دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 08-05-2005, 12:21 AM   #1
افتراضي

أسعد الله أوقاتكم بكل خير
:
:
قصائد للشاعر الراحل / منصور بن سعدي الرمالي الشمّري.. عالقه بأذهان محبيّ هذا الشاعر ..

حبيت أنقلها لكم هنا ...


(( يانــوف ))




يالي جرحت القلب بيديك وأنا اشوف
حـرام ليـش قلبـك مابـه مرافـه
أرحم جريح ٍ طـاح وبحالتـه روف
الي حياتـه لأجـل فرقـاك عافـه
تركتني في ظلمة الخوف مكسـوف
ألبستني ثـوب الشقـاء والكسافـه
يابو جديل فـوق الامتـان منسـوف
يالحق على روس الشطايـا ضفافـه
وعيون سود وخـد ونهـود وردوف
وليا أبتسم تجـذب عيونـه رهافـه
والورك والفخذين والساق ملفـوف
والوجه ناعم ما أشتكي مـن جفافـه
أدعج غنج بالملح وزيـن موصـوف
من ينهبـه يملـك عـذر لختطافـه
في حب ذاك الزين مغرم ومشغوف
إللي جمـع بيـن الجمـال وعفافـه
وأوجد حالي من وجد جيب مكتوف
وحطوه في سجنـه وشـدو كتافـه
ومن جيب للتحقيق بـادوه بكفـوف
وسجل في تقرير السجون اعترافـه
عليك يالـي لـك الدمـع مـذروف
دمعي علـى فرقـاك زاد أنذرافـه
وأنا على لقيـاك يانـوف ملهـوف
والقلـب هـم الـود والبعـد لافـه
بالقلب من فرقاك هاجس ولافـوف
يزود مـع زايـد جفـاك إرتجافـه
يانوف بسمك صرت ألبي وأنا طوف
(............ ........ ..... ... )
هم يرتجون الله وأنا ارجيك يا نوف
أرجيك أنا رغـم ابتعـاد المسافـه
أرجيك رجو الي مع الموج مجروف
والمـوج حطـم مركبـه بإنجرافـه





(( يانجم ))





يانجم ياللي غبت مـن غبـت مابنـت
وش حال بيـن أيـام مجـدك وبينـك
الشمس تطلع وأسأل الصبح وين أنت؟
وتغيب شمسي واسـأل الليـل وينـك
ويـن انـت أنـا منـهـان لاهـنـت
منهان من شخـص عجـز لايهينـك
أرجع متى ترجع؟ أنا انهنت وسجنـت
واللي سجنـي كـان قبلـي سجينـك
أرجع ورجع مجد ماضي كمـا كنـت
ورجع مـن المديـون للنـاس دينـك
ياقاسي في وجـه الأضـداد مالنـت
ومن صاحبك ينعـم بعطفـك ولينـك
حتى على خصمك من احسانك أحسنت
وياما عطيت من كـل غالـي يمينـك
بالسيف في شبه الجزيرة (تسلطنـت)
أخضعـت أهلهـا وملكنـه يديـنـك
مثلـك ولـد والله فـلا جابتـه بنـت
لاشـك عـيّـن يمهلـنـك سنيـنـك
أقولها وينـك وأنـا أدلّ ؤويـن أنـت
لاشك مـن زود القهـر قلـت وينـك
وياقصر ياللي بدّلـوا طينـك اسمنـت
أحذر تخون وتنكر أصحـاب طينـك
الله يخونك كان لأهـل الوفـا خنـت
ووفيـت لـلـي بالـوفـا خاينيـنـك
ياقصر لاتُسكن وان انضمت وسكنـت
خفس قهر وأخفـس معـك ساكنينـك
ياقصر مهمـا زيّنـوا فيـك مازنـت
(زينك) رحل وان عاد لك عاد زينـك





(( الـصـدّ ))






في محيط الحب في بحر الغرام
كادت الأمواج تغـرق مركبـي
في سواد الليل في عتم الظـلام
حقق الله بعـد ياسـي مطلبـي
جيتها في بيتها قلـت: السـلام
قالت الله لايجيبـك وش تبـي؟
قلت أبي عطف ولطف واحترام
في عقول أهل الهوى لاتلعبـي
قالت ابعد مطلبك هـذا حـرام
قلت لاكن صار في عهد النبي
الحرام الصّـد يابـدر التمـام
والحرام البعد لاكن..... قرّبي



وهذه قصيده له ..





