دكات عنيزة مركز الإرشاد الأسري

العودة   دكات عنيزة > الدكات المتخصصة > دكة همسات وخواطر > دكة القصص الهادفة والروايات

دكة القصص الهادفة والروايات قصص تاريخية واجتماعية هادفة وروايات

إضافة رد
 
أدوات الموضوع انواع عرض الموضوع
 
قديم 13-03-2008, 06:49 PM   #17
افتراضي

**....جــــــــــــ(( 3 ))....**



دخل عبد الله وخالد وهو يسولفون عن عيال عمّان وخوال فهد ... ووشلون هم حبيبين ودخلوا الدرجه
معهم...وهم داخلين للبيت ومندمجين بسواليفهم ... سمعوا صرخه أبوخالد :
خــــــــــــــــــالد ...!! عبداللـــــــــــــــــــــــــه ..!!
قعدوا الأثنين يناظرون ببعض مستغربين ...وش صاير ..وكمّلوا طريقهم لمّه ...
خالد : السلام عليكم ..
عبدالله : السلام ..عـلـ....((قاطعه أبو خالد))
أبو خالد : ماتقولون لي وينكم للحين ؟؟!
عبدالله يناظر خالد يستنجده يجااوب بداله ..
خالد : يبه الله يهديك ..الساعه 9 وربع ..؟!
أبو خالد وهو يتجااهل خالد : عبدالله متى أنا قايلكم ترجعون ؟؟!!
عبدالله تلعثم وقال : سمّ ..ءء.ء..قلت 9 ..!
أبو خالد بغضب : ماقلت ونبّهت أني أشوفكم بالبيت الساعه 9 بالضبط وش تسون ربع ساعه ؟؟!
خالد : هالربع ساعه ..مدة المشواار من الملعب للبيت ..تراه مب قريب ورانا بشارعين ..! وماأمدانا
نقطعهن ونوصل إلا صارت ربع ساعه ...!!
أبو خالد خزّ خالد مثل قولت أسكت ..أبي أشوف عذر اللي جنبك هو المقصود ..
وقال : وكلّ الطريق صار له ربع ساعه ؟؟((قاله بتشكيك ))..هذا أولاَ ... وثانياَ ..أنا قلت 9 أنتم هنا
الظاهر كان كلامي وااضح مب ألغاز ... ولوكان عذركم الطريق زي قولتكم ..ليه ماطلعتوا من الملعب
أبكر من كذا ..؟!
عبدالله : آسفين ياعمّي ... ماتوقعنا أنك بتدقق علينا بالحيييل ..!
أبو خالد وهو يرفع صوته : نــــــــــــــــعم ...؟؟؟!!! ...أدقق ؟؟؟؟!! أنا لوقلت كلمه أبيه تصير حرفياَ
ومن غيرمناقشات ...مب توقعنا وخرااابيط ...!!
خالد : يبه ماصار شي الله يجزالك خير عشان كلّ هالإنفعال والزعل ..؟!
أبو خالد : تكسرون كلمتي وتقولون ماصار شي ؟؟!...لكن أنا الغلطاان ياعبدالله أني خليتك تروح
وتوسع صدرك ...! لاتجي مرّة ثانيه تقولي بروح ..؟!
عبدالله حسّ بالضيق ... فوق كلّ هالقسوه معي والهوااش ...يبي يحجرن ويمنعن من الطلعه و
الدخله ؟؟!!...
وقال بترّجي : تكفي ياعمّي أحمد ....آآٍسف هالمرّة ..وأوعدك أنه ماتتكرر المرة الثانيه ..!!
أوعدك ...!!؟
أبو خالد : وأنا بقعد أحتري لين المّرة الثانيه ...؟؟!! .. لايابعدي...خلاص أنا قررت أنك ماتروح
مرة ثانيه للملعب ....

