دكات عنيزة وكائد لبيع وصيانة الأجهزة المكتبية والأحبار

العودة   دكات عنيزة > الدكات المتخصصة > دكة الأدب والشعر

دكة الأدب والشعر لأصحاب الذوق الرفيع في الشعرالفصيح والنبطي

إضافة رد
 
أدوات الموضوع انواع عرض الموضوع
 
قديم 09-11-2006, 04:42 PM   #1
افتراضي

<div tag='font="Simplified Arabic,4,black,normal,normal" bkcolor="transparent" bkimage="./html/backgrounds/13.gif " border="double,4,gray" type=3 line=200% align=center use=ex length=0 char="" num="0,black" filter=""' style='display:none'>
الفن الا يالله يامحصي الناس يامغني المحتاج من بعد الافلاس =
يامفضل ابن ادام علي كل الاجناس يامنزل القران للناس تبيين
الباء بكت عيني افراق الحبايب والقلب شبت به وقيد اللهايب =
من يوم ماحطو عليها النصايب منها الى ذاللحين والهم طاوين
امس العصر بعد الصلاة شيعوها للمقبره في ساعتن وادفنوها =
قفوا وانا معهم بعد وادعوهاياصعبها من ساعتن يالمسلمين
وجدي عليها وجد من ضاع ماله واصبح فقير وحالته يرثاله =
كلن عنه جنب ومنهم عياله وابكل لحظه دق بابه ديايين
البارحه قاعد واخيل النجومي ابكي علي الغالي حسين الرسومي =
من يوم راح اللي بحالي رحومي ماعاد اميز حلو الايام والشين
ماحيدة عن طاعة الله انيه ذكره علي السانه صباح وعشيه =
ماذكر ولا يومن مشت لي باذيه حتي ولا جيرانها والبعيدين
يالله ياللي برحمتك نستعينا تغفر لنور العين والمسلمينا =
وايضاانا واللي بعد سامعينا ياغافر الزلات ياموفي الدين
احبها حبن دخل في عظامي والقلب هايم به شديد الهيامي =
عليه مني كل يومن سلامي يالله عساها بجنة الخلد امين
التا توفي صاحبي يوم الاثنين شهر اثنعش من عام سته وعشرين =
الدنيا ماتسوى ولا شي ذالحين حتي ايش لوفيها انواع المزايين
الله يرحمها عدد مايقولون الله واكبر بالمساجد يصلون =
لاحد يلومن لو يقولون مجنون والله مالوم اللي من الحب ميتين
الي تذكرت الليالي والايام اللي مع الغالي مضت مثل الاحلام =
اصيح مثل اللي سجيناً ومنضام حطوبرجله قيد بين المساجين
لو الشفاء يشرى شريناه بالمال ارهن حياتي بكل دكان واحتال =
لاجله عيوني يرخص المال وعيال مالي انا غيره عن الناس مغنين
الثاء ثلاثين السنه كنها يوم كنت اطلب الله يجعله دايم الدوم =
لاكن علي هذا من الله مقسوم ياحسرتي يافر قلبي علي الزين
من بعدها الدنيا اسودت سماها والعود الاخضر جف من قل ماها =
الله حسيب اللي بعينه رماها يالله عساه بقاعة النار امين
الجيم جزاء الله صاحبي خير عني واللي كتب رزقي منيب امتهني =
فرق الحبيب اللي احبه فجعني يالله عساها بجنة الخلد امين
الحاء حياتي ماتساوي دجاجه عندي ولا عصفور والا خماجه =
مالي بها عقب اريش العين حاجه لوهي ذهب ويكملونه بساتين
كنت اتمنى والمنى ماحصلي تحضر زواج ابنيته تسفهلي =
مير الامر لله ماهو هولي امرينفذ في كبار وصغيرين
الله اخذ امه وعوض بخالات عني وعنها فرجن كل كربات =
الله يجازيهن بالاحسان جنات يوم الخلايق تجتمع للموازين
ادعي لهن ماشي وقاعد وقايم اعداد ماهبت هبوب النسايم =
ادعيلهن بالليل والكل نايم ادعيلهن وادعي بعد للمسلمين
المؤمنات القانتات الصوايم الله يجمعهن علي الخير دايم =
