دكات عنيزة مركز الإرشاد الأسري

العودة   دكات عنيزة > الدكات المتخصصة > دكة همسات وخواطر > دكة القصص الهادفة والروايات

دكة القصص الهادفة والروايات قصص تاريخية واجتماعية هادفة وروايات

إضافة رد
 
أدوات الموضوع انواع عرض الموضوع
 
قديم 10-03-2008, 09:25 PM   #9
افتراضي

**وسع صدرك **

يسلمووو على التحفيز الحلووو

وأن شاء الله بيجيكم الجديد .. ^_^

** مشتـــــــاق **

أما عااد كاتبه مسلسلات مرة وحده ^_^

مشكور على المرور ... وإن شاء الله الجزء الثاني بالطريق ...

**هاوي عنيــــــــــــزة **

شرّفنا مرورك ...وتراي ماني سهله لايغرّك شي ;snon:

تسلم على الطله الحلووة ;wrd:

** ميشــــــــــــــــو **

والله ماحلوة إلا انتي يالقمر ... ;jhsg:

تشكرااات على كلامتس اللي يرفع المعنوياات ....

** Honey **

حلوة ليه خليت أمه وأبوه يموتون ... ربي كاتب لهم وش دخلن :dbash;

يعطيكِ العافيه خيتووو على الويزة الحلوة ;wrdD:

**شــــــــــdoomـــــــــامخه **

أبشري ماني مطوله انشاء الله .... ^_^
والحزن ياقلبي أنتي شي طبيعي بحيات أي وااحد ... لكن يختلف حجمه ..وطريقته

يسلمووو ياقلبووو على المرور

**كرااث عنيزة **

تسلمين ياحياة دلع على الخطمه الراائعه .. ^_^

وتشكراات ;wrdD:

**الجزء الثاني بإذن واح أحد رااح ينزل قريباً >>تخيلته قريباً بالأسوااق ;fhjf: **











  رد مع اقتباس
 
 
قديم 10-03-2008, 09:58 PM   #10
افتراضي

** جــــ((2)) **


*يوم جديد ....في الصباح بالسيارة *

خالد : يبه لاتنسى ترى اليوم حفل تخرجنا من المتوسط...
أبو خالد : متى ؟!!
خالد : بعد صلاة المغرب على طول يجتمعون الآباء ...
أبو خالد : إن شاء الله .. الله يلحقنا خير ...
خالد : وتراي بقعد بالمدرسه لين المغرب ماني براجع ..عشان بنتمرّن على فقراتنا ...وأخذت
ثيابي معي ...الثوب والشماغ .. بس لاتنسى يبه تجيب عبدالله معك ..!!
أبو خالد : وشوله يكفي أنا ..!!
خالد : لايبه .. عشانه مشترك بفقرة بحفلنا ولازم يجي ...
أبو خالد بعدم مبالاه : إن شاء الله ...
عبدالله كان جالس طول مايتكلمون بهدوء خاايف عمّه يرفض روحته ...!

*المدرســــــــه *

عبدالله : تهقى أبوك بيخلين أجي ؟؟!!
خالد : أيه ليش يعييّ ..؟! ماعليك أكيد بيجيبك ...
فهد : عبودي تصدق أني أحس أنك بتفشلنا ..!! بس شف لوصار شي ترى بتبرى منك من هاللحين ..!!
عبدالله : من زينك عاد ... أنا المستفيد الوحيد إذا تبريت أنت ..
خالد : يالله سلاام ...بروح لخوياي ...
فهد : سلاام ... عبودي أقولك عاد شي ..؟!
عبدالله بحماس : وشو ؟؟!
فهد : تدري أنك غبي ..؟؟!!
عبدالله : ليه عاد يالذكي ..؟؟
فهد : ياحظك إذا عيّاعمّك فأنه يخاف عليك من عيون الناس ...عشان ماينحتونك إذا قلت القصيده ..
عبدالله : صاادق يافهيد ... حتى يخااف علي من السمنه بعد ..ههههههههههههههه...
((قعدوا يستهبلون على بعض شوي لين دخلوا للحصص ))
^^^^^^^^^^^^^^^^^^^^^^^^
أبو خالد : وين عبد الله لايأخرنا ؟؟!!
الدحمّي : يبه عند الباب يحتريك...
طلع أبو خالد عشان يروحون ... وكبوا السيارة ..ماكان أبو خالد يحب يسولف مع عبدالله أبد
....كان يشدّ عليه .. كان يبي يحسّسه بمعاملته القاسيه وأسلوبه الجااف أن مب كل شي تبيه
تسويه على كيفك ..!! وراك أحد يتابعك ... راح أبوك بس أنا موجود..!!
عبدالله كان كاشخ مرررررة ..لابس الثوب والشماغ ..ومتعطر ومستااانس ..كأنه هو اللي بيتخرج
من الفرحه اللي هو عايشه ...

