دكات عنيزة مركز الإرشاد الأسري

العودة   دكات عنيزة > الدكات المتخصصة > دكة الأدب والشعر > دكة صفحات شاعر

دكة صفحات شاعر دكة خاصة لرصد قصائد الشعراء البارزين

إضافة رد
 
أدوات الموضوع انواع عرض الموضوع
 
قديم 03-01-2007, 01:20 AM   #1
افتراضي

من أجمل القصائد النبطيّه للشاعر عبدالله بن دويرج
ملاحظه : كلمة الجلت في البيت الثاني تعني ( ماء المطر اللتي يكون في منقع من الصفا في الصحراء) ويتميز هذا الماء بطعمه وصفاوت بريقه فوق الصفا

الناقل العضو فؤااااد بعد تذكر كلمة المرور المفقوده ;sea:

<div tag='font="Simplified Arabic,4,black,bold,normal" bkcolor="transparent" bkimage="./html/backgrounds/18.gif " border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
ياهل الزرفات بكره كان مريتـوا طـوارف خلـي=خبروه اني شكيت الهم والساموح عقـب فراقـه
مانسيت الصاحب اللي بالموّده والهوى صافي ليّ=جالي أصفا من غدير (الجلت)وحلا من حليب الناقه
مانسيته يوم أنا أنهل من كما..ذوب العسل واملي=خابرٍ نفسي عيـوف ولاتدانـي عقبـه العشاقـه
مع ثلاثٍ عارضني صبح يـوم العيـد دق وجلـي=وصفهن ثنتين جل وثالثتهٍن بالوصـوف ادقاقـه
أنهب الممشا لجلهن ميرادهـن ماودهـن يندلـي=كل ماقربـت منهـن خالفنـي وقطعـن الساقـه
يالطيف الحال غظّات الصبايا كيف مايـاون لـي=حملنيّ من كثيب الرمل ملموض وعليـه وساقـه
صابني منهن هنوفٍ من لماها علتـي ودون لـي=ودي أصبر مير قلبي من فراقـه غـاديٍٍّ حراقـه
صرت مثل اللي يعبر في زمانه كـل حـل بحلـي=الله أقوى كل عبـدٍٍ مشتكـا حالـه علـى خلاقـه
كن عينه عين شيهـانٍٍ ربـا بالنايـف المتعلـي=أو كما عين الغزال اللي يلـد أبهـا علـى دراقـه
جادلٍ تل الضمايـر فـي كلاليـب المحبـه تلـي=تل هجنٍٍ في سموم القيض عطشا والشراب شفاقه

</div><script>doPoetry()</script>











  رد مع اقتباس
 
 
قديم 03-01-2007, 02:38 AM   #2
افتراضي

تسلم أخي فؤاد على هذا النقل
ويسلم شاعرنا ابن دويرج
قصيدة جزله ما شاء الله
تحياتي لك ولا تحرمنا من هالزين
اخوك مشتاق












اوسمتي



توقيع - مشتاق

  رد مع اقتباس
 
 
قديم 03-01-2007, 03:11 AM   #3
افتراضي

فؤااااد

تصدق !! .. لولاي مستحي من ( مشتاق ) كان قلت لك هات بوسه ;gkg:

سلمت والله على هالجزله يا راع الاولــــه ,,

والله يرحم بن دويرج .. " هـدبـــان "

ودامك أطعمتنا وبليـّت أتسبدنا ,, تستاهل أنت وأعضاء الدكات من يذوقكم هـ الترفه لابن دويرج بعد :ـ

<div tag='font="Simplified Arabic,4,blue,bold,normal" bkcolor="transparent" bkimage="1" border="none,4,gray" type=0 line=200% align=center use=ex length=0 char="" num="0,black" filter=""' style='display:none'>
هاضني نوٍ سديد وشاق لي براقـّه = كن باركانه قناديل الحرم مشبوبه
هلّ واهمل جلّ من ركـّب طهاه وساقه = لين اخذ حـدّه من الصافي وكن بنوبه
فوق دار العندل اللي تذبح العشاقه = وان مشت تطوي ردايفها مثاني ثوبه
لا ضخيمة زول لاهي بالنشاش ادقاقه = حطها الله للمشقـّى والمولـّع بالغرام عقوبه
</div><script>doPoetry()</script>











  رد مع اقتباس
 
 
قديم 03-01-2007, 03:17 AM   #4
افتراضي

الله مير يكبربواجبك أخوي ابو حمد
إظافة أكثر من رائعه الله يعطيك العافية
تحياتي لك
مشتاق












