دكات عنيزة وكائد لبيع وصيانة الأجهزة المكتبية والأحبار

العودة   دكات عنيزة > الدكات العامة > دكة الموضوعات العامة

دكة الموضوعات العامة المواضيع العامة التي لا تنتمي لقسم معين

إضافة رد
 
أدوات الموضوع انواع عرض الموضوع
 
قديم 10-02-2009, 05:32 PM   #1
Talking «®°·.¸.•° أنا أحبّني.. °·.·.¸.•°®»



الله يخليني لي..


ولا يحرمني مني..


فديت قلبي قسم..


أحبني بقوووه..


" مشكله نقص الحنان "




لا تشرهون علي..


عرفت مع الوقت إني لازم أحبني وأدلعني..


وما انتظر هالشي من أحد..


لأنه محد راح يعطيني وجه


حتى الكاكاو أحبه...وشاروخ خان..


إلا على طاري القهوه..وش سالفة الأهل معنا؟؟<< العداد فاصل الله يخلف..



ما قد اذكر إن أمي أو ابوي ضموني يوم كنت بزر<< مدري وش قصة " قد"..بس عجبتني ..


أصلاً عيب هالحكي ..



عايشين تصحّر عواطف منذ الطفوله..


حتى طفولتنا الله يرحم الحال..طردي بالشوارع مع البساسه..


ولمَّا كبرنا ... زادت عوامل التعريه..


وما بقى إلا نصير ضبان مع وقف التنفيذ..



أمي وهي أمي << احلفي!!



إذا قطَّعها الحنان قالت :

تعالي كولي..لو بتموتين كان كيفك..بس تقعدين تمرضين ونبلش بك من مستشفى لمستشفى..


أتحدى أحد يصير أكثر حنان من كذا؟؟

"ترى فيه جوائز << من زمان ودّها تقولها "



واللي يغثك ..




اصبروا بجيب كابتشينو..<< الصراحه منقهره!!





إنهم يقولون لك ليش أنتي جافه؟؟





الحين لو ابوي يقول : الله يخليك..


كان يغمى علي لأول مره في التاريخ..



من وين نجيب حنان؟؟


أنتم ما عطيتونا ولا عودتونا..


تعلمنا إن المشاعر مكانها القلب..


ويكفي الاحترام وبس..


أما شغل يا عمري..ياقلبي..تعالي جنبي<< انقلعي بس..


هذا نسمع فيه..


بس ما حصل الشرف نتعرف عليه..


مع إن شكله رجّالٍ اجودي<< ليتك مستخيره قبل تهرجين..



إلى متى وعواطفنا موجهه للببيبسي والكاكاو واللاب توب والجوال؟؟

" الصراحه نفقدهن ونشتاق لهن أكثر من أهلنا"



إلى متى وحبنا مصروف للسنافر وليدي ليدي؟؟


" ما عاشت طفولتها صح "



إلى متى وأنا ألعب سوليتر؟؟<< مالها دخل بس حبيت أقولها




عطونا حنان..


نعطيكم عاطفه جياشه..


نعطيكم حب وأشواق طاهره..نقيه..



لكن تحرموننا الشيء..

وتطالبوننا مثله..



عذراً..


ما هنا رصيد..
















توقيع - الغاليه

ترى الذكرى ولو حلوه ..... طواريها تهد الحيل

):

الــغــالــيــه
  رد مع اقتباس
 
 
قديم 10-02-2009, 06:42 PM   #2
افتراضي

الغــــــــــــــــاليه

الايكفي انك تحبينهم
ولابد ان تحبيهم،،أمك،،أبيك
وتتألمين لألمهم وتحزنين لحزنهم
يكفيك برهم واحترامهم وتقديرهم..
لانريد من هذه الدنيا الزائفه سوى رضاهم
ففي رضاهم رضى الرحمن عزوجل
قد لااشعربمالاتشعرين لانك انتي المعانيه
لكن ايهم افضل ان تكوني يتيمه بلا اب وام
او لقيطه لامعرفه للام والاب ام بأحضان ام واب
مهما كانت الحياة معهم
وصدقيني مااروع الصبرمن أجلهم
وماأعذب أن تقدمي هديه رمزيه لهم
وأن تكوني الحنونه المحبه مهما كانت الظروف والاحداث
فلن يضيع من الله شيء وهوالقادر ان يبدل حال الى حال