قال خالد وهو منفعل من كلام أبوه : لايايبه تكفى لاتسويه ..!! ترى عبدالله هو اللي ذكّرن أن الساعه
صارت 9 ..وهذا أكبر دليل على أنه حريص بكلامك ..وإلا لوكانت علي ..؟؟! كان طنشت وقعدت ألعب
وإلا هو لزّم ...!!
أبو خالد : خلاص ...أنا قلت كلمتي وأنتهى النقااش ...وماأتراجع عنه وبس..عشان مرة ثانيه يفتح أذانيه
زييييييييين على كلامي ولايتجاهلن ..!!
قام أبو خالد ورقى لغرفته ... أما عبدالله تجمد بمكانه ...حسّ أن حتى الدنيا ماهي قادرة تشيل همومه ...
تكتّلت كلّ الهموم على كتوفه ..وياليت كانت ذيك الكتوف أقوى وأشدّ من كذا...تذكر بهاللحظه أمه وأبوه ..!
لوكانوا عايشين بيسوون معه كذا .؟؟! ... وبيقعدون يدورون عليه أي عيب عشان يتصيدونه وينتقدونه
فيه ..ويحّولون الإبتسامه إلى حزن ...؟!!؟؟؟ ماأظن مطلقاً ... لوتحوس وتدور غيرأمك وأبوك بهالدنيا
ماأنت لاقي ... وتعال قابلن لوبلحظه شكيت بهالشي ...!!
خالد ماعرف وش يقول لعبدالله... تخيل نفسه مكان عبدالله ...كان وش سوى ؟؟ ووش أحساسه ؟؟
هذي كانت طريقة خالد عشان يقدر يعرف وشلون عبدالله يفكر ..وبعدين يفكر شلون يقدر يرجع
إبتسامته مرّه ثانيه ...؟!
خالد : أبو عابد نروح نلعب بليستيشن ...؟؟!
عبدالله : لاخالد مالي خلق ... شكلي بروح أنام ..!
خالد : أيه ...قلّ خايف من أني أصقّعك باللعب ...((وهو يطلع لسانه ))
عبدالله بضحكه : أما عااد تصقّعني ...!! كثّر لي منه ...أنت .تعلم شلون تلعب أول ..بعدين تعال
تحدّى الكبااار ياحبيّبي ....
خالد : يالله أمش ورّني ياللّعيب ...ياخوفي أنك تنام وأنت تصيح ...!!
عبدالله : هههههههههههه... الله يعين عليك والله أنت ..! أنت كراتين المناديل كلّه شكله ماهي مكفيتك ..؟!
خالد : مشينــــــــا .؟؟
عبدالله : لاتس قوووو ...!

*بغرفه أبو خالد *

أبو خالد وهو سرحان ويفكر شلون يتحكم بعبدالله وماينفلت من أيدينه ..ولايضيع ..؟!!
وأقتنع أن أفضل حلّ هو الشدّه معه ..ومايخليه يروح لأي مكان لحاله ..!!
قطعت سرحاانه أم خالد : وش سويت معه ياأبو خالد ؟؟
أبو خالد : هاه ؟؟ ...أيه ..!! قلت له مافيه طلعه من البيت مره ثانيه ...!!
أم خالد : أيه أزين لك كذا عشان ترتاح من وجع الرااس ...!!
أبو خالد : ايه ..بس أخاف أن الناس تتكلم وتقول أني حاابسه وشاد معه ..؟!
أم خالد بكل ثقه : وش بتقول ؟؟!! ...أنت بتسيطر عليه عشان مايضيع ويدشر ويخرب مع عيال
مثل حالته ..!! وبالعكس كثـّر خيرك أنك حريص عليه ..وتراقبه ... وبعدين خلّ الناس تهرج لين تشبع
كلام الناس مايودّي ولايجيب ..ومن يسمع لهم بيتعب ...!!
أبو خالد سكت حاول يقنع نفسه بأن أسباب هالقسوه مثل ماقالت أم خالد ...بس اللي بقلبه أكبر وأقسى
من هالمقاصد والأسباب ...؟! يمكن يكون بعاملته يبي يشفي غليله من أخوه اللي أخذ النصيب الأكبر من
حلال أبوهم ..!! لكن أبوعبدالله ماكان له دخل لأن هذي كانت وصية أبوه بتقسيم الحلال والأملاك بينهم
لكن أبوعبدالله كانت له مميزاات أكثر وأفيد ...وبالنهايه هذا أبو عبدالله رااح عند رّبه ...لكن وش ذنب
هالطفل اليتيم يتعذّب بأسباب وينها ووينه عنها ..؟؟!! زود اليتم اللي هو فيه ..كملتها نفوس البشر المفترسه ...اللي تأكل ولاتشكر ولاتشبع ..؟! ((الفلوس تغيّر النفوس )) لكن نقدر نتصور الدرجه الدنيئه اللي توصلها
النفوس عشان تكسب وتمتلك هالفلوس ...؟؟!

