دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر > دكة صفحات شاعر

دكة صفحات شاعر دكة خاصة لرصد قصائد الشعراء البارزين

إضافة رد
 
أدوات الموضوع انواع عرض الموضوع
 
قديم 24-02-2008, 11:42 PM   #1
افتراضي

رسم الابداع بـ ساحة الشعر ..
وعزف الالم أبياتاً .. وصاغ الكلمات فناً آخر بـ قلمه ..
وتفرد بـ إحساسه العذب حد التميز ..
فـ كان رائع بـ كل حالاته ..
شاعر حزين حد البكاء ..
ابيض حد النقاء ..
لايمكنك قول كفى لقصائده ..
تحلق بين أبياته إلى عـالم الابداع الشعري ..


فـ أبياته
رائعه حد الابداع ..
مؤلمه حد البكاء ..
قلم رائع أجاد التفنن بـ الحرف ..
كما اجاد ابهارنا بـ قصائده ..


حاول أن يعتزل الشعر .. لكنه لم يعتزله ..
فـ كان مهد الذهب يحتويه بـ كل تفاصيله ..


<span style='color:silver'>اعتزلت الشعر مير الشعر اشوفه مبتليني
وضعت فالدنيا ولكن للاسف محدا لقاني
ان لقاني فيه يامهد الذهب مالقاه فيني
وان ضويت الليل وان الليل من همه ضواني
هذا انـا يالمهد كلي جيت ودموعي بعيني
بس لاتنشد عن اللي صار بي واللي بكاني
وان بغيت تعرف يامهد الذهب من وقت ويني
ضاااايع بوسطك ولكن للاسف محدا لقاني</span>
.
.


<span style='color:darkred'>شاعر برز من خلال مجلة فواصل على الرغم من انه متواجد في اغلب الوسائل
يكتب مقال بعنوان ( الى لقاء ماضي ) في مجلة بروز .
يعمل كـ مسئول لمجلة المرأه اليوم (الاماراتيه) في السعودية
أطل عبر كثير من البرامج مثل :
ياهلا (روتانا ) , معهم ( السعودية) , اذاعة عمان واذاعة الكويت
وبرنامج حياكم عـ الـmbc-fm
لقب بـ العديد من الالقاب :
شاعر مهد الذهب ، الوسم ، ذهب الشعر ، نعناع المدينه
شارك في العديد من الامسيات الشعريه :
- مهرجان جده غير , مهرجان الحكير بالدمام , مهرجان الطايف
ملتقى الشعراء الشباب بـ الرياض.
.</span>

<p align=center><embed src=http://www.mrkzy.com/uploads/916cec4900.swf WIDTH=400 HEIGHT=220 type=application/x-shockwave-flash width=646 height=333></embed>











  رد مع اقتباس
 
 
قديم 25-02-2008, 12:09 AM   #4
افتراضي

<div align="left"></div>

<div align="right">لا تعاتبني ..!
وقـت العتـب راح لاترجـع تعاتبنـي
مات الوفا والبقـا فـي راس وجدانـي
ماني مثل ما انت خابرنـي وتحسبنـي
محمـد الاول اصبـح واحـدا ثـانـي
خلاص مات الهـوى لاتهـدم وتبنـي
تركتنـي ليـن جـا النسيـان نادانـي
العـام ادوّر سبـب مـنـك يقربـنـي
واليوم ادور سبب عشـان تنسانـي..
بعثرتنـي فـي هـواك اليـوم رتبنـي
نسيتني الناس شفني صرت وحدانـي..
كان السهر في هـواك اللـي محببنـي
والحين حتى السهر يكبرعلى اجفانـي
اجيـك يمحينـي عتابـي ويكتبـنـي
مافيه طـاري عتـب يمـر ماجانـي..
وارجع وانا اقول: وش للجرح جايبنـي
ادري بجرحك ولا ادري ويش وداني!!
عن صدق الاحلام جا الواقـع وكذبنـي
وعن فرح الايـام جـا حبـك وبكانـي
مليت اشيـل الامـل والدمـع يغلبنـي
واقول بكـره يجـي للشـوق يلقانـي
ويروح بكره واجـي والوقـت قالبنـي
وارجع على وحدتي واحزاني .. احزاني
بكيتـك العـمـر كـلـه يامعذبـنـي
وشفيك ماتبكـي الليلـه علـى شانـي
كتبت ماهـو عشـان تقـول عاجبنـي
مليت من جزلـه وصـح الله لسانـي
انا وطن شعـر لـو شعـري مغربنـي
كتبت اجمـل جروحـي لجـل تقرانـي
خـلاص لاتتعـب وترجـع تعاتبـنـي
انا نسيتـك دخيـل جروحـك انسانـي
</div>