اوسمتي



توقيع - مشتاق

  رد مع اقتباس
 
 
قديم 03-01-2007, 04:51 AM   #5
افتراضي

صح لسانه ...
قصيده رائعه لشاعر ابن دويرج من شعراء قرية ( جفن ) في السر
ثم سكن عنيزه لطلب الرزق وعاصر الشاعر الكبير ابن شريم ايضاالشاعر سليمان عبدالله بن حسن .. واضاف في ديوانه الكثير من قصائد ابن دويرج من ضمنها هذي القصيده
اللتي يظهر لي ان فيها اخطاء في النقل وهي كالاتي :

ياهل <span style='color:red'>العيرات باكر كان مريتو طوارف خلي</span>
وايضا في عجز البيت الثاني:
جالي أصفا من غدير المقر وحلا من حليب الناقه
:
مانسيته يوم أنا أنهل من كما..ذوب العسل واعلي
وغيرها
::::::
... هذا ماوجدته لدي في الديوان ...

ولك جزيل الشكر وتسلم على نقل هذه الرائعه اخوي فؤاد :i18:

والجدير بالذكر ان الشاعر بعد ان سكن عنيزه و أعجب بأهلها كتب كتب لهم قصيده يقول في مطلعها :
سقا الفيحاء رواح بارقه يوضي كم البلور
.................... حقوق والرعد له قنوف المزن زلزالي

الى اخرها وكانت جميله

اخيرا اكرر لك شكري اخي الكريم ولا تحرمنا من جديدك ;wrd:











  رد مع اقتباس
 
 
قديم 04-01-2007, 12:54 AM   #6
افتراضي

يالله سترك وستار من خلقك :i02:

ومن قال يسلم أخوي "مشتاق" والله يرحم ابن دويرج ويسكنه فسيح جناته توفي رحمه الله في عنيزة ودفن فيها عام 1356 هـ

ماجد المغيولي أها هناك ماهنا بوسات :i14:
وهلا مليون ;sea: على قولة الرجال الله يذكر بالخير ;sea:
والله يبارتس بكلمة المروراللي خلتن اشوفك وعقبال مالقى كلمة المرور حقت المجلس مبطي عن العجعجه ;hsr: وأنت الظاهر مكروب عليك وطالع بمكرمة الملك بالعيد ;hsr:

يقول ابن دويرج يوم دقه الفقر
<div tag='font="Simplified Arabic,4,black,bold,normal" bkcolor="transparent" bkimage="1" border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
مضى العمر أنا ياشعيل والفقر حطّ وشيل=أنا أقواه يوم وباقي الايام يقواني
أدير الروابع لين يقبل سمار الليل=فالى رحت لي مع سوق أبى أغديه لا قاني
لي أنا وله في ساقة مثل رجة الخيل=على ما وصلت الباب إلى الفقر يتناني
</div><script>doPoetry()</script>

شبراق التركي لاهنتي يابنت على التعليق ومالي رد ولايفتي وماجد بالموضوع هو اللي يعطيك علم الاختلاف بالقصيدة
تسلمين وماقصرتي











  رد مع اقتباس
 
 
قديم 04-01-2007, 03:17 AM   #7
افتراضي

<div align="center">هلا فؤاااد

الموضوع ما يبي له ماجد ولا فتوى !!

شبراق أعتمدت بالتصحيح على ديوان بن دويرج لمعدّه ( بندر الدوخـي ) ومعها الحق بذلك

لكن.. !

أنت من وين مصدر القصيده ؟؟!!

لانه بالحقيقه كلمة ( الجلت ) غريبه !! .. وتفسيرها يدل إنك وراك علم غانم

تحال الفتوى لـ فضيلتك جزاك الله خير ,, بإنتظارك ;aw: </div>











  رد مع اقتباس
 
 
قديم 04-01-2007, 04:42 AM   #8
افتراضي

يادافع البلا قلبتوها فتاوي !!

لا ياخوي ماجد انا مرجعي ديوان الشاعر عبدالله بن حسن ( الخال )
وأضاف في آخر ديوانه عدة قصائد لصديقه ابن دويرج رحمه الله .. لانه من الشعراء المعاصرين له .. ومن ضمنها هالقصيده











  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ايا الزيجات يندرج زواجك جريحة الليالي دكة عالم الأسرة والمجتمع 2 28-06-2007 02:15 PM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 06:47 AM



Powered by vBulletin®
استضافة Copyright ©2000 - 2017, vBulletin Solutions, Inc.