*في المـــــــــدرسه *

صالح : من عليه الدور اليوم بالشراء ؟؟
عبدالله وهو يبتسم : على فهد ...
فهد وهويمثل التعب : يوووووة ...والله تعباان اليوم مالي خلق زحمة المقصف ..أدخل وأنا وش زيني ..
وأطلع كأني فاازع بهوشه ...!!
صالح : خخخخخ... لاياحبيّبي ...حنا ماعندنا تذمّر ..أنا جوعاااااااااااااان ...خذّ أشترلي يالله ...
فهد : أهب عليك كانك ما تشبع..!!!! أنت طلباتك منيو(Menu) كامل ويالله تخلص ...!! واللي قاهرن
أنك عصّ ...مايبين عليك شي ...!!
صالح باستهزاء: قل ماشاء الله ..ترى عيونك حاره مايحتاج كلاام ..!
عبدالله وهو يضحك : ههههههههههههههههه....وأنا بعد أشتر لي معك ...وتعال هنا ..ترى كلّ يوم
الدور على وااحد واذا جاء دورنا نشتري لك ...لاتجحده.. وبعدين صدق قل ماشاء الله للولد لايروح
بخبر كاان ...زي المكيف ذيك المرّة ...!! ((قعد عبدالله وصالح يتقطعون من الضحك ...يتذكرون موقف
فهد ...يوم ركبوا كلّهم بسيارة صالح ..عشان يوريهم تلبيسة السيارة الجلد الجديد كانوا توّهم ملبسينه ...
وكان السواق فاتح المكيف ...
قال فهد : برد ياكاجو قصّر المكيف ...!!
كاجو : هدا قصير ...!
فهد أنهبل : هذا وهوأقصر شي تجمدّنا تقل فريزر ....يبيلنا أجل نحط ورى سطول تمر عشان يبردن..!!
قعدوا يحوسون شوي .... وبعد كم دقيقه ... شافوا كاجو متغير لونه وهويحبرش بالضغاطات ...؟؟؟!!!
صالح أستغرب وقاله : ايش فيه كاجو ؟؟
كاجو بصدمه :هذا مكيف مافيه شغل .؟؟ سكّر ..؟؟؟!!!
عبدالله وصالح طااارت عيونهم ...والتفتوا على طول لفهد بأصابع الإتهاام ....!!
عبدالله أستوعب الموضوع وفقع ضحك ..وبدت تدمع عيونه من اللي صااار ...!
صالح للحين المسيكين متفاجأ مب مصدق اللي صااير ...توة يشتغل وش زينه ...فجأه طفأ ..؟؟!
فهد : أحم ... عبدالله يالله أجل خلنا نروح ...لأننا شكلنا أخرّنا صالح عن بيتهم...أكيد أهله يحترونه ...
وعبدالله يلتفت على صالح ويشوف وجهه المصدوم ويزيد ضحكه ....
صالح وهومبقق عيونه : فهد وشي ماركه عيونك تكفى .؟؟!! شكله أصليه الله يقلعك...!
فهد وهو يكركرضحك : صويلح أنا مالي دخل ...مكيفكم يتهدّد ...
شوّتهم صالح من السيارة وهو يتوعد فهد ....ويفكر بوجه أبوه لو درى ))

