عزمه ومن قوات باسه = يهوم الدرب لو ماهوب قاوي
يمسي همّته في كل ديره = وصبح فاتر الزندين ثاوي
هواه من الهوى جرح هوى به = وعلى ما به يسمونه هواوي
يشيل من الهوى حمل ثقيل = كليف لا زمال ولا عراوي
ولا يوم يزلّ الا بنقصه = كما نقص القمر عقب التساوي
فلكن الدهر غيّر وبدّل = وصار المشلح البدري حساوي
وانا ويّا زماني وامتحاني = جهاد مثل ما قال المعاوي
اهين النفس عما تستهينه = اخاف الهون يوردها مهاوي
ولا ارضا بالجفا واصبر عليه = ولو هو من ولد عم دناوي
اشوم ونادر الماكر يشوم = ولو يصبح عن المربا جلاوي
واجازي راعي المعروف مثله = وازيد اله الجزا عند الهداوي
والازم صاحب اللب اللبيب = والاوي مثلما انه ملاوي
ولو من ورا عين الدقيق = فانا عنده قريب بالحراوي
ولا ارخص عشرته لابني وابوي = على ما قال فجحان الفراوي
الى حاش الفتى حظ يناله = هو اطرى ما يكون من الحلاوي
مضى هذا وقرّبت الدواة = ونسجت ابيات بر للشهاوي
تداوره الرجال مع المجال = كما تندار كاسات القهاوي
للعارف ولارباب العقول = وعلى الجاهل تضيع ابها الهقاوي
سلام من رفيق الى رفيق = الى باروا مضيّعت العزاوي
على صفح من الكاغد لبيب = كما العنبر ينوج من المطاوي
على من يستحق الرسم مني = ولو انه على قربي جفاوي
ولا ينقص عن الف ولا يزيدد = ختمت القيل والفرقا بلاوي
على ما قلت باول ما بديت = ارى جرح الهوى ماهوب ياوي
</div><script>doPoetry()</script>

<div align="center">= تمت =

وهذي قصيده يسندها سليمان على الشاعر / صقر النصافي :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا صقر يا صقر النصافي بلاوي = بلوى بلتني لا بلتك المصيبه
غديت مثل اللي تنحّا جلاوي = عن الرفاقه عقب مافاه طيبه
والا كما اللي فيه جرح مخاوي = ما ظنتي يا صقر يبرا عطيبه
والله يا لولا قولت الناس غاوي = واخاف من هيس ردي نصيبه
همّاز لمّاز علومه ملاوي = تلقى هل المجلس تصفر بغيبه
لاجي كما المذهب وادوّج خلاوي = واهذل هذيل الذيب واقنب قنيبه
على عشير مال جرحه مداوي = يا صقر داه دواه عوقه طبيبه
يابو مهلّي يا زبون الجلاوي = يا ريف اهل هجن خطاهن تعيبه
عجّل ترا عشب المعاليق ذاوي = علّه سحاب الغيث واخطى شعيبه
ابا تصبر مير مانيب قاوي = يا صقر جرح الحب ما ينهزي به
يا صقر عزم وجزم خل الهقاوي = قولت كذا والا كذا ما تجيبه
علمي بهم يا صقر قيضت مساوي = بالمنزل النازح بعيد قريبه
سميها في راس حيد قراوي = جذيبة تزمي براس الجذيبه
</div><script>doPoetry()</script>