*وصلوا للمدرســــــــــه *

طاار عبدالله يوم شاف صديقه فهد ..كان واقف يضيف الآباء ..
فهد : ياهواااا ... مايلعب والله الولد ... وش هاللكشخه طاال عمرك ..!!
عبدالله : ههههه....الله يرجك ماني فاضي لك بروح أشوف متى فقرتي ..؟!
فهد : أيه أرزااااق ... ياويلي ياأنا تشققت براطمي وأنا أبتسم بوجيههم .. وتكسري أيدي
وأن أضيفهم ...وناااس قصاايد وحركاات ....
عبدالله : يابابا كلّن على قدّه ...لاتحتك بي رجاءاً ..تراي أخاف على سمعتي وأنا واقف
معك ...الإشاعات كثرت هالأياام ((وهويرفع حاجبه يقهر فهد )) وش جابني أنا لك ..
فهد : رح ياشاعر زمانك ألحق ...الجمهور يحتريك ..
عبدالله : أحم ... أحم ..هذاي راايح .. بس ألحقني بالقهوه ياصبيّ...
ونقع من الضحك على فهد اللي بدى يغلي ... وراح للأستاذ..

كان تكريم الطلاب بنهاية البرنامج ...و الفقرات بالبدايه ...
قربت فقرة عبدالله وهو يحسّ بخووف وتوتر ...
الأستاذ : يالله ياعبدالله دورك ... نطّ رح هبّل بهم ...
عبدالله : خخخخ...أخاف يهجون ويخلونن لحالي أنطّط ..هههههههه
الأستاذ : مايقدرون لو سمعوا هالقصيده ... يالله رح ,,وسمّ بالله وأبدأ..
رقى عبدالله على المسرح بتوتر وأطرافه ترتجف من الخوف ... سلّم على الحضور..
وسمّ بالله وبدى القصيده .....كانت قصيدته مررة حلوه عن التخرج ..الكل جازتله
القصيده اللي كانت من تأليف واحد من الأساتذه ..و اللي حلاّها أكثر إلقاء عبدالله المؤثر...
كرموّا الطلااب ...والكل كان مستانس....
فهد : وش هالحركات ياعبيّد من ورانا (( وهو يغمز ))
عبدالله : ههههه...شفت شلون ..قايل من زمان أني شي ...بس ماأحد يقدّر ...!
فهد : لاتطير بالحيل ياوليدي ...بس تدري لو أنك بنت كان قعدوا يتهاوشون من يخطبك..؟؟!
عبدالله وهو فاقع ضحك : الله يقلع بليسك خليتن بنت مرّة وحده ...!!أنا أوريك يالدّب ...

رجعوا للبيت .. أبو خالد ماعلّق على عبدالله بأي شي ... خالد وعبدالله كانوا في قمّة الونااسه
ويسولفون عن اللي صاار ...
نام عبد الله ذاك اليوم وهو حاس أنه أسعد إنسان بالعالم ... هذي القنااعه... أي شي بسيط
ترسم البسمه والفرحه على وجهه ....لكن إذا حسيت بسعاده ولو لحظات ماتضمن أنها بتدوم
لك أطول ...