فهد وهو يتذكر اللي صار ويضحك : أسرع حل عااد تدروون ....أنا مميزاات كلّي ...
صالح : أيه رح الله يهديك ويثبتك بأسمه العظيم ...
فهد : أنا قايل لكم هالإنسان غلطانين بين شهادة ميلاد جدتي حصيصه وشهادة ميلاده ...شرط أنه معمّر
كم قرن قبلنا ...!
عبدالله : فهد..!!
فهد : سمّ ..ياعنون فهد ...؟؟!!
عبدالله وهو يمثل أنه مستحي : لاتحرجني ...؟!
فهد : ياحبي للي يستحوون ياناس ....أروووح وطيييييي أنا بهم ....
((فطسوا ضحك على هباال بعض ....وراح فهد يشتري لهم ...هم متعودين كل يوم الشراء بالفسحه على
وااحد ...عشان الزحمه وللي يكون دوره يسرع ويدّبر روحه ويستعد ...هالثلاثي كاان شي بالمدرسه ...
لكن علاقة فهد وعبدالله أقوى من صالح ...لأنهم تعرفوا من زماان على بعض أما هو بسادس العاام..
وبعد شوووي رجع فهد ))
فهد : صويلح ياأنا بكرى بيكون أسعد يوم بحياتي ...!
صالح : ليه ياأخ فهد ..؟؟!
فهد وهو يحرك حواجبه : بكرى مجلس الآباء ..وأبوك أكييييييييييييد بيجي ...!
صالح وهو يخفي توتره : وإذا جاء يعني وش صاار ؟؟
فهد وهو يغمز له : وإذا ؟؟ نسيييييييييييييييت .....نسيت كم مرة أخذت نقيطه بالعربي ...نسييييييت وإلا
أذكرك ..؟؟!!
صالح : أقول طرّ مناك ياشيخ ..!! الهوشه بنا بنا ..بنقيطاتك ذولي والا بدونهن ...!!
الكلّ لاحظ شرود عبدالله بالتفكير ...أكيد ماينلاام ...يفكر شلون بيكون شعورة لوحظروا الآبااء بكرى..
تذكر فهد وضع عبدالله وندم وقعد يلوم نفسه شلون جاب طاري للموضوع وهوموجود..؟؟!! ويعرف أكيد
حساسيته من هالجهه ...!!
فهد يكلّم عبدالله : اللي ماخذ عقلك يتهنّى فيه ؟؟!!
عبدالله وهويبتسم : هاه ؟؟ ..هههههههههههههههه...آآآآآآآميــــــــــن الله يهنيه ...
صالح بتساءل : وإلا فيه ؟؟؟؟ ....ياخزيااااه يا عبيــّد ...إلا أنت تكفى لا..!!
عبدالله : هههههههههههههه: الله يرجّ عدوك ...وش حيثي أنا ...!؟!
فهد : ياااحظّه يانااااااااس ....ليت لنا بالمكان زيّه ...آآآآآآآآه بس...
صالح : خير ....خير .....وبدينا نقول آآهاات بعد يافهيد ...بعد شوي بتصف أبياات شعر وأنا ماأدري..
والله الدنيا تغيرت وأنا ماأدري ...
فهد : شفت ....هذاااك أعترفت أنك من زمن الدايناصورات ...!!
عبدالله : هههههههههه.... الله الديناصورات مرّة وحده .؟! أعنبوه كم عمّر ذااا ؟؟
صالح : أقول بلا ملااااغه بس ..ياللله خلونا نطس ..علينا (بلوتو) ...ألحين يجي ويطيرناا..!
فهد : بلوتو ؟؟؟
عبدالله : أفاااااا يافهد نسيت اللقب الجديد لأستاذ العربي ؟؟ زهقنا من الأول ... هو بلوتو وصالح بابّاي ..
فهد :خخخخخخخخخخخخخخخ....أيه صح تذكرت .!!
صالح : أيه عاادي ..أهم شي أني بابّاي وهو بلوتو...
وطاااروا للحصـــــــه...