النـاس ربـي مـن تـرابٍ خلقهـا
وإنت الذي من جوهر الماس مخلوق
الناس ساواهـا الولـي مـا فرقهـا
بس إنت عن كل البشر صايرٍ فـوق
إنت البحر فيـك البواخـر غرقهـا
وإنت السحاب اللي به أمطار وبروق
وإنت الجحيم اللي حياتـي حرقهـا
وإنت النعيم اللي يشدن لـه الشـوق
ألطف بروحـي لا تسبـب زهقهـا
وإلطف بقلبٍ من عنا الود محـروق
واسق الورود اللي تساقـط ورقهـا
وإلحق على جسمٍ غدا جلد وعـروق





(( لا تاخذ القلب ))





لا تاخذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبي ارحـل بـي
خذ صاحب القلب هو والقلب وارحل به
خل الوفا من طباعـك لا تمنـذل بـي
حدد حبيبـك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعـد تماطـل بـي
حرام منهو يبـي قربـك تماطـل بـه
يا ليتنـي ملـك تملكنـي وتبخـل بـي
ياللي تمر وصباح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتل الحـب واقتلنـي ومثـل بـي
وقـدام كـل البشرمنصـور مثـل بـه

(( انت القمر ))





انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيـعـه
{وانت الجمال}اللي به القلـب مفتـون
وانـت الحلا00يانوركـل الطبيـعـه
وانت الامل في كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مـع النـاس مزيـون
ياكوكب(ن)غطـى الكواكـب لميعـه
منساك لا منسـاك وابليـس ملعـون
أرجع علي00فرقاك انا مـا استطيعـه
ولاجفاك لو تجفاء ولوخنـت ماخـون
وأدور وصلـك لـو تـدور القطيعـه




(( قصتي قصه ))





قصتـي قصـه بدايتهـا العـذاب
واخرتها الموت في دنيـا عنـاي
الشقاء لي بيت 00والحرمان بـاب
والخيال أفراش 00واحزاني غطاي
أصبح الدخان لي 00زاد وشـراب
والسهربالليـل 0والونـه جـداي
حاضري لاشي00والماضي سراب
وكل من ناديـت مايسمـع نـداي
في شبابي من عناي الراس شـاب
والله اعلم كيف أنا عشت بصبـاي




(( ثامن مستحيل ))





قالو انسه00قلت ثامن مستحيـل
يصبح النسيان للعاشـق عـزاء
قالو تلقاء غير محبوبـك بديـل
قلت حبه في لجاء جوفي لـزاء
حالف(ن)مانساه الايوم الرحيـل
ولا تناسا الزين لو عشت بوزاء
كيف ابنسى من معي سواء جميل
والردا00للطيب مايصبح جـزاء
بالوليف الحلم ياتـي كـل ليـل
وكل مارقد في منامي لي غزاء




(( يانفس صبرك ))




ياقلـب مـادام الزمـان متحـديـك
أصبر على ميلات وقتـك وجـوره
ويانفس صبرك والفرج عند واليـك
كوني علـى مـا قـدّرالله صبـوره
هـاذي هـي الأيـام لابـد تسقيـك
عقب الحلا..كاس الكدر والمـروره
وهاذي هي الأقـدار لابـد ترميـك
من بـرّه الآمـن لمظلـم بحـوره
لاتجزعي مـادام الممـات متقفيـك
وكوني على صعب المواقف جسوره
ولا تيئسي من رحمـه الله يخليـك
الله هو القادر..علـى حـل أمـوره





(( احلام ليل ))