رغم الحسود ورغمرراع النمايم الظاهرين امن البشر والخفيين
الله لهن يصلح خواتيم الاعمال واعيالهن وارجالهن بكل الاحوال =
ويفكهن من ظلم ظالم ومحتال يارب تكفيهن شرور الشياطين
بنصحك يابنتي نصيحت شفيقي من اسمعيها قبل مايجف ريقي=
الله معك خليه دايم رفيقي ذكره معك خليه بالزين والشين =
الله معك خليه دايم رفيقي ذكره معك خليه بالزين والشين
مع صاحبي راحت مراسيم الافراح خلاني في بحرن من الحزن سباح =
الهم لوشفته عن القلب ماانزاح مير الامر لله مافي يدي شين
يارب تجعل قبر نوره رياضي روضه من رياض الجنان العراضي =
الدمع من عيني علي الخد فاضي يوم اذكر الماضي وحلو السباحين
الخاء خسارة مال ماهي خساره لوهي ملا مكه الى حد قاره =
بعد الغضي مافيه شين خساره شوفت حبيب الروح تسوى ملايين
والله ماكني مع الناس حيا من يوم فارقني جميل المحيا =
ياليتني وياه عشنا سويا تسوى جميع الناس حيين وميتين
انا اشهد ان العبد ماله تصاريف مهما بكاء في عاليت المشاريف =
ماينفعه كثر الاسي والتحاسيف اللي كتب للعبد مافيه تخمين
يالله عساها ماتجيها اللهايب وانا واهلها ومالنا من قرايب =
واللي دعى بالخير حاضر وغايب واللي بعد يمي عنو لي معزين
الدال دوك العين والقلب دامي ياويل حالي من يداوي سقامي =
احبها ماهوب عيب وحرامي قبلي وقع بالحب ناسن كثيرين
الذال ذكره مايفارق لساني الصاحب اللي بالمحبه رماني =
ماطولت افراحنا والتهاني جاه القدر واقفت مع اللي مقفين
ياخوي انا ضاقت بي الدار ياحمد كذلك الدنيا وهمن سباني =
وجروح قلبي كل يومن تجدد ياسعدهم ناسن من الحب خالين
برقن لمع من يم ديرة جدودي ذكرني الغالي رهين اللحودي =
شبت بقلبي حاميت الوقودي اسهر طوال الليل والناس نيمين
الراء رحيل الزين والله كايد خلف بي الوسواس وكل النكايب =
انوح نوح الورق قايم وقاعد بس اتململ كن واحد يكوين
كلن معه غالي وانا اليوم وحدي والله مدري ويش ابدي واعدي =
مرن يغيب العقل ومرن يردي ليت الفلك يندار ويعود ذالحين
الزاء زهمت وجاوبتني حمامه تطوح الونات فوق العدامه =
ماهوبعيد العقل يفقد زمامه واصبح رهينن في مصحة مجانين
السين سعيد الحظ من له حبيبه ويشوفها دايم وعنده قريبه =
انا اشهد ان فرقا الحبايب مصيبه من وين اجيب الصبر ياناس من وين
الشين شبت في ضميري حرايق والحال يسرقها من البين سارق =
مادار في ذهني ولايوم افارق اللي رسخ حبه ابقلبي من اسنين
يارب اسالك لاتخيب رجايه اقبل دعاي بالصباح ومسايه =
هي كل شي في حياتي ومنايه تجبر عزاي وتقبله من الشريفين
يارب تغفرله عدد مايصلون واللي يصومون ارمضان ويزكون =
واللي قصد طيبه ومكه يلبون في سالف الازمان واللي جديدين
الصاد صرت ابحالتن يرثيله مالي احد من هالبشر اشتكي له =
والله ماالقا بالخلايق مثيله لودرت انا الدنيا الي الهند والصين
الضاد ضامتني ظروف الليالي راحت وخلتني وحيدن الحالي =
بس اتمني لو اشوفه قبالي وارتاح من همي ولو بس يومين
الطاء طويت الياس من شوف نوار يالله عسي ماتمسها لفحت النار =
هي ميته مره وانا ميت امرار راحت عساها بجنة الخلد امين
العين عاملني بلطف ومحبه وانا بعد ماجاه مني مسبه =
ايام عشناها بسعاده ومحبه طيلة ثلاثين السنه مسفهلين
الغين غابت شمعتي والاماني ماطولت غابت معه في ثواني =