*في بيت أبوخالد *

الكلّ كان مجتمع بالصاله يناظرون التلفزيون بعد المغرب ويتقهوون إلا ابو خالد ...وحور كانت مسويه
حلى ومستاااانسه أول مرة تسوي حلى ...وتبي تشوف وش راايهم ..؟؟؟!
خالد وهويتأمل الحلى : ألحين سين سؤال ...؟؟!! هذا حلى وإلا ساحة تفحيط ..؟؟!!
الدحمّي : ههههههههههه....حللللللللوة ...إلا كأنه ساحة تفحيط ومراقى وحركااات ...خخخخخخخ
حور : مالت عليكم ...هذا جزاي مختبّه ومسويتن لكم حلى من أناملي الذهبيه ...!!
خالد : ياشين الغرور يانااااااااس ... مايليق على البناات أبددددددددد....!
حور : لاأحلف عااد مخلين الغرور لكم يالعيال ...لو ماكان للبنات من يكون له ؟؟وبعدين أصلاً هذي
ثقه بالنفس بعيداً عن الغرور ...
خالد : عبدالله الفزعه تسبّنا يالعياال ...أهجموا يالأسوود ....؟!
عبدالله : هههههههههههههه... لالا كلش عااد ولاالعيال !!...إلا ألعبي بحسبتهم ياحور وماعليتس منهم
((وهويطلع لسااانه ))
أم خالد : ووووه ياالعياال ..كانهم شقى وتعب ....وماوراهم إلا الغثاااء ...وشلون بعد لوكانوا مب
عيالك ...؟؟!!
وصلت نغزة أم خالد لعبدالله اللي كان نبيه ويفهم كل شي ....وحازت بخاطره هالكلمه !! لكن تعود ماهي أول
ولاآخر كلمه توصله ...!!وقال بخاطره.. والله لو أني ذابح لكم أحد ماسويتوا بي كل ذا ؟؟..
لكن عبدالله ماحبّ يحط كل شي على باله ...ويعيّش روحه بألم وحزن ...يكفي اللي مرّ عليه وذااقه..
عشان كذا تعوّد يدخل منّا ويطلع منّاك ..ولاكأنه سمع شي..!!
حور وهي توزّع الحلى :أول من بيذوق الحلى أمي ...بعدين عبدالله ...
خالد : وجععع...وأنا وين رحت ...تراي أكبر منه ..!!
عبدالله وهو يقهره : أنت أصفط على الجنب يابيّي ...هههههههههههههههه
خالد : أنا أوريتس أنتي وقنازيعتس ...
حور : يأأخي كيفي ..ومافزع لي إلا هو ...وبعدين مب ذا الحلى اللي تتطنز عليه قبل شوي..؟!بعطيه
عشانه مافشلن زيكم ...
الدحمّي بغرور : أحلفي بس ...أخلصي علينا ...
خالد : يمه .,ين أبوي؟؟ ماصلى معنا بالمسجد اليوم .؟؟
أم خالد : أبوك عنده شغل بالشركه وللحين ماجاء...!!
حور : ياسفابه ...فاته الحلى ...
خالد يبي يقهره : قولي الله فكّه ...مايتسمّم...
حور : اللي رافع ضغطي ..أنك تأكل منه ..ياأخي ماأحد لزّم عليك ..مب لاازم...؟!
خالد : ماودّي أفشلتس يابعدي ...وإلا أنا أتغصبه تغصّب....!
عبدالله : ماعليتس منه ...يبي يقهرتس بس ..وإلا هو رهيييييب...
حور : الله يسلمك والله .....هاه يمّه وش رايتس ؟؟1
أم خالد : لاأشوى زييين ....!
خالد : يمّه ...قولي لأبوي إذا رجع أن بكرى عندنا مجلس آباء أنا وعبدالله ...لاتنسين ؟؟
أم خالد : إن شاء الله ...بس ذكرّن بكرى الصبح عشان ماأنسى ...!!؟
الدحمّي بإستهزااء : هو مجلس آآبااء صح ؟؟ مب مجلس عمّان بعد .وإلا ؟؟
الكلّ سكت ..أم خالد كانت ردود ولدها تعجبها ,,تبرّد اللي بخااطره ...لكن حور وخالد ماكانت تعجبهم
وقعدوا يخزّون الدحمّي على اللي قاله بلووم .....!