الموت والرحله ..
تفوت الليالي والعمر ينقسم نصفين
وانا اعرف كم راح ولا اعرف اللي تبقالي
ياربي كان باقي لي عمر يقضى مع الحيين
لاتتركني وحيد آصارع همومي وغربالي
انا يارب شاعر راح بي شعري ولا ادري وين !!
سرقني من حياتي لين ضعت وضاع موالي
وانا يارب اعرف اني مقصر في حياتي زين
ليا مني تذكرت الحساب وقلة اعمالي
ياربي لوضمنت امس وقبل امس وقبل يومين
بقي بكره وبعده ما اضمن اللي فيه يجرالي
ثلاثه قبل يومين .. ورحل واحد .. وصرنا اثنين
ولا ادري منهو الاول .. ولا ادري منهو التالي
خذاني هاجسي للموت .. والرحله .. ويوم الدين
وجلست اتذكر اللي بآخذه لاحان ترحالي
يارب اذنبت .. وادبرت .. ولبست من الخطايا لين
ماعدت اعرف يميني وين راحت بي عن شمالي
ياربي بكره اسكن في قبر .. وآفارق الغالين
ويصير القبر منزالي .. عقب مالبيت منزالي
ولا ادري كم بيحزن شخص .. والا كم بتدمع عين
بيوما مابينفعني بكا الناس وكثر مالي
انا وش جاب لي شعري .. ؟؟ ووش ودى الشعرياحسين
وانا امسي باللي فبالي .. واصبح باللي فبالي
عطيته فكر .. واقلام .. وشعور .. ولاعطاني يدين
كثر ماضيع احبابي .. كثر ماجاب عذالي
مدامه ماوصل قبل امس .. ما احتاجه يصل هلحين
مدام الناس ماشافته .. ما ابغى اشوفه لحالي
اذا ماجاب لي يد .. ولفت يمي قلوب .. و(عين)
نسيته مثل ماتنسى السعاده قلبي الخالي
واذا طروا لك الناس (اعتزالي) صاحبي ياحسين
تراهم بس زادوا (تاء) والا هي (عزالي)


<div align="left">بعدي عن بلادي ..!!
الناس كـلاً سـرى ليلـه علـى همـه
وانا مع الهـم لا واصـل / ولا غـادي
دربي سكت يوم خطواتـي علـى فمًـه
كيـف اعتـذر يامسافاتـي عـن بعـادي
وان طوًلـت وحدتـي فالصـدر ملتمـه
ثوًرت الاحباب يـوم اشواقـي زنـادي
البعـد كااافـر / وخطواتـي بـلا ذمـه
صكت اذاني غريب .. اوطانـه تنـادي
لاينتثـر ليـل : صبحـه مايبـي لـمـه
يشرب منامي عطش من صافي سهـادي
لو يستحي حظـي الاقشـر علـى دمـه
ماصرت فـي وادي واحبابـي فـ وادي
الشوق عـادي فبعـض احيـان : يايمـه
لكـن شوقـي لشوفـك ماهـو بعـادي
طال انتظاري متى القى القرب .. واضمه
بعدي عن امي مثل بعـدي عـن بـلادي
</div>

اليوم ذكرى وداعك وش بتهديني ..؟
ياغربـة دروب عمـري لا توديـنـي
لأقصى طريقاً يبعدنـي عـن أوطانـي
أو ااه ياغايبـه وينـك وانـا وينـي
مليت مـن غيبتـي فعيـون جدرانـي
ما في سكوتي سوى صوتـك ينادينـي
ولا في ظلامي سوى طيفـك ودخانـي
يـا غايبـه والظـلام اللـي يقدّينـي
ما يشبه الا غيابـك واجمـل احزانـي
روحي انشدي قلبك اللي ضيّع سنينـي
وشفيه يهوى غيابـي كـان يبغانـي
وانتي اللي بكل ما بـك ساكنـه فينـي
في بيتي ووحدتـي وفنظـرة اخوانـي
يا كثر ماني دفنت الدمـع فـي عينـي
ويا كثر ما انتي زرعتي البرد لأحضاني
ما كنتي إن غبت لو لحظـه فقدتينـي!
وأن غاب صوتي سألتي عنه خويانـي
ما كنتي ان هلّـت دموعـي تهدينـي
ما كنتي اللي تبيع الناس مـن شانـي
ما كنتـي اللـي تزعلنـي وترضينـي
مـا كنتـي اللـي تضيعنـي وتلقانـي
ما كنتـي وكنتـي وكنتـي وبعتينـي
يا كثر ما كنتي وكنتـي علـى لسانـي
اليوم ذكرى وداعـك وش بتهدينـي؟
اليوم عيـد الفـراق وحفـل نسيانـي
اليوم أنـا بشتعـل شمعـه وطفينـي
اليـوم ابهديـك حظـاً مـا تمنـانـي
كل عام وانتي: بعيـده مـا ذكرتينـي
وكل عام وانا: السهر بيتي وعنوانـي
يا غايبه.. معك يكفي ضاعت سنينـي
هو باقي عمراً يضيع لواحـداً ثانـي!!