اللي وطى قيسن وليلي وطاني مغير تحولبي همومي وترقين
لكم الاجر ياللي سمعتو كلامي ادعو لها الرحمن بطيب المقامي =
والاجر عند اللي يجيب الغمامي ادعولها صبح وعشيه وممسين
الفاء فريده بحسنها وحسن الاخلاق ماهي من اللي بكل يومن بالاسواق =
مصيونتن عن كل عيبن وسراق امه وابوها من سلالات زاكين
اجواد من اجواد من سالف ايام مثل الذهب ماغيره طول الايام =
يارب بالانعام وسورة الف لام تختم لهم في جنة الخلد امين
القاف قلبي من ونينه تمزع والكبد كنه بالخناجر اتقطع =
وفر قلبي يوم اشوفه توجع من حر ماتوجس تشد بالايدين
الكاف اكتابن وانكتب في جبيني اني افارق نور عيني ظنيني =
ياليتها بالقبر تسمع حنيني مير البلا دونه ستارن من الطين
اللام ليته في منامي تجيني دايم واهيض ماخفى في كنيني =
لولا الصبر عندي من الله عويني لاصيح يانوره بكل الميادين
من ضيقتن بالصدر كني بزجاجه وين اللذي لاجيت يضحك حجاجه =
لوقلت ابلقى مثل نوره سماجه ماله وصيفن بالحضر والبداوين
في يوم وحنا للضبط مقبليني اقول له لامت انا فاذكريني =
مري علي قبري طوال السنيني واقري علي صورة تبارك وياسين
اقري علي وكثري القراءه زودي علي الثنتين صورة براءه =
وادعيلي الله يكتبه لي براءه ابيه عن حر اللهايب يذرين
وانقلبت الايام وصارت بدالي امرمقدر يابعد كل غالي =
والله مانسي كلمتن قلتها لي يوم ك تقول امن الدعاء لاتخلين
من وين ماوجهت وجهي تزول قدام عيني ماتغير عن اول =
قمت اشتكيله حالتي واتململ قالت لي اصبر والصبر اخره زين
الميم مدري لكن امرن دهانا تحيرت فيه العقول التكانه =
جاه الامر فجئه بلايا بيانا حارو بها حتي الاطباء المداوين
شين يهد الحيل والعقل يحتار والقلب من هول المصيبه علي نار =
في لحظتن مات الغضي واقفر الدار تلعي علي جدرانها بومة البيت
مرت علي ايام اسود نهاره من وقع الدكتور واصدر قراره =
زود اسى قلبي بحزن ومراره دارات بي الدنيا واصفق بالايدين
النون ناظرني بعينن حزينه وده تقول شين ولا استبينه =
قبلت راسه وقلت وش تشتهينه اجيبه بسرعه علي الراس والعين
ابكل صعوبه فهمتني مراده وادموع عينه غرقن الوساده =
ابيك تدعيلي بدار السعاده وقت الصلاة من الدعاء لاتخلين
قلت ابشري هذا علي عهد واوفيه مادمت انا حيا وربي اناجيه =
فضلك علي واجد ولااقدر اوفيه يالله عساك ابجنة الخلد امين
الهاء هواتي ماتغير نباها من يوم اخذته لين ربي خذاها =
ياريحات السحب علي ثراها تنبت علي قبره ورود ورياحين
الواو والله مانسيته ولا يوم واللي يقول اني نسيتيه يجي يوم =
يجيه ماجاني ولايفرح بنوم يذوق ماذقته من افراق غالين
الفيتن ارثي بها نور الاعيان ولفتها واللي بقي لب الاحزان =
تبقي لنا ذكرى علي مر الازمان الله يلوم اللي يلوم المحبين
هذي ام عبدالله ماهيب اي انسان ماكلفتني مامشت لي بحقران =
من يوم اخذته لين ضمت بالاكفان يالله عساها بجنة الخلد امين
الله من شين بصدري كتمته اكبر من اللي بالقصيده ذكرته =
هوهين اللي في حياتي فقدته لا واللذي سو ابونا من الطين
الياء يقول ابن الصريخ بالختامي مني علي الغالي كثير السلامي =
هذا واصلي عد وبل الغمامي علي النبي سيد جميع النبيين
</div><script>doPoetry()</script>