*يوم جديد بالمدرسه *

صالح : فهد الله يقلّع ضريساتك قل آآمين ... كله منك ..
فهد : وش دخلن بك أنت وشظافك ...ماأحد غصبك تغش مني ..
صالح : حسبتك ذكي وتعرف تحلّ .. مادريت أن ماعندك ماعند أم جدتي ..
فهد : لاياشيخ ..!! وأنت يالذهين ليه ماحليت أجل صح ..؟؟!!
عبدالله : خلااص ....ولايهمّكم كلكم دبش...
صالح : أحلف عااد ... مصدق روحك ياعميري ...قالب على وجهه ...
فهد : من حقه جاايب الدرجه الكامله وش عليه ..
عبدالله : أحم ..أحم .. بدت الغيرة تشتعل في قلوب العذ ّال .. ((يحرك حواجبه ))
فهد : بدى الأخ يشتغل .. وش يوقفه ألحين ..؟!
صالح : أسحب البطاريات .<<<بدى ينكت إقاله ...
فهد : المهم لايكثر ... لاتنسون اليوم جمعتنا بملعب الحاره ..
صالح : وش المناسبه ؟!
فهد : اوالله من زين الهرج .. حتى لعب الكورة تحتاج مناسباات ؟؟!!عيال عمّاني وخوالي
جمعتنا اليوم وقلنا خلوه مباارات كورة باالحاره ...
عبدالله : أها ... ماأدري والله أنا أقدر أجي وإلا لا...
فهد : ليه ؟؟!!
صالح : نسيت الجمارك اللي عنده ..؟!
فهد بحزن : ياأخي حاول يمكن يطيعك ... وبعدين الملعب قريّب وراكم بشارعين ..؟!
عبدالله : أشوف إن شاء الله ... بس ترى مابي صالح لاتعزمه ...
صالح : على كيفك الدعوى هي ... أصلاَ أنا أولكم ...
فهد : يؤؤؤؤ .... مايصير تجي ياصالح ...!!!
صالح : ليه ..!؟؟
فهد : نسيت أنه ممنوع إصطحاب الأطفاال ...
عبدالله وفهد فطسوا ضحك ....
صالح بعصبيه : قل قسم ...تراي كبركم وجعععع..!!
عبدالله بيقهره زياده : لاتكذب أنت أصغر مني بشهر ..
فهد : والأكبر منك بيوم أعلم منك بسنه ..!
صالح : ضفوا ...خلاص ماني بجاي مالت عليكم ...
فهد : خلاص يارجال ..نمزح معك ..لاتصير حساس حبتين .. أنت أوّلناا ..
وطاروا للحصه الرابعه بسرررعه لأنها بدت من فترة ...

*في بيت أبو خالد *

عبدالله :تكفى خالد أنت قلّ لأبوك ...يمكن يسمع كلامك ..توسط لي عنده تكفى ...
خالد : طيب جرّب أنت وشف وش يقول ..و بعدين أنا ماأعترف بالواسطاات ((يحرك حواجبه ))
عبدالله : خاايف يعيي إذا قلت له أنا ... وبعدين الواسطاات هي اللي تمشيك هالأياام ..
خالد: خلاص بروح معك نقوله .. عشانك يالله ...!!
عبدالله بغرور : أيه كذا خلك رجال وعاقل وأمش معي ...
كان الكلّ بالصاله يناظرون التلفزيون ... وأبو خالد بالمكتب يحوس بين أوراقه ..دايم مشغول ..
--الباب يطرق --