<div align="center">وهذ رد صقر النصافي ,, أوردناه لجزالته :-</div>


<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
قال الذي يلعب بيوت نقاوي = يختار في نجر الفنون الغريبه
مما طرا له يوم سمع النخاوي = من واحد كنه بحام اللهيبه
يقول طاويني من الهم طاوي = ويقطع صحيب ما يفازع صحيبه
امسيت ادوس الراي وارمق هقاوي = ما بين فكر وهجس واريا صليبه
واصبحت من كثر التفاكير راوي = راي سديد وصامل ينعدي به
وادنيت من لا قرّبوه الرواوي = ولا حطّه الزراع يسني قليبه
تسعين ليله بالنبات امتساوي = يقطف زماليق الزهر من خريبه
امتيهه يوم ان مانيب ناوي = واليوم يوم انه بدت حاجتي به
ياما طردنا الصيد عقب النخاوي = واقفا مع الريعان حام حطيبه
ان عاش راسي من جميع الشكاوي = وسلم القعود اللي يطرّب نديبه
لاجيب خلّك لو بهوش ولقاوي = الا ان قفّاف العمار يغدي به
واسوق من مالي فلوس وحلاوي = وابدي له الجهده وهو من نصيبه
وقطعت من فوقه دروب ومضاوي = وحفته وجبته بالدجا مادري به
ذا حق من يفضي على الدعاوي = خلّك نجيبه طيب والا غصيبه
</div><script>doPoetry()</script>

<div align="center">أنتظرونا بالمزيــد ,,, ;wrd: </div>











  رد مع اقتباس
 
 
قديم 01-02-2006, 02:09 PM   #59
افتراضي

;wrd: ;wrd: ;wrd: ;wrd: ;wrd: ;wrd: ;wrd: ;wrd: ;wrd: ;wrd:


تستاهل والله خلبه هالورد على هالمجهود . الله يشدك بالعافيه يالغالي













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 01-02-2006, 05:32 PM   #60
افتراضي

يا مال العافيه يابو حمد
ما شاء الله عليك مجهود تشكر عليه

ويستاهل الشاعر بن شريم رحمة الله عليه
كل قصيده له ازين من الثانيه , لا تحرمنا من مخزونك

ولــــــــــــهــــــــــان













توقيع - ولهان

  رد مع اقتباس
 
 
قديم 17-02-2006, 11:36 PM   #61
افتراضي

<div align="center">هلا بكم الوسمي ويامديرنا ولهان ,, ;sea:

سليمان مسند على الشاعر / عبدالعزيز الفايز ( رضا ) :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يالله يا علام ما بالضماير = يا عالم ما يحتويه الضميري
تفرج لقلب من بلاويه حاير = يبغى المطير وعاجز لا يطيري
ومن السهر كنه كسير الجباير = ما طال من ليله يا عله قصيري
يا راكبين اكوار هجن حراير = مثل القطا اللي عقب ورد صديري
طوعات كن ارقابهن المراير = مثل الفحول الى انتحن بالمسيري
بتر الفخوذ امرفعات الحصاير = وبعيونهن مثل الخلاص الخميري
تشبه مها ذاره من الريح ذاير = صكّت وهبّت وارتهش مستذيري
جفل وعاد وشاف زول المعاير = واقفا كما السبحه بخيط الحريري
يوم استوى للبرق مثل الذخاير = واصبح المزنه عقب سيله صريري
يرعن زهر مالاق عشب القراير = ما كفّته عرجا لواد الجريري
تسعين ليله من ورا الحول داير = يرعن زهر نوار عششب المحيري
لين اعتلاهن مثل روس المناير = حشو البدود ولا يضيم النجيري
في ضف اهل حدب السيوف الشطاير = اولاد علي مدّلهين القصيري
يمشن من بندر جميع العشاير = دار السليم اهل المقام الكبيري
فيضوا وريضوا من ورا باب ساير = الى شربتوا فصل عقب الاخيري
والصبح مرّوا ناقلين الخساير = دار النواصر وابتلوا للاميري
سلم عليه وبخصه بالسراير = انك معنى والمعنى يصيري
واسترخصوه ونوخوهن بعاير = بيت على المطراق بابه كبيري
عقب المسير معزّلات ضماير = مثل الحنايا في يدين البصيري
طقّوا وقولوا يا رضا ويش صاير = عساك منتب من صوابك خطيري
ابطيت ما جا منك رد البشاير = ترا بطا المردود مثل النذيري
وردوا سلامي عد ما طار طاير = او عد ما جر اللحون القميري
وقولوا عساها يابن فايز ستاير = كل على مافي ضميره يشيري
اركب مع المرسول فوق النجاير = وانته كبير القوم وانت الوزيري
خابرك منتب يابن فايز بباير = عرق الردا ما يدركك لو يطيري
اركب الى هاب الذليل المخاير = كودك تجيب الي الخبر عن عشيري
تراي ضيّعته بسبع الجزاير = واطول علي الطيل واخلف نظيري
علمي بهم يوم اختلاف البصاير = فوق اشقح يزها اللبب والنشيري
يبرى لنجع معبرين الكساير = شدوا بها واقفوا وانا مستخيري
انشد جهار وسر واظهر ظهاير = راعى الطلي بدورته ساق ميري
تراي مابي غير شوفه تجاير = وان كان ماجاني تراني فقيري
وان كان هو في مظلمات الحفاير = مرّه وعطني من ترابه ذخيري
عجّل عسى الله ما يذورك بذاير = ليّاك ترضا سجنتي وتعزيري
صلاة ربي عد ما زار زاير = على الذي بالدين سيفه شطيري
</div><script>doPoetry()</script>

