دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 01-02-2011, 11:35 PM   #25
افتراضي رد: مدونــــــــــــتـــــــــــــــــــــي




وش عاد لو في خاطرك من بقاياي=ذكرى قديمه بس ذكرى وبقايا
عرفتك بغي الهوى من عما راي=وصححت غلطاتي بشين السوايا
راح الغلا وإرتاحت العين وإخطاي=وإرتحت من سبة بلاي وشقايا
في عالم النسيان ماضيك سلواي=ما أقبل لك أعذار (ن) ولا أقبل وصايا
عش رغبتك خلن بعيد (ن) بدنياي=وإذكر زمن عمّار وأغلى الهدايا
والعيد قرّب ماعوى ذيب (ن) عواي=فل بربيعك ياسمين الضحايا











اوسمتي

  رد مع اقتباس
 
 
قديم 01-02-2011, 11:56 PM   #26
افتراضي رد: مدونــــــــــــتـــــــــــــــــــــي


(( نبي نتحبر بالشعر العامودي هالمره أغديه تلقح ))


وعد (ن ) قديم
لكنه أصبح مستديم
بلفور أعطاه اليهود !!
وبلا حدود
فات العمر
ومات الشجر
ومات الزهر
واللي بقى طفل (ن) يتيم
بيديه يرمي بالحجر
يبكي على غزه وحنين
والقدس وين المسلمين
وين العرب ؟
كل شي خرب
لاتفوتكم حفلة طرب
رحمتك يارب (ن) عظيم
أعراض تهتك للنساء
وشيوخ في صبح ومساء
تقتل وياعل وعسى
حتى المكان أصبح عدام
وشارون رجل(ن) للسلام ؟
هذا اللئيم ؟
أصبح كريم !!
وإمتدوا لغزو العراق
بالحرب في كذب ونفاق
النفط ماهي الأسلحه
أهداف خطه واضحه
يوم إنهم قالو دمار .. والجو دخان (ن) ونار
توني يساند راي بوش
وأبار تحرسها الجيوش
من الوحوش إلى الوحوش
وين السلام وين السلام ؟
اليوم دورك يامصر
متفشي (ن) داء العصر
يبني قصر .. هد القصر
والشعب والله مايلام
إلا على الدنيا السلام إلا على الدنيا السلام














اوسمتي

  رد مع اقتباس
 
 
قديم 02-02-2011, 02:28 PM   #27
افتراضي رد: مدونــــــــــــتـــــــــــــــــــــي




أنا بعد الظمير إرتاح في ترك الردي غـنيت=وناسة خاطري محد (ن) يبي يقوى ويحصيها
ليا مني بغيت أعدي المرقاب له عديت=ويصغر في عيوني من على الدنيا وما فيها
ولي ماكر على روس النوايف مابغيت الصيت=كرهت الذل والخسه بدانيها وقاصيها
تشرفني رجال العز وأركان الكرم بالبيت=وأشرفهم بعرفي والنفوس أصبحت أداويها
على كثر الهجوس اللي يراود فكري إليا أمسيت=تـنحيني عن المخطي سوالفها وراويها
وعلى صوت المنادي في لجـجها واجب(ن) لبيت=وصاة أمي وأبوي المرجله والطيب ألبيها
عليهم رحمة الله مادرو عن وقتي الحلتيت=يجي جيل (ن) ويفنى جيل مانقدر نمشيها
أسوق الرجل للعليا وأوافـق فارق التوقيت=سقم لعداك ياديره تضم أشخاص نغليها
يشوق إبها النظر وجهه إلى من رحت وإلا جيت=مكانه هو مكاني راحتي في نفس أراضيها
من أشواقي لها لا قالو إسمه ياعرب هلــّــيت=ألا يانورهـ .العالم لعينك ماني موحيها
ولا عندي تمني ما أبي لو .. ومتى .. أو ليت=حقيقه شافتك عيني كتبته ماني ملغيها
توضيت لصلا تي ثم رحت لمسجدي صليت=عسى الله يقبل التوبه عن أمصار وشواطيها











اوسمتي

  رد مع اقتباس
 
 
قديم 02-02-2011, 03:22 PM   #28
افتراضي رد: مدونــــــــــــتـــــــــــــــــــــي

يازين الخيال مامثله



يابنـت ياللي طالعاتن عيونك=غطي عيونك شايب (ن) لا تغمزين
خلي كحل عينك لناس (ن) يبونك=يابنيتي راحت علينا من سنين
ماعندي متون (ن) تـتقوى متونك=وعمري بعد ماهوب مثلك بعشرين
وسيارتي كروه وشين وجنونك=خليه من زينين يهدى لزينين
والراتب أقساط (ن) ولو يلمحونك=قالو لك إمشي وإتركي هالمساكين
ماعندي إلا قلب ماهو للونك=مملوك لأربع كلبوهن مجانين
قالت وش أربع ؟ قلت ماهو شؤونك=يمكنهن بالهند وإلا من الصين
قالت حريم ؟ وقلت أنتي وسنونك=وشن أجل ؟ قالت شويب مليعين
قالت شف سنوني على طول هونك=أنا أقوله له قبل تظلم العين
قالت مهذري قلت لايمسكونك=همن برجليهم وصلحه تروحين
لاتضحكين إص إص لايسمعونك=وإلا إقصري صوتك ولوذي وخلين
روحي ورجليني معك يتبعونك=لما تجين الباب همن خوذي إيمين
وشوفي معي ددسن قبل لايجونك=مفتوح بابه إركبي به تحرين
وشغلت قالت وين ؟ قلت دوني ودونك=نبي نروح لسوق شيبان الأثنين
قالت عما وقلت مزحة زبونك=شريت منك إن كانك أنتي تبيعين
قالت حلالك قلت هم يمدحونك=ورحنا لبيت (ن) مبني العام من طين