صدفه بلا ميعاد جيتـه وجتنـي
وصدفه بلا موعد معاها تلاقيـت
مديت يـدي يمهـا وصافحتنـي
وليتي سلمت ولا لها اليد مديـت
حسيت أنا في شئي يوم مسكتني
شئي كما الكهـرب نتلنيوفزيـت
فزيـت ليانـا نايـم ماوتتـنـي
في غرفتي لاجت يمي ولا جيت
ولعّت أنا اللمبة..وقلت تركتنـي
وقفت أنا حاير وبالصوت ناديت
أخذت ساعة واقف..وأشغلتنـي
وشككت أنا باالي جرالي وشكيت
أحلام ليل عن المنـام حرمتنـي
ليته حقيقه مع حبيبـي تلاقيـت.






(( أمــرّ مــرّ ))





أمرّ مـر مـر فـي دنيتـي لـي
وأمر مر مـر لـي فـي حياتـي
ليا جاني العاني وأنا ما معي شـي
ودي تجينـي قبـل ياتـي وفاتـي
ان اعتذرته ظن ظـن الـردا فـي
وأنا الردا ماهو صفة من صفاتـي
اضحك وأهلّي به وأنا منكوي كـي
من خوفي التقصير فـي واجباتـي
ومن لا اشتهر بالجود صيته وو حي
ما طالع له صيت عقـب المماتـي





(( حلفت انا مااشكي على الناس همّي ))





حلفت أنا ماأشكي على الناس همي
الا على رب البشر...جالي الهـم
عناي أنا ماأشكيه حتى على أمـي
لو كان مابه حي أرحـم مـن الأم
وعندي خبر..صفو الزمن..ايتمي
لو يستمر سنيـن وشهور...ماتـم
دنيـا تفرق.ياسعـد.. ماتلـمـي
شره يعم..وخيرها...خص..ماعم
ياأخوك أنا.منها ارتفع ضغظ دمي
حتى نحلت وصرت عظم بـلادم


* هذه القصائد جميعها منقوله

:
:

مع تحيات صاهود



:













توقيع - صاهود

  رد مع اقتباس
 
 
قديم 08-05-2005, 12:26 AM   #2
افتراضي

أولاً الحمدلله على السلامه يابعدي وينك الله يسلمك قاطعبنا يالشويبنا

الحمدلله والله قلنا عسى والله مهب ميت ;wnk)

الله يديم عليك الصحة والعافيه وجميع الأهل ياخلفهم ..


تسلم يابعدي على هالمرجع الجيد لقصائد قوية وجزله .. كلمة شكر لا تكفي والله حقك بهذا الموضوع الرائع فعلاً ..

قصائد جميله وعذبه ..

الله يغفرله ويرحمه ويسكنه جنات النعيم

ويعطيك الله الف عافيه اخي الغالي على قلبي صاهود













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 08-05-2005, 12:49 AM   #3
افتراضي

<div align="center">صاهود

هلا والله وغلا من .. تبوك لما تاصل ديار جيزان .. ومن بحر جدة لما تشرف على الجبيل الصناعيه ( حشا ! صار خريطه ما هوب سلام ;wnk) )

وينك يا بعد الدنيا ؟ .. لا عمرك تغيب :wub:

يا سلام يا سلام .. وش هالجواهر اللي بدعتهن الليله !! .. رحم الله منصور الرمالي وغفر له .. قصايد في قمة الروعه

( لي عوده .. ما بعد شبعت منهن ;wnk) )