عبدالله بلع الغصّه وماقال شي....أكتفى بالصمت والهدوء ...خااف مع مرور الوقت أنه إذا طنّش أو كأنه
مايسمع ..يصير عنده فقدان للإحساس وبارد المشاعر.... لأنه تعود على السكووت وعدم التعليق وإلا الدفااع..
خالد تدارك الموقف وقال : أشوى أن عبدالله معي بنفس المدرسه ...لأني داري إذا سأل عني أبوي بتجيه
حاله إنفجاار .... وإذا سأل عن عباادي بيهدى ويرتااح ....
عبدالله : خخخخخ.... شفت فايدتي ...!!
خالد : خلّ عنك بس يارجال ... والله أنك رحمه من عند ربي ....
حور أبتسمة لأخوه يوم حاول يضيع السالفه ...هذا الي تعودوه من خالد الرحمه والإحساس باللي حوله ...

*في المدرســــــه *

كان هاليوم غير لعبدالله .... أول مرّة مايغيب بمجلس الآباااء عقب وفاة أبوه ... تعود بكل مجلس آباء أنه يغيب ...
لأن عمّه أحياناً يصرفه بأن عنده شغل وماهو فااضي ...!! لكن هالمرّة غيير ...خالد معه بنفس المدرسه مماعطى
عبدالله أمل بأن عمّه بهالمرة بيجي ...فماغاب...!!
صالح : الله يعين على أبوي...بغي ينزل معي قبل شوي من ألحين من زوود التحمّس...!.
فهد : ياحرااام ...كان عنده أمل بخشتك ...
صالح : أصصصص...أسمعوا بس من اللي يهرج ...؟؟!نشوف عاد أنت يابابا ...!!
عبدالله : سمعونا ....الله يعينهم كلّهم ..!
فهد : أنا بقول لأبوي يقولهم اذا جاء يسأل أنه أبو عبدالله ...! شرط لاسمع كلامهم يطلع لي ماي باخ ...!!
عبدالله : هههههههههههه... ماي باخ مرة وحده ...قلّ ددسن حقت المزرعه حقتكم نقول يمكن...!
فهد : كلش عاد ولا أم عزيّز ...لاأحد يهرج به ...
صالح : الحمد لله والشكر إلى السيارات صارت له ألقاب ..؟؟
عبدالله : أجل وأنت تحسب الددسن هيّنه .؟! لو تروح لأقرب بقاله تدور قطع غيار لها ...شرط أن تلقى عندهم ...حبيبه تراه ...
فهد : المهم .... عبدالله بيجي عمّك اليوم ..؟!
عبدالله بأبتسامه : أيه بيجي ..
صالح : أشوى أن حنّا وثالث بنفس اليووم ...!
فهد : أيوالله عشان تضمن أنه يجي ..
مجلس الآبااء كان من الفسحه إلى الحصه الخامسه .... كانوا الثلاثي المرح بالسااحه ..وجااء صالح من بعيد
يركض ...
صالح : هـ..هـ... عبـ ــد الــ ــلـ ـه ...!!
عبدالله : بسم الله عليك شوي ..شوي على قلبك ....ماأشوف جنّي وراك ؟؟!
فهد : صّك حلقك تكفى .. شوي وتشفطنا ترااك ...!
صالح : لاتملغ أقول .... عبّود همّك شفته دااخل ..!
عبدالله بفرح : أحلف .؟!
صالح : أمزح معك أنا الظاهر ..!!
فهد : أكششششششخ ياعبادي ...بيطلع عمّك متشقق إذا سمع المدح ...
عبدالله : أكييييييد ... وبها كلاام ذي ...!!؟
صالح : أخس يالثقه ....
فهد : هههههههه....شويه ثقه .... بتتعدّاها لمرحلة الغرور...
عبدالله : هع هع ... مايمديكم ....يالله بس رنّ الجرس منذ مبطي ترى ...!!

