دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 31-01-2011, 11:34 PM   #17
افتراضي رد: مدونــــــــــــتـــــــــــــــــــــي




البارحه ضاقت على نفسي الأرض=من هم عيا ياعرب لايروحي

أصبح على قلب الشفا منفرض فرض=أمضى زمانه بالشقا والجروحي

إن جابها بالطول هي جابته عرض=دنياه مافيها رفيق ن نصوحي

وده يقول لصاحبه فــ .. الرضا أرض=مادام شرهاته كبيره ويوحي

لاكن قرر ياخذ القرض والقرض=ويسدد ديونه عنه مايبوحي











اوسمتي

  رد مع اقتباس
 
 
قديم 01-02-2011, 03:38 PM   #18
افتراضي رد: مدونــــــــــــتـــــــــــــــــــــي



يموت شوقي ماحصل لي تلاقي=ماهو حرام إنك سبـب موت الأشواق ؟
تـنزل وأنا عكسك على الطول راقي=عشاق بالأسماء بلا قلوب عشاق
أتعبت من شانك مع الوقت ساقي=مافاد فيك الود ماعندك أخلاق
تدري وش أصغر شي ؟ فيك النفاقي=وتدري وش أحسن شي ؟ صدرك ليا ضاق
حقير .. متردي.. وواطي متاقي=غربان جيفه ناعق (ن) جابه نعاق
تلوق لأشكالك بشين المذاقي=شن (ن) يوافـق بــ .. طبقه منه مالاق
كل الزمان اللي مضى فيك شاقي=أعطيك جوّك لين ما أعطيتك طراق
صحيح سايرتك على قول باقي=لكنها مهله لما الكيف بك راق
مروك ناس وناس من جاك واقي=محد (ن) بقى ماأغرقك بـبحوره إغراق
عدت علينا الشمغ هي والطواقي=بالعين شفناها مثل شمس الإشراق
ولا تضن إن الصدر من ّ ضاقي=بالعكس لي سمعه مثل بيض الأوراق
من أخمص الرجلين لين التراقي=أجيبها بوضوح مانيب سراق
لك الجمل باللي حمل والنياقي=مره بخباز (ن) ومره بحلاق
مادامني عفـتك على عز راقي=وش يرجي الطيب من إنسان بوّاق











اوسمتي

  رد مع اقتباس
 
 
قديم 01-02-2011, 04:09 PM   #19
افتراضي رد: مدونــــــــــــتـــــــــــــــــــــي


نما إلى علمي أن هناك أناس ما << وش عنده والي الكوفه

المهم يحسبون قصيدة الأعصاب اللي في موقع ما

يحسبونه لهم لا يبه سلامة دبك ههههه

قصايد الحب والغرام للي في بالي

والحق ينقال ترى القصايد اللي تحوم التسبد بهم

وتراي والله العظيم ماطبيت هاك المكان من يوم طلعت منه ولا زاير

عساه بالحرقه هو واللي بووووه يعني بالعربي ما أدري عن اللي صاير وشو تفهم ؟
وبهالمناسبه السعيده أقول : < أما سعيده ههههه


ياصاحب الموقع تهنى بمسفعك=عفته بعزة نفس عندي كرامه
دوّر على اللي عقب مطمنك يرفعك=ولا تـتبع إنسان (ن ) رفيع (ن ) مقامه
وإلا تراي إن شفتك هنا أبلفعك=وتدس راسك مثل راس النعامه
خلك ورى قلب (ن) قراطيس يدفعك=لين إنك تروح لمكب القمامه
إنفع زمان الياس كانه بـينفعك=نهايته حسره تجيك الندامه

ما أدري تقل بديت أخور هههههه













اوسمتي

  رد مع اقتباس
 
 
قديم 01-02-2011, 04:38 PM   #20
افتراضي رد: مدونــــــــــــتـــــــــــــــــــــي



الله من قلب (ن) جهلتو علومه=سره على طول المدى صار مكتوم
أحد (ن) يضيق ويشتكي من همومه=وأحد (ن) يخفــّــي مابقلبه من هموم
الله يلوم اللي بهمه يلومه=خلوه يشكي لا جفت عينه النوم
مافيه بالدنيا حنان (ن) يرومه=متحمل (ن) لعتاب دنياه واللوم
متى تهنت عينه بحلو نومه=ومتى حصل له مطلبه شات والروم
بلاه ربه في حياته بعومه=نار (ن) عليه وذنب لو كان مقسوم
عز الدهر ناسه وكثرو رخومه=وعن الخطاء مافيه إنسان معصوم
لكن يحز بخاطري شفت بومه=يـقـنص بها والوقت الأمحق لهالبوم
في سوقها ويحدها لمن يسومه=وتباع للي يفرق ريال بالسوم
دلالها عايش لرزقه بـيومه=مايفرق النادر عن البوم لليوم


أبروح للأرياف اللي يبين يلقان هناك << والله يا أنا فضيحه هههههه











اوسمتي

  رد مع اقتباس
 
 
قديم 01-02-2011, 10:42 PM   #21
افتراضي رد: مدونــــــــــــتـــــــــــــــــــــي



لا ماتحسفت بحياتي على شي=إلا على عمر (ن) بحبك قضيته

الميت ميت ونرجي الخير بالحي=هذا عوض هذا بحيه وميته

كل الصفات اللي تمنيته بمي= لقيتها وياليتني مالقيته











اوسمتي

  رد مع اقتباس
 
 
قديم 01-02-2011, 10:50 PM   #22
افتراضي رد: مدونــــــــــــتـــــــــــــــــــــي



مابيك تزعل بينـنا الشك مرفوع=ومثلك ترى قدره على هامة الراس

الحب في قلبي من سنين مزروع=طبعا لحالك لو زعل به بعض ناس

ماهوب من صدري محرك ومنزوع=عذري غلاك موثق (ن) فيه بالساس

شف إسمك بجوفي على النور مطبوع=عندي لك إحساس الوفاء وعندك إحساس











اوسمتي

  رد مع اقتباس
 
 
قديم 01-02-2011, 10:55 PM   #23
افتراضي رد: مدونــــــــــــتـــــــــــــــــــــي


شديت أنا وياه حبل الموده=ولا إنقطع حبل الغلا من أياديه

أرخيه لا منه بغا اليوم شده=وأنا إلى شديت هالحبل يرخيه











اوسمتي

  رد مع اقتباس
 
 
قديم 01-02-2011, 11:17 PM   #24
افتراضي رد: مدونــــــــــــتـــــــــــــــــــــي


خلك على المكشوف ماهوب يخفاك=أسرفت باللعبه وفرّطت تفريط
وين الدروس اللي أخذته بدنياك=يامن خبر لعب (ن) على غير تخطيط
صراحتي تـزعلك وهرجي إلى جاك=وشو له أنافق وأجيب الخرابيط
ماعندي إلا الصدق لو دارت أفلاك=وأنت تعرفني أفدق الشق وأخيط
أقطف ورود العز من دون الأشواك= شي (ن) براسي أبلغه دون تـثبيط
ورشاك دوك رشاك ياباغي رشاك=في وقتنا هذا يسمونك مقيط
حريتك مناك خذها لمناك=أما أنا مابي معرفة ...... يط


مشفر على شان الرقابه < لاياشيخ يعني ما أحد عرفه ههههه











اوسمتي

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 01:09 AM



Powered by vBulletin®
استضافة Copyright ©2000 - 2017, vBulletin Solutions, Inc.