إيه عاد قعدنا وبس ههههههههههه











اوسمتي

  رد مع اقتباس
 
 
قديم 02-02-2011, 04:14 PM   #29
افتراضي رد: مدونــــــــــــتـــــــــــــــــــــي




لك مدة (ن) والقلب بيديك مرهون=متملكه ولا عصاك ويطيعك
عايش على الرجوى والأحلام مجنون=تبيع وتشري بالهوى مايبيعك
ياما عذلته عن هوى اللي يقـفــّـون=يجيك منهم من يضيّع صنيعك
رست على جرح ومتاهات وحزون=ياقلب قيظ الناس ماهو ربيعك


أبروح لسيتي ماكس << لايقعد يقول أحد وش عندك بسيتي ماكس بعد ههههه











اوسمتي

  رد مع اقتباس
 
 
قديم 03-02-2011, 08:37 AM   #30
افتراضي رد: مدونــــــــــــتـــــــــــــــــــــي



هذا أنا جرح .. ومتاهات .. وأحزان=في مامضى واليوم في عز ناسي
جيته من أشكال (ن) وجيته من ألوان=ونسيت معه الهم هو والمآسي
سقت القدم يمه ولو كنت غلطان=ولقيت قلبه ينـتـظرتاج راسي
أدمنت حبه والغلا كل الإدمان=سفن الموده بيننا بالمراسي
ياجنتي ياراحتي يا أجمل إنسان=يانوري المفقود عقب إنتكاسي
جيتك وأنا تايب ومذنب وندمان=وغمرتـني في طيـبتك وأنت ساسي
تركتك سنين (ن) ولا هوب حقران=إلا حسبتك صلب والقلب قاسي
ولقيتك اللين بعد هجري أزمان=والحب الأول لك وتقول ناسي ؟
ياطيب قلبك يابعد كل من كان=لا ياغرامي ماهو بقو باسي
أطيح من دونك على قلب ولسان=ومعك أطيح بروح طيح متواسي
نوره ونوره إيه ياقلب الإحسان=كرّمك ربي غير قلبك مداسي

وه بس











اوسمتي

  رد مع اقتباس
 
 
قديم 03-02-2011, 09:14 AM   #31
افتراضي رد: مدونــــــــــــتـــــــــــــــــــــي




أنا إن ماكتبت بإسم نوره=على أغراض الشعر مجمل بحوره
ولا جمّلني الطرق بقصيدي=فلا يحتاج أخذ كم دوره
أكبه وأكتفي باللي كتبته=وأشاهد عرض منقول (ن) وصوره
أو إني ألتزم بالصمت أطالع=مثل غيري ليا من شفت كوره
فداها كل شي (ن) في حياتي=سعادة قلبي الوافي وسروره
رجعنا بعد رحله لي طويله=أنا معذور فيها ومعذوره
تلقتني على بسمه حنونه=أنا في حلم وإلا علم أموره ؟
وأثر شوفة عيوني له حقيقه=مقدّر ليلة البارح أزوره
أخذنا مع بعضنا وقت كافي=تجبّر خاطر (ن) كثــّــرت كسوره
هدية غاليه منها عطتني=عذوبتها تسلسل من شعوره
توادعنا على أجمل ليالي=على باكر وشوفتها ظروره
رسمنا لوحة الحب الحقيقي=بها عمّار ماسك إيد نوره


وه بس











اوسمتي

  رد مع اقتباس
 
 
قديم 03-02-2011, 11:27 AM   #32
افتراضي رد: مدونــــــــــــتـــــــــــــــــــــي




من اللي يقدر يفارق حبيبه=بعد ما صار قلبه من نصيبه
صحيح إن الظروف أحيان تقسى= ولكن رجّعه للقلب طيبه
تروح أيام في حقل التجارب=ونفشل مانسلم بالمصيبه
ليا مني ضمنت أحساس صادق=وفي ماداخله شك (ن) وريبه
ملكت الكون كله بالمكاسب=عقب ماكنت راضي بالغليبه
وعفت تراب محفور الأراضي=رقيت لضلع يقنب فيه ذيبه
مخوة ذيب راسه فوق شامخ=ولا أخاوي بشر فيهم معيبه
على هالحال دام الله علينا=موافق عرق يدمي في طبيبه
وش اللي في حياتي مالقيته=متى صارت على عيني غريبه ؟
عرفت إمن الدروس اللي درسته=فوايد وأكتسبت العز هيبه
ولا ناخذ ولا نعطي جمايل=مع الكذاب راعي كل غيبه
طحنت الحب في راسه وولى=وإلى حطيته براسي أجيبه
وهو عارف وش أقصد بالمعاني=وأنا ما أقول قول (ن) ما أحتـزي به
بغيناها طرب جتنا نكايد=على الشهره ولا ندفع ضريبه
ثمر هرجي ولا أحب الزياده=ترى قلبي توفق مع حبيبه











اوسمتي

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 10:56 AM



Powered by vBulletin®
استضافة Copyright ©2000 - 2018, vBulletin Solutions, Inc.