<div align="center">= تمت =

قصيده يسندها على الشاعر عبدالرحمن الربيعي :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا معتلين اكوار نسّاع الازوار = ست بست فوقها اربع وعشرين
بتر الفخوذ اخفافهن قطم وصغار = فج النحور افحاز دغم العرانين
حيل مواحيل من القفل ضمّار = عقب العساف معفيات زمانين
لا مازهن لبس الكلايف والاكوار = منوة غريب ضايمه ضايم البين
هجن دواليب الفيافي لهن كار = بعد القريب وقرب دار البعيدين
لا روّحن مع عبلة ما بها اشجار = مثل القطا صاعه ربيب الشياهين
لا انساق من سوّاقة الفجر مظهار = الى ان اهلن بالعدد مستعدين
يمشن من دار على سيف الابحار = دار بها لذّه واهلها بالعدد مستعدين
والظهر وردن الحفر عذب الابيار = هابن وذيّرهن سواد المقاطين
وراضوا ورووا وانتووا عقب مصدار = وعجلوا وهم من قبل ما هم بعجلين
خذوا لهم مع ماقف الريع معبار = وحطوا شرا الباطن من المتن ويمين
وحزّة غروب الشمس شبّوا لهم نار = بالحنبلي عشوا وهم مستريحين
وشالوا خفيف قشارهم وقت الاسحار = وركبوا وخلوهن مع الحزم قسمين
وتواجهوا في حنية نبتها اقفار = ما به حذا صيد الخلا والسراحين
يوم استدار الفيّ والكيف مندار = ركبوا ودلّوا يرفعون البياشين
متبجحين بشوف دار بعد دار = وحيي بعد حيّ .....................
تشاوروا والكل مكتوم الاسرار = بمراحهم والشوار من بين الاثنين
توايقوا بين الصناقر والاقوار = على بلاد بين خضر البساتين
صكّت حواميها على نار واكتار = وولاد وعيال تفك المخيفين
اولاد علي اللي علمهم بالامصار = عقّال بالمجلس بالكون طفقين
ربعي هل العادات كان الدخن ثار = مع دربهم يشبع خفيف الجناحين
يتلون ابو خالد حجا الضيف والجار = سور البيوت اللي حرسها مغيبين
من سلّة الغلبا هل الكيف والكار = بالمد جزلين وبالكون وافين
ماهوب تمجيد يصوّر ولا صار = حامينها دنيا وحامينها دين
ربع الى افتلّت لواليب الاقدار = وتنزّحوا هرّاجة الوجه مقفين
نطاّحة الماجوب وافين الاشبار = رفيقهم يفلح على العسر واللين
وان قابلوا جمع المعادي لهم ثار = تكتب وقايعهم تواريخ وسنين
سلّم عليهم عد همّال الامطار = وعداد ما يجر القلم بالفرامين
سلام احلى من لبن عرب ابكار = بالخايع البدري من اللام والسين
لا روّحن من وادي فيه نوار = ترزم على المقهور بين العشاوين
فان سايلوكم لا توانوا بالاخبار = حمض الرجال اللي على العلم شفقين
الصبر ما به للفتى كسر تعبار = لما يهب اله الهوى عقب تسكين
وقل للربيعي ما على الطيب تحيار = من طال حبله شرب والناس مظمين
يا عابد الرحمن يا خير الاخيار = بي علّة ماله طبيب يداوين
دوّر دواها بين صاير وما صار = جزم بحزم وخل عنك التاثمين
والشك مرفوع عن الكل ومجار = واسلم وسلم لي على المستفيدين
اهل المجالس والمدارس والاخيار = في ساعة عنهم حسدهم مغيبين
تمت وصلى الله على سيد الابرار = ما شيّعوه وصدقوا له مطيعين
او مازها نبت الكلا غبّ الامطار = او ما نهض بالريش ضرف الجناحين
والآل والاصحاب مع كل الانصار = والتابعين ومن تبعهم الى حين
</div><script>doPoetry()</script>