وخذ هذي بعد هديه لك ولجميع أعضاء دكتنا الغاليه :-




<div tag='font="Simplified Arabic,4,darkblue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
يا سعد هات لي حبـر وقرطاسه = النوم ياخوك عيـا يقرب عيوني
شف حالتي من عنا الايام محتاسـه = سهران انا الليـل والعالـم ينامونـي
بدا للقلب انـا هاجوسـه وهوجاسـه = واكوي هواجيس قلبي باشقر اللونـي
ابي اشرح الواقع اللي تجهله ناسـه = ولا همن الناس من يزعل ويرضوني
ما يقطع الراس غير اللي غرس راسه = الواحد اللي لـه عباده يصلوني
ويا حيف يا ناس اول عالـي ساسـه = اليـوم للبـن بالمجلـس يعـدونـي
ويا حيف يا ناس جدوده كانوا بساسه = اليوم صـاروا شغابيـب ويدرونـي
المال خلى الحصاني يكبـر قياسـه = وخلا هل العرف والشيمـه يهانونـي
وخلا الحمايـل جواسيـس وبلاسـه = كم واحد من بلا الدانيـن مسجونـي
الناس تشكي وشر الناس من ناسـه = ولولا الحسد بينهم ما كان يشكونـي
</div><script>doPoetry()</script>

منصور الرمالي ( رحمه الله )

صاهد .. أرفق علينا يا خوي .. معنا شباب غضّه بالدكه ;wnk) والقصيده الاولى إباحـ ... ! :i03: تحرك المشاعر . لا نقعد نبلش بهم . معك علم الوسمي وموون يالله يالله أنركدهم :i03:

الف شكر وتقدير على هالموضوع

( مشاركه مميزه )
</div>











  رد مع اقتباس
 
 
قديم 08-05-2005, 03:27 AM   #4
افتراضي

h34r: عدت ! عزالله ما ينمل منهن أبد

<< حسبي الله عليك يا صاهد .. عجزت انام منهن ;wnk)

وأستلم يا خال باقي القصيده الاولى ( يمكن طاحت منك وانت جايبه للدكات ) :-

في ليل مظلم واعتلـى فوقـــــه الطـوف
واطلـق عنـان الصـوت باخــــر مطافـه
سـوًي ولـــــــو مـره بدنيـاك معــروف
تماكـنـي قلـب ٍبــــــدا بـــــــــه تـلافــه
اجـاوب النايـح الــى نــاح بـرفــــــوف
واقنـب كما ذيبٍ عنـى الجــــــوع لافـه
روفــــي بحـال اللـي طعنتيــه بالجـوف
اللـــــي على شانك حلا النـــــوم عافـه
اعفـــي عن اللـــي بيـن اياديك موقـوف
فكـي قيــــــــــاده واسمحـي بانصـرافـه
وردي علـي وبـددي ظلمــــــة الخــوف
لا تـتـركـينــي فـــــــي مـهـان ومخـافـه
وان ما رجعتي لـي فانا امـوت يـا نـوف
ولا علـى دنـيـــــــــــاي بـعـدك حسـافـه

وسلامتكم :i06:

يا نوف باسمك صرت ألبي وأنا طوف
هم يرتجون الله وأنا ارجيك يا نــــوف


:i12: أستغفر الله .. والله الشحطه ! الله يرحمه ويغفر له

الوسمي

اقتباس:
ويعطكي الله الف عافيه اخي الغالي على قلبي صاهود
افاااا وانا ولد ابوي ! صاهد صار يعطكي <_<

الحقوق يا طلابها !! :i15:

تحيااااتي










  رد مع اقتباس
 
 
قديم 08-05-2005, 05:48 AM   #5
افتراضي

ماجد ................. إذا قرروا العشاء علمنا ياالذيب
ههههههههههههههههه


تسلموون والله يأخواني إبتداءً بكاتب المقال أخونا صاهود

مروراً بالمميز دوما والمبدع الوسمي

وإنتهاءً بالغالي والقدير / ماجد


تسلموون والله













توقيع - أنا خالد

<div align=\"center\"></div>
<span style=\'font-size:9pt;line-height:100%\'><span style=\'font-family:Arial\'><span style=\'color:#FF1493\'>(&lt;span style='font-size:14pt;line-height:100%'&gt;من الأعــمــاق...كلمة شكراً لاتفيكـ حقكـ... جزاكـ اللهـ خيراً... ومجـرد إهتمامكـ وإهــدائكـ ...لشـخصي شرفـ كبير... أنـار اللـه دربك وأزاح همـك</span>)</span></span>&lt;/span&gt;