<div align="right">مواجعنا وامانينا..
يسري بنا الليل .. لانادت مواجعنـا
ويفرح بنا الهم .. لاماتـت مانينـا
اغراب .. والحزن فالغربـه يجمّعنـا
اجساد نمشي .. وتتبعنـا خطاوينـا
كان الأمل في ظلام الوقـت يزرعنـا
لين الليالي .. تجي باليـاس تجنينـا
كنّا نعلّـم جـروح الوقـت توجعنـا
والحـزن .. كنـا نناديـه وينادينـا
نكتب : طريـق المـوادع مايرجعنـا
نقـرأ : طريـق المـوادع مايودينـا
نبعد عن الهم .. نلقى الهـم يتبعنـا
من وين نبعد .. نلاقـي همنـا فينـا
كنّا .. وهلحين كنّـا وش بتنفعنـا ؟
نادى الرحيل .. وسرق دربه خطاوينا
رحنا ورى الحب .. لين الحب ضيّعنا
مدري نسينا الزمن .. والا تناسينا !!
الين عشنا بلا صوره .. ولا معنـى
ارواح .. تشبه لنـا ظلمـة ليالينـا
واليوم .. ماعاد باقي شـي يجمعنـا
الا الوجع , والضياع , وحزن ماضينا
علـى كثـر ماحلمنـا .. ماتوقعنـا
ينسى الزمن كيف كنـا يـوم حبينـا
شكراً .. لأحساسنا اللي كان يخدعنـا
شكراً لوقتٍ خذانـا .. قبـل يعطينـا
شكراً لعمرٍ تركنـا .. قبـل يسمعنـا
شكراً لأيامنا .. اللي جـت توصينـا
شكراً لأحلامنـا اللـي وقفّـت معنـا
شكراً لأحزاننـا .. شكـراً لأغانينـا
بكت لنا الارض يـوم انّـا توادعنـا
لأن الارض احضنتنـا يـوم حبينـا
</div>



<div align="left">عمل <span style='color:royalblue'>بسيط لمحبي الشعر و لـ جمهور محمد الوسمي
اتمنى ينال على إعجابكم </span></div>











  رد مع اقتباس
 
 
قديم 25-02-2008, 06:19 PM   #6
افتراضي

بنت السعودية ;aw:

مشاركة أكثر من رائعة وتسلمين على هذا الموضوع
تقبلي تحياتي
ابو مشعل :i06:












اوسمتي



توقيع - مشتاق

  رد مع اقتباس
 
 
قديم 26-02-2008, 12:15 AM   #7
افتراضي



...

<span style='color:silver'>حياك الله أخوي مشتاق ..
الروعه تكتمل <span style='color:royalblue'>بـ تواجدكم الرائع</span> ..
كل الشكر لتواجدك الكريم ..</span>













توقيع - بنت السعودية

:


لا يمكن للإنسان ..
أن يكتب كل شيء ..،
فعذاب الكلمة ..أقسى
من أن يتحمله إنسان ..بمفرده !
  رد مع اقتباس
 
 
قديم 11-12-2013, 03:22 AM   #8
افتراضي رد: شـاعر مهـد الـذهـب ..




رووووووووووعهـ ..
يسلموووووووووو !












توقيع - بوح الجروح

مافيك حيله وتستاهل على فوزك
ملكت بجروح بوح أغلى هداياهم


  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 03:11 PM



Powered by vBulletin®
استضافة Copyright ©2000 - 2017, vBulletin Solutions, Inc.