<div align="center">= تمت =

( ...... ) , وردت كما الموجود بدايون بن شريم لبندر الدوخي .

أنتظرونا بالمزيد ,, ;wrd:
</div>











  رد مع اقتباس
 
 
قديم 24-02-2006, 09:43 PM   #62
افتراضي

<div align="center">ارسل الشاعر عبدالعزيز الفايز ( رضا ) قصيدته ذائعة الصيت لـ سليمان يقول مطلعها :-

القلب من فرقــــــا المحبين مشتان = عزي لمن فارق عشيـره بلا شور
جحدت حبــــــه لين قفّن الاضعان = وابديت مكنوني وهــو قبل مستور
اجاوب الورقا على لدن الاغصان = واقنب قنيب الذيب في عالي القور

فأجابه سليمان :-
</div>

<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
قال الذي ما يزمله شاهد الزور = والكامل الله واكبر الخلق مكبور
اهلا عدد ما طار طير بجنحان = وسار القلم يكتب الى نفخة الصور
او ما قرى القاري وما هلّ ودّان = واغلى من الياقوت واحسن من الحور
واخنّ وانوج من شمطري وريحان = واحلى من البارد على كبد ممرور
بكتاب نجّاب لفاني مسيان = امسيت به مسترّ واصبحت مسرور
خط الرفيق اللي لفا به زعيمان = امورّخ باول صفر عقب عاشور
يشكي من الفرقا مسافه وهجران = متذكر مع صاحبه وقت وعصور
عين الفتى تكفيه من غير ميزان = بالخص رمس ومارد الخمس مخطور
ساعة قريت الخط والعلم ما بان = دنيت له مصطورة بنت مصطور
الام حرّه واضربوها بظبيان = يمهر من النقره ليافا الى الطور
شيبا من الشيب الشلاهيب مقران = من كثر ما اقفت واقبلت تقل بابور
مرباعها بين الحنادر وببان = وما كفّته حزوى عن العرق بحدور
مقياظها بين النويّع وجمران = ولها ببو نبطه معازيب ونشور
لين استتم القيظ بدخول شعبان = وادنيتها واركبتها يمّة الهور
ومن الخميسيه الى هجر وعمان = تنشد عن اللي طرشهم غرس وقصور
ومطير واشباش العوازم وعجمان = ومن رملة المرّه لديرة بني ثور
والهاجري والخالدي وبن سفران = وحدود بن مرعي وردّت بخايور
وما كفّت الحره لدار بن رمان = وشمر وحرب وحدّرت لابن مشهور
واخلا عتيبه والشلاوا وقحطان = وكل الحجاز اخلاه من غير محذور
ومن الظفير الى الحدب وبن شعلان = والفت علي من الشقا تقل ظاطور
لا حصّلت راحه وهي ما قضت شان = والتيل طقّيناه ببرور وبحور
بغيت ربح وعوّد الربح خسران = وكلفتني وانت المكرّم عن الجور
وغديت عند الناس كني جليدان = لا فدت شي ولا اصبح القفر ماثور
واليوم طحت من الصلف تقل سكران = يالله عسى ما يفعل العبد ماجور
وتذكر لنا بين المحاني ومرّان = في عقلة الشباك والسعي مشكور