دخلوا للحصص ....وبعدها أخلّص مجلس الآبااء ....
صالح : أستااذ جاء أبوي ؟؟!!
الاأستاذ :أيه جاء...
صالح : عسى بس ماحشيتوا بي وااجد ...؟!
الأستاذ : الصراحه.... أنصحك ياصويلح أنك ماترجع للبيت إلا بعد أسبوع بالقليل ..!
فهد : ههههههههه....أف كلّ ذا ...الله يعينك ياصلّوح...
الأستااذ : وتراك ماأبعدت عنه يافهيد ...لاتضحك وااجد ...
صالح : هههههههههاااااااي... أٌقعد به ياشاااطر...
فهد : وش دعوى يا أستاذ ... ماحنّا أتفقنا ا..((وهويغمز له ))
الأستاذ : هههه..أنا ماتمشي معي هالحركاات أبد ....أشوى أني مب أبوك ...!!
فهد : أفااياأستااذ ..! ماهقيتك تسذا ..!!
الأستاذ : ماودّك نروح نهجول بالسيارة مرّة وحده بعد...؟!
فهد : والله مب شينه السالفه ..بس أصبر لنهاية الدوااام ...
((تقطعوا عبدالله وصالح ضحك عليه ))
الأستااذ : لازين والله..مهتمّ بالحصص ...!!
فهد : أيه ..هه أجل ... بتخربن أنت شكلك ياأستااذ...!
((هنا العيال بدوا يدمعون من الضحك ))
الأستااذ : أشوف الدعوى جازتلك .... أهجد أشوف ...!!
فهد بصوت وااطي : أفاا ..قلب الموجه الأستااذ وش جااوه ..؟!
عبدالله : تستاااهل ...كم مرّة قايلك ترى ذا الأستاذ مب زي بلوتو اللي متعود تستهبل معه ...
صالح : عبدالله ...طيب أسأله وش قال لعمّك ..؟؟
فهد : يالله عبّودي ... خلنا نسمع مدح اليوم حتى لو مب لنا ..الشكوى لله ..
عبدالله : هههههههههههه... أسمعوا أجل يامسااكين ...أستاذ ؟؟((بكل ثقه وفرحه ))
الاستااذ : نعم ياعبدالله ..؟؟!
عبدالله : وش قلت لعمّي عني ..؟؟!
الأستاذ : ليه عمّك جااء اليوم ؟؟!! ;kmkh:











  رد مع اقتباس
 
 
قديم 14-03-2008, 12:55 AM   #18
افتراضي

<div align="center">البارت هذا حلو مررة

*****************************************

عبدالله : إنسان مسكيين متحمل آلام مايتحملها ولد بعمره
خالد&حور : يحاولون حماية عبدالله من بطش ابوهم
أبو خالد : إنسان عديم الرحمة :angry:
أم خالد : أفعى على شكل إنسان :rolleyes5:
الدحمي : يبيله تسطير و معط أذان ;shi6any:
فهد & صالح : أصدقاء حبوبين مراعيين لمشاعر عبد الله :i18:


***************************************



مشكورة على التكملة ;shatr:

أتمنى تنزلين الجزء بسرعة لأنك حمستيني
أبي أعرف راح عمه يسأل عنه ولا لاء؟؟!!!
;kmkh:


ودمتِ بود
:i06: </div>













توقيع - Honey

  رد مع اقتباس
 
 
قديم 14-03-2008, 02:51 AM   #19
افتراضي

حمآآآآس بقووه ..