أبو خالد : أدخل ...!!
دخل خالد وخلفه عبدالله ...
أبو خالد وبدون مايرفع عينه من الأورااق : خير إن شاء الله .؟؟!
خالد : هلا يبه ..بس عبدالله يـبيك بشي ...!
أبو خالد : وش تبي ياعبدالله .؟؟!
عبدالله : ياعمّ اليوم الأربعاء..و العيال بيجتمعون بملعب الحاره وودّي أروح ألعب معهم ..!!
أبو خالد بعصبيه : بدينا من ألحين بالهجوله والدوران ؟!
عبدالله : لاياعمي بس من المغرب لين 9 ..ماني مطول ..
أبو خالد سكت وماردّ ..يفكر بالموضوع ويقلب القصه براسه ...ويطبخه زين <<<حشى ذبيحه 
خالد : هاه يبه وش قلت ؟؟
أبو خالد : أنا من متى وأنا أسمح لكم بالوجوجه بكل مكاان ؟؟؟!
عبدالله : ماعمري رحت لمكان ياعمي ...وهذي أوّل مرة ..!!
خالد : خله يروح يايبه ...لو بس هالمرة ...!؟؟أ
أبو خالد عقد حواجبه ورفع رأسه وقال : طيب أنا بسمح لك بس بشرط ..!!؟
عبدالله بلهفه : سم ّ ..اللي تطلبه بسويه ..!
أبو خالد : أن خالد يروح معك ..!
خالد : يبه أنا مالي خلق لعب كورة ...وبعدين خوياي بيجون اليوم ..!!
أبو خالد : أجل خلااص ...مب لازم تروح ياعبدالله ...بدون خالد ما تروح.!
عبدالله وتعابير الحزن غطت وجهه ...
خالد وهو يراقب التغيّر اللي صار بوجه عبدالله ...
خالد : خلااص بروح معه .. الشكوى لله ...!
عبدالله بابتسامه : لاياخالد ...رح مع أخوياك مايحتاج تتركهم عشاني !!
أبو خالد : يكون أزين بعد .. وشوله كثرة الهجوله بهالشوارع ...؟؟!
خالد : لالا ....بروح مع عبدالله ..وخوياي ممدين عليهم ماهم طايرين ..24 ناشبين بخشتي ..
عبدالله : مشكور خالد.. متقصر..!!
خالد : وش دعوى حق وواجب علينا (( وهويغمز له ))
أبو خالد : أيه بس هاه..حدّك 9 بس ....وعلى طول للبيت ...تسع أشوفك هناا..؟!!
عبدالله : تآآمر... ومشكور ياعمّ ماقصرت ..!
خالد : سمّ يبه إن شاء الله ...
طلعوا من عنده لغرفهم ... خالد كان مع الدحمّي بغرفه ... أما عبدالله كانت غرفته غرفة تخزين ...كلها
دوالايب ....((((بس قيمة المكان بأصحاابه ))))..

أبو خالد جلس يكمل حوسته بين الأوراق والمعاملات ...والكلّ لاحظ تغيّر أبو خالد عقب موت أخوه ..
صار أنسان مشغوول .. وبدت تكثر عليه المسؤوليات ... لكن اللي كاان مضيق صدر أبوخالد وشاغل
باله شي ثااني ..هو ألحين يتعب بالحلال .. وينتبه له ويحااول يحافظ عليه ويكسب من ورااه .. لكن
مانسى الشخص اللي اذا كبر بيبدى يطالبه بحقّه من حلاال أبوه .. وماهو حلاال بسيط ..بيصير شريك
لعمّه بالشركه ..النصّ بيكون بأسمه ...هذا اللي كان مسبّب أزمه لأبو خالد وشااغله ...
ماكان يحاول يبين لعبدالله أن له فلوس قدّ فلوسه وأكثر يمكن ...يحاول أنه مايدري عن هالحلاال
إلا اذا قدر أبو خالد أنه يستفيد من ضمّ الشركه ألحين ويقوّي دخله في الوقت الراااهن ..قبل لاتنقسم مرّة
ثانيه ...

فيه شخص لمّا درى عن روحه عبدالله بدى القهر يغلي في صدره ..!!!
الدحمّي : وشوله أبوي يخلي عبدالله يروح ؟؟!!
أم خالد : وأنت وش عليك ..؟! هذاك اذا بغيت تروح لشي مايقولك شي أبوك .؟؟!
الدحمّي : بس المفروض مايوافق له ..!!
أم خالد : هذي أوّل مرة ... وأزين أن خالد بيروح معه بعد ...((بابتسامه خبث ))
الدحمّي : ايه صح ...ليه بيروح معه ؟؟!!
أم خالد : عشان يراقبه ويشوف وش يسوي ..!!لأن اللي مثله ضاايعين لأن مالقوا اللي يراقبهم ويوقفعم عن حدودهم ...والله يعين عليه ..!
الدحمّي : أف.. ياأنا أكرهه هالإنسان ماادري ...ليه ..؟!!
حور مثل خالد أخوها ...تداافع عن عبدالله قدام أهلها مع خالد .. لكن أحياناً تمّل من سوالفهم
وأسهل حلّ تروح لغرفته ...!!