تارد على مدهالها مثل ما كان = مير اجنفت والعبد منهي ومامور
وانت الطبيب وخذ من الوقت ما زان = واقنع عن الواجد الى جاك ميسور
ترا غناة النفس تدعيك سلطان = ويغنيك عن ذيدان الاقراب همرور
وتراك منتب واريش العين بقران = يبعد وجرحه بالحشا تقل ناسور
والبيض مع من زان وقته وهو زان = ذكرت لك ذكر وهو قبل مذكور
لا ما حصل منهن موده وصفطان = غديت بين عيونهن تقل مجدور
والوقت غير الوقت والناس عدوان = حلوين الالسن والعمل غير مبرور
اما هل المعروف وارباب الاحسان = تلقى ذنانه مير بالكثر مقهور
وانا معك بالمال والفعل عوّان = الشاهد الله ما عن الخور مذخور
هذا وانا من حجة العام وجعان = مجروح من داخل ومن بر مجهور
وارسلت لي خط على غير ميدان = تطلب وعندك لي ملايين وكرور
والعلم هذا خابره يا كحيلان = من غاب غابت حجته وانت مافور
وصلوا على المختار من نسل عدنان = ما جنّ ليل وما اصبح له نور
والآل والاصحاب ما قلت شرهان = قال الذي ما يزمله شاهد الزور
</div><script>doPoetry()</script>

<div align="center">أنتظرونا بالمزيد .. ;wrd: </div>











  رد مع اقتباس
 
 
قديم 18-03-2006, 04:27 PM   #63
افتراضي

سلسلة من القصائد الرائعة نقلتها اخوي ماجد ليتها لاتتوقف
مع خالص حبي وتقديري













توقيع - &lt;&lt;سهم&lt;&lt;

  رد مع اقتباس
 
 
قديم 19-03-2006, 11:19 PM   #64
افتراضي

الله اكبر


الله يبيض وجيهك ياهل عنيزة


بصراحة انا من المتابعين والمتأثرين بمتنبي الشعر سليمان بن شريم


وله عدة مساجلات مع جدي أحمد الناصر السكران الذي حدثنا عنه وعن اعجابه بشخصه رحمهم الله جميعا













توقيع - أحمد السكران

]My Webpage[/url]

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يستحق منا المشاهدة ... عنيزاااااوي دكة لقطات الفيديو والبلوتوث 6 01-10-2008 06:15 AM
دراسة مفصلة في الشعر النبطي رسن دكة الأدب والشعر 4 13-04-2008 02:42 PM
قالو لي الشعر قلت الشعر بعنيزة منقاش دكة الأدب والشعر 4 18-02-2006 12:15 AM
يقول الشاعر بن شريم مخاوي+++الليل دكة الأدب والشعر 6 09-05-2005 05:05 PM
يأمل عين في محاجيرها شوك ( ابن شريم ) الخياط دكة الأدب والشعر 4 06-04-2004 09:03 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 02:59 AM



Powered by vBulletin®
استضافة Copyright ©2000 - 2018, vBulletin Solutions, Inc.