أختكـ،،حلاعنيزة،،











اوسمتي



توقيع - حلاعنيزه

  رد مع اقتباس
 
 
قديم 10-02-2009, 06:48 PM   #3
افتراضي

أول حاجه

ألف الحمد لله على السلامه ون طول الغيبات جاب الغنايم

وثانيا
أحييك وأحي موضوعك الحلو
وبصراحه على ما قلتي إن الوالدين يجب أن يهتمو بأبنائهم ويعطونهم شوي من حنانهم ووقتهم

وكما شاهدنا أمس في برنامج 99 في موضوع الإبتزاز

الجميع يتفق أن البنت تفتقد الحنان وتبحث عنه في مكان آخر حتى وإن كان ذلك على سمعتها ودينها وشرفها

لك مني كل التحية
ابو مشعل












اوسمتي



توقيع - مشتاق

  رد مع اقتباس
 
 
قديم 10-02-2009, 07:03 PM   #4
افتراضي

الغاليه

الحمد لله على السلامه وعودا حميدا

قد يكون كلامك فيه نوع من الصحه

نقص الحنان موجود عند اغلب الناس

ربما هي طبيعة التريبة
ولكن لا يجب ان ننكر انها بدات تتلاشى
وبدأ اولياء الأمور يتنبهون لأهميه مثل هذا الأمر


اشكرك اختي الغاليه على هذا الطرح وعلى اسلوبك المميز











اوسمتي



توقيع - $f الصافي f$

  رد مع اقتباس
 
 
قديم 10-02-2009, 08:42 PM   #5
افتراضي

مررررررررررررررره عجبن موضوعتس خطنطير


بس انا هذي المشكله ما اعاني منه كثير قد ما اعاني وشسمه كلمه(هو ولد وانتي بنت)
اوكي يعني اتقبله بلعب الكوره بالدبابات<<
عاد مب بكل شي ترى طفرونا قسمن

شكريا

على فكره عجبتن شاروخ خان وليدي والسنافر بس نسيتي تقولين قلانديزر وكونان












اوسمتي



توقيع - مسز ام كشه

[]...!

  رد مع اقتباس
 
 
قديم 11-02-2009, 12:12 AM   #6
Red face

أنا مسجله بـ قروب الحنان ..
اسجل اسمك معنا ..؟!

الغاليه شكراً ..

ـغريبهـ
.
.
.












توقيع - ـغريبهـ

أكرهـ الورد الأحمر ..
  رد مع اقتباس
 
 
قديم 11-02-2009, 08:56 AM   #7
Red face ياربي عليكــ .؟؟ شي غريب الصراحه طقتن الحوله من هرجتس اللي ما أدري وش يبي ..

اقتباس:
ما قد اذكر إن أمي أو ابوي ضموني يوم كنت بزر
؟؟؟؟ تبالغينــــــــــــــ

اقتباس:
تعالي كولي..لو بتموتين كان كيفك..بس تقعدين تمرضين ونبلش بك من مستشفى لمستشفى..

أتحدى أحد يصير أكثر حنان من كذا؟؟
شي غريبـــ طيب مو هذي امكـ ؟؟؟
فرقعين لا تصيرين غلطه .. << الحمد لله والشكر يارب ..


اقتباس:
الحين لو ابوي يقول : الله يخليك..
كان يغمى علي لأول مره في التاريخ..


......................... وشو ؟
وش هالحياة لكـ ياربي لو أنا مكانكـ كان منتحره ..
اللهم لا شماتهـ

اقتباس:
عطونا حنان..
نعطيكم عاطفه جياشه..

طيبــ أنا عنديلكـ حل ؟
ورى ماتقلبينه ..



بوساتي إلكـ حبيبت ألبيـ
ولا عمرتس تشعرين بهالشعور اللي ما أدري وش يبي
ما فيه أم ما تحب بناتهـ ..

الله يكون بعونكـ ياربــ ..
القفيــ ....











اوسمتي

  رد مع اقتباس
 
 
قديم 11-02-2009, 06:22 PM   #8
افتراضي

تسجيل اعتراض على الموضوع لأنه صريح جدا ويحكي الواقع مع الاسف











  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 09:07 AM



Powered by vBulletin®
استضافة Copyright ©2000 - 2020, vBulletin Solutions, Inc.