لااا تطووليين يااعسسل .. ;shatr:











  رد مع اقتباس
 
 
قديم 14-03-2008, 04:15 PM   #20
افتراضي

والله إنك فلة ماتوقعت بهزا الخيال الوااااااااااااااسع <<<<<<<<<< ماشاءالله


نرجوا ألا تبطييييييييين علينا













توقيع - Miral

<span style=\'font-size:21pt;line-height:100%\'><span style=\'font-size:14pt;line-height:100%\'><span style=\'color:green\'>اللهم</span> <span style=\'color:yellow\'>لا</span> <span style=\'color:red\'>تؤاخذنا</span><span style=\'colorrange\'> بما </span><span style=\'color:gray\'>فعل</span> السفهاء<span style=\'color:blue\'> منا</span>


.<span style=\'color:green\'>.....</span><span style=\'colorurple\'>................</span><span style=\'color:gray\'>...............</span>.<span style=\'color:blue\'>.......</span>
.<span style=\'color:gray\'>...........</span><span style=\'colorrange\'>.......</span><span style=\'color:red\'>....</span><span style=\'color:blue\'>.....................</span></span></span>

  رد مع اقتباس
 
 
قديم 14-03-2008, 05:50 PM   #21
افتراضي

رآئِعةٌ أنتِ..
كرآِئِعتكِ (الليل وعيونك وانا كلٍّ بكى وقت الودآع)


بإنتظار ما تبقى من أجزاء ^_^

تحيتي لك












اوسمتي

  رد مع اقتباس
 
 
قديم 14-03-2008, 06:20 PM   #22
افتراضي


يؤ يؤ <span style='color:red'>لآآيكوون
ماسأل عنهـ !!?!!

<span style='color:red'>< --
دخلت جوو ..

والله حمآآآآس الـ حمآآآآس ;wnk)

خطيير هالجزء :i18:

ننتظرر : )
</span></span>












اوسمتي

  رد مع اقتباس
 
 
قديم 19-03-2008, 09:09 PM   #23
افتراضي


.. والله شوويه علييهاا <span style='color:skyblue'>حمااااس
.

<span style='color:skyblue'>أنتِ كذاا
:i18:


ويينتس طوولتي علييناا !!

< متااابع بصمت : )
</span></span>











  رد مع اقتباس
 
 
قديم 20-03-2008, 01:11 AM   #24
افتراضي

متى تنزلين الجــ 4 ــزء ؟؟!!! :angry:


طولتي علينا ;3gra:


ننتظر بفارغ الصبر

^_^













توقيع - Honey

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أنت آمر .. وأنا أطامر... ^_^ مبدع دكة شباب ورياضة 8 29-02-2008 09:03 PM
~*~ كل جرح وأنا بخير~*~ الغاليه دكة همسات وخواطر 10 14-09-2006 03:51 PM
يعزوني وأنا الميت أنا خالد دكة الأدب والشعر 2 15-05-2005 10:18 AM
&&&&&&قيثاره بكاء&&&&&& جـرح طـاهـر دكة همسات وخواطر 12 13-10-2004 11:01 PM
بكاء المراة مهم ابو صالح دكة عالم الأسرة والمجتمع 6 21-09-2004 09:26 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 08:26 AM



Powered by vBulletin®
استضافة Copyright ©2000 - 2018, vBulletin Solutions, Inc.