توقيع - ابوسلطان الصريخ

مع تحيات اخوكم الهاوي وليس الشاعر
ابوسلطان الصريخ للتواصل عبر البريد
remasnajd@gmail.com

  رد مع اقتباس
 
 
قديم 09-11-2006, 11:48 PM   #2
افتراضي

الله يغفرلها ويرحمها ويجعلها بجنات النعيم
وأمواتنا واموات المسلمين أجمعين

شكرا لك أخي ابو سلطان على هذه القصيدة المؤثره
لك مني كل التحية والتقدير
مشتاق












اوسمتي



توقيع - مشتاق

  رد مع اقتباس
 
 
قديم 10-11-2006, 12:55 AM   #3
افتراضي

<div align="center">
;ghjkg:
الله يرحمها..ويسكنها جنات النعيم..والمسلمين..

تسلم اخوي..
وصح لسانك..

تحياتي..

;wrd:
</div>











  رد مع اقتباس
 
 
قديم 10-11-2006, 02:45 PM   #4
افتراضي

<div align="center">الله يرحمها ويرحم اموات المسلمين

وصح لسان شاعرها

يعطيك العافيه اخوي ابو سلطان
</div>













توقيع - السنافيه بنت اهلها

&lt;p align=center&gt;&lt;embed src=http://www.upload.mdsalih.com/userfiles/x1x2x/snafiah.swf WIDTH=495 HE&lt;div align=&quot;center&quot;&gt;&lt;/div



<span style=\'font-size:14pt;line-height:100%\'><span style=\'color:green\'>لي ديرة معروف ماضيها وحاضرها $$$ لها تاريخ نفخر به من أولنا لتالينا </span></span>

  رد مع اقتباس
 
 
قديم 11-11-2006, 08:13 PM   #5
افتراضي

صح لسان الشاعر سليمان بن عبدالله الصريخ ورحم الله الميت
وبيض الله وجهك يابو سلطان على المنقول ;aw:













توقيع - راكان

<span style=\'font-size:15pt;line-height:100%\'>انا اللي ضاع بالحرمان عمري
انا اللي في ظلام الياس تايه
انا اللي شلت من ظيم الليالي
حمول ماتحملها ..سوايه
كتبت بدمعتي قصه عذابي
وقريت اللي كتبته من عنايه </span>

  رد مع اقتباس
 
 
قديم 12-11-2006, 01:49 AM   #6
افتراضي

من شفت القصيده رثاء وبالزوجه على طول حفظتها وقريتها على رواق وعدة مرات


لكن وش اقول
المعاني اروع من كلمة رائعه
وان جينا للنظم جزله جزله جزله

صح لسانه مليووووون , , , ألفيه مكتمله واعجبتني

وتسلم ايدك ياابو سلطان على هالنقل
ومازلت ارجع واقرى القصيده :i02: , , , يازينها











  رد مع اقتباس
 
 
قديم 12-11-2006, 04:26 PM   #7
افتراضي

تسلم اخي شبراق التركي علي المروروالتعليق الرائع تحياتي













توقيع - ابوسلطان الصريخ

مع تحيات اخوكم الهاوي وليس الشاعر
ابوسلطان الصريخ للتواصل عبر البريد
remasnajd@gmail.com

  رد مع اقتباس
 
 
قديم 03-09-2022, 08:01 AM   #8
افتراضي رد: الفية رثاء سليمان بن عبدالله الصريخ زوجته

ومضت السنين ولم يعد احد يهتم بمثل تلك المنتديات على الشبكه واستعاضوا عنها بالسوشال ميديا لن ننساك يا ايتها المنتديات ولن نقول وداعا بل سنتذكرك بين الفينه والظ±خرى تحياتي لكل من يمر ويقراء













توقيع - ابوسلطان الصريخ

مع تحيات اخوكم الهاوي وليس الشاعر
ابوسلطان الصريخ للتواصل عبر البريد
remasnajd@gmail.com

  رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
السريح عناد رسن دكة شعر المحاورة 6 11-02-2008 01:40 PM
سليمان بن عبدالله الهقاص الى رحمة الله فـــــزاع يطلبكم الحـل 4 17-01-2008 04:36 PM
قصيدة رثاء للاعب عبدالله الوهيب رحمه الله مشتاق دكة الأدب والشعر 7 17-01-2008 11:30 AM
أم عبدالله الصريخ في ذمة الله مشتاق يطلبكم الحـل 9 15-11-2007 12:35 AM
قصيدة رثاء بالشاعر عبدالله العليوي رحمه الله مجهول. دكة الأدب والشعر 3 15-05-2004 02:52 AM

Preview on Feedage: %D8%AF%D9%83%D8%A7%D8%AA-%D8%B9%D9%86%D9%8A%D8%B2%D8%A9 Add to My Yahoo! دكات عنيزة Add to Google! دكات عنيزة Add to Feedage RSS Alerts دكات عنيزة

الساعة الآن 12:33 PM



Powered by vBulletin®
استضافة Copyright ©2000 - 2022, vBulletin Solutions, Inc.