*في الملعب *

صالح : كللللللولولولولولييييش ..... أخيراً جيت ياعبيّد ...
عبدالله : السلام عليكم أول ... أف الحمد لله ماكان عندي أمل أصلاً أنه يوافق ..بس خلاّ خالد
يجي معي...
فهد : أيه أشوفه جااي.. غريبه ..!!
عبدالله : عيّا أجي إلا معه ..وأنت من متى جيت هناا ؟؟!
فهد : صالح ؟! .. أول ماطلع من المدرسه جاء هنا على طول...
فطسوا عليه ضحك ...
صالح : أيه أقول لايكثر ...يالله خلّونا نبد أ...!!
فهد : عبدالله أمش أوريك عيال عمّاني وخوالي ...تراهم متشوقين يشوفون الأنسان اللي ماغير
أسولف عنه عندهم ....
صالح : أيه ... وحنا لنا الله ...
عبدالله وهو مستحي : لاتحرجنا يافهيد ... ترانا ولاشي بدونك ...
صالح : يالله بدوا وش يوقفهم ... يكفي مغاازل ترااي أغار أنا ...
فهد : يالبّى قلب اللي يستحوون يانااس ...((يعااندوون صالح ))
عبدالله : مانستحي إلا من اللي نحبهم ونغليهم ...
صالح بقهر : كمّلوا ...كمّلوا ... وين الأرقاام بعد ...كمّلوها ..
فهد وعبدالله تفقعّوا ضحك عليه ... يحبوون يقهرونه ويضحكوون عليه ...
راح عبدالله وتعرّف على أقرباء فهد ... وبدوا يلعبوون كورة ....ويمزحون مع بعض...لين مابدت
الميانه شوي وأندمجوا مع بعض ... خالد بالأول ماكان ودّه يلعب... لكن يوم شاف العياال وتحمّسهم ..تحمّس يلعب معهم...وأستانس أنه جااء مع عبدالله ...كل الوقت كان لعب كورة ..ماأخذوا إلا ربع ساعه
أستراحه وكانوا جايبين بعضهم معهم أكل ...قهوه وشااهي وخراابيط <<<يحمسووون للطلعاات 

_ السااعه 9 _

بزااويه من زوايا الملعب...
عبدالله : خالد يالله خلّنا نرجع الساعه صارت 9 ...!!
خالد : والله أنهم يونسون ...خلنا نقعد شوي ؟!
عبدالله : لاياشيخ .. أنت تستانس وأنا اللي أنهااش ..!!
خالد : ههههههه.. حلوووة الفكرة ...هههههههه.... يالله أجل خلّنا نمشي ...
عبدالله : فهيييييييييييييييييييييييييييييييييييييييييد ...
فهد من بعيد : هاه ... وش تبي ؟؟
عبدالله : يالله أنا برووووووح ...!
جاء فهد ركض : يوووة خساارة رااح الوقت بسرعه وماحسّينا فيه ...ياأالله ..ياعمّ الحمد لله
بعد أنك جيت وشفنااك ...
عبدالله : أيوالله الحمد لله ... سلّم لي على الشباب أجل ...يالله فمان الله ..
خالد : مع السلاامه وسلّم عليهم ...
فهد : بحفظ الله .. يوصل إن شاء الله ....

_ في البيت _

أبو خالد بغضب : ألحين ..ماني قايل لهم 9 أشوفكم بالبيت ؟؟!!
أم خالد : إلا .... تلقى عبدالله أبلش خالد أنه يقعد زيااده ...
أبو خالد : وخالد على كيفه يسمح له ؟؟!! ماني منبهه هو بعد أنه مايتأخر..
أم خالد : خالد أكيد ماله دخل .. أصلاً هو ماكان ودّه يروح ..فأكيد التاخير من اللي كان يبي
يروح.... ((كانت تطبخ هوشه محترمه لعبدالله ... كانت بنفس تفكير أبو خالد بالحلاال والفلوس..
وكانت تنقهر إذا تذكرت أن نص الحلال بيروح لهالولد لحاله ...))
حور : يبه لاتهاوشه .. أكيد تاخروا عشان الطريق ...!
الدحمّي : وأنتي حاطينك محامي..... تدافعين عنه وأنا ماأدري ..!؟
حور : ماني مثلك حقوووووووودة....((وهي ترفع حاجب ))
أبو خالد بصرخه : بـــــــــس ... هالمواضيع مالكم دخل به أنت وأياها ... فاهمين ..لاتتلقفوون..
حور : يبه ...يــ .. ((قاطعها أبو خالد ))
أبو خالد : حـــــور ...وأنا وش أقول ...مالكِ دخل باللي بسويه ... أنا أعرف وش أسوي مب أنتي
اللي تجين تعلمينن وش أسوي والا وش أقول ....!!
حور بغصه : بس يبه حراام ... أسمع السبب أول قبل ماتهاوشه ...
أم خالد خافت أنا كلاام حور يأثر على أبوها فما يصير اللي براسه ويهاوش عبدالله : حوور قومي روحي لغرفتك يالله أشوف ..!!
الدحمّي إبتسامة نصر يناظرها...
أنقهرت حور من اللي يصير فقامت بعتب على أبوها أنه يتصرف كذا مع ولد أخوه .. ورقت لغرفتها...
أبو خالد بتفكير: ألحين وش السواات معه ..؟؟! إذا ماخليته يطلع بيقولون حابس الولد ..!! وإذا خليته
بيضيع ويضيع ..عاد ذاك الوقت ماينفع الندم ...!
أم خالد : وش تسوي بعد ..؟! خلاص لاتخليه يروح لشي بدونك ... على الأقل لين الثانوي ..!
أبو خالد والفكره دخلت مزااجه ...











  رد مع اقتباس
 
 
قديم 10-03-2008, 10:35 PM   #11
افتراضي

حمآآآآآآآآس







لااااتطووليين عليناا يااااحلووه <span style='color:firebrick'>..
;wnk) </span>











  رد مع اقتباس
 
 
قديم 11-03-2008, 04:31 PM   #13
افتراضي

واااااااااااااو
كل جزء يزداد حلاوة ;sea:

مرررررة حلووو هذا الجزء >> عاشت معهم جو



"صالح بعصبيه : قل قسم ...تراي كبركم وجعععع..!!
عبدالله بيقهره زياده : لاتكذب أنت أصغر مني بشهر ..
فهد : والأكبر منك بيوم أعلم منك بسنه ..! " << فهد ذكرني بأحد ;wnk)













توقيع - Honey

  رد مع اقتباس
 
 
قديم 13-03-2008, 06:20 PM   #16
افتراضي

شكــــــــــــــرا من الأعمااق أزفّها لكل من شجعني على الكتابه...

شكـــــــــــــراً من الأعمااق أبثها لكل من تابعني وحرص ....











  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أنت آمر .. وأنا أطامر... ^_^ مبدع دكة شباب ورياضة 8 29-02-2008 09:03 PM
~*~ كل جرح وأنا بخير~*~ الغاليه دكة همسات وخواطر 10 14-09-2006 03:51 PM
يعزوني وأنا الميت أنا خالد دكة الأدب والشعر 2 15-05-2005 10:18 AM
&&&&&&قيثاره بكاء&&&&&& جـرح طـاهـر دكة همسات وخواطر 12 13-10-2004 11:01 PM
بكاء المراة مهم ابو صالح دكة عالم الأسرة والمجتمع 6 21-09-2004 09:26 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 12:17 PM



Powered by vBulletin®
استضافة Copyright ©2000 - 2018, vBulletin Solutions, Inc.