  رد مع اقتباس
 
 
قديم 08-05-2005, 08:27 AM   #6
افتراضي

ماجد الله يعطيك الصلاح الي يكسر ظهرك ;wnk) ترا من زود الصلاح يعني


غلطه مطبعيه ولا صاهد يصلح مؤنث ;wnk) والله ولا بعتله نغيره


بس صدز غاب لكن طلع بشي يهول :i18:


ماجد القصيدة الأوله لك انت ومون ولا حنا خبرك الفطره على حلته ;wnk)













توقيع - الوسمي

يامغادر بلادك رافقتك السلامة ... لو فراقك على روح تحبك فجيعه

  رد مع اقتباس
 
 
قديم 08-05-2005, 09:10 AM   #7
افتراضي

اخوي الكريم صاهود الله يعطيك العافيه على هاالاختيار
الحقيقه انه قصايد كل وحده احسن من الثانيه
بس ياليتك خليت كل قصيده لحاله . وياليت يكون فيه تعريف با الشاعر منصور الرمالي الله يرحمه لانه حقيقه الاسم جديد رغم جزالة القصيد

مثلـك ولـد والله فـلا جابتـه بنـت
لاشـك عـيّـن يمهلـنـك سنيـنـك

تقبل سلامي اخوي الكريم













توقيع - نجم سهيل

اشتقت لك

  رد مع اقتباس
 
 
قديم 10-05-2005, 05:54 PM   #8
افتراضي

بارك الله فيكم على الردود الجميله

والله يرحم الشاعر

الوسمي تسلم ماقصرت شرفني مرورك ولاتهمك معقدة الشوش

وبانسبه للغيبه صح اني مغرور شوي بس عاد مهب كله غراره مير ياخوي

ميتهيا ندخل على النت دايم ولا ابشرك الحزام مليان والخرج مليان والحمدلله
------------------------------------------------------

هلا ابو حمد عاد مالك عذر القصايد على مزاجك كله وثره عندك الحكيره

مشالله عليك احسن خلك لاتنام النوم للكلب والهلباج والنساء == ولا الحر وان سلهم فلا هوب نايم والله مادري هو قاله كذا ولا لا ابو ماجد الله يرحمه

هلحين تلومنا وهذي سواتك حنى مغطينه وانت تفتشه الله يرجك كانك مدور غثى

بس تدري الله يعطيك العافيه انا فرحت يوم جازتلك المشاركه

----------------------------------------------------------

هلا بلاخ خالد اشكرك على مرورك المميز والله يعطيهم العافيه الاخوان اللي جملو المشاركه

------------------------------------

الاخ نجم سهيل اشكرك على مرورك تبي الحقيقه الشاعر لم ينصفه الاعلام

وطلبك تأمر امر بس عطني وقت وجيبلك خبروه

والطلب الول كد وزت هي وحطيناهن كذا ومامن عرف بيني وبينك اشو اعرف ادخل واشارك :i07: ولا تحرجنا













توقيع - صاهود

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
منصور البلوي يقدم عرض لريكلمي لحظهـ دكة شباب ورياضة 5 12-05-2008 01:18 AM
بعض قصائد الراحل:عبدالله العليوي رحمه الله جريح المودة دكة الأدب والشعر 12 09-01-2008 12:48 AM
ام منصور الحميدان إلى رحمة الله aboasamh يطلبكم الحـل 5 20-12-2007 06:50 AM
المؤرخ الراحل حمد الجاسر -عنيزة اشتهرت بالسكري qwert مهرجان عنيزة للتمور 1428هـ 0 30-09-2006 06:04 PM
(( نزف القلم )) مجموعة قصائد للشاعر الصامت الوسمي دكة الأدب والشعر 27 14-03-2006 11:23 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 07:25 AM



Powered by vBulletin®
استضافة Copyright ©2000 - 2017, vBulletin